اعتراض مخالفة غير صحيحة

حياك
بيني وبينك انت مثل اللي يدور ابرة في بحر
مريت من عند ساهر الااول وصورك قد يكون مبرمج ع سرعة 100
مريت من ساهر ثاني ماصورك 
من يقنع ساهر وصاحب ساهر واللي حط ساهر 
ان كلامك صحيح 
لله المشتكى
واذا انحلت سالفتك نزل موضوع نستفيد

^
وشلون طيب انا مو ذنبي اذا برمجتهم فيها مشكله

واللوحة واضحة كانت 120

بعض الخطوط يكون اوله سرعه واخره سرعه اخرى
يعني ممكن اول الطريق كانت السرعه المحدده 100
وفي آخر الطريق تكون السرعه المحدده 120

بعدين اذا كانت السرعه 120 ساهر ما يصيد الا على 133 وفوق
واذا كانت السرعه 100 ما يصيد الا 110 وفوق

انت تأكدت ان المخالفه نزلت ؟
لانه مرتين يصيدني ساهر وانا على السرعه المحدده ولا تنزل المخالفه

نزلت امس
حاولت اسوي اعتراض في ابشر مالقيت ايقونه الاعتراض

روح قسم المرور الرئيسي اللي عندك واعترض

الله يعينك .. ليلك طويل واعذرني مابغى ازيدك غبنه ولكن هذا الواقع

انا نزلت علي مخالفة وقوف خاطئ في مدينة اخرى غير اللي انا فيها .. وعن طريق نظام باشر
اعتراض عن طريق ابشر مافي .. رحت للمرور صباح اليوم التالي وقدمت اعتراض وطلعت النتيجة (لا توجد صورة) يعني اعتراضي صحيح وفي محله

المهم .. رفعوا خطاب رسمي بتوقيع من مدير المرور ( عميد او مقدم ناسي والله ) ببرقية عاجله للرياض لالغاء المخالفة (طبعا الرياض لان المركز الرئيسي لإدارة المخالفات هناك) 
والان لي شهرين وماحولك احد .. كل ماراجعهم يقولوا بنرسل خطاب تاكيد ثاني بس لاتسدد حتى لو تدبلت 

المخالفة تنزل في يوم وليلة والان مع باشر تنزل في خلال ساعات .. اما الالغاء ليله طويل وسمعت انها تاخذ 3 الا 4 شهور

المشكله اقول للضابط كذا ماقدر ابيع سياره مثلا .. يقولي سدد وبعدين هذه تصير لك رصيد عند وزارة الداخلية للمعاملات الاخرى

حسبي الله ونعم الوكيل

ما ضاع حق وراه مطالب 
اهم شي المطالبه 

طريق مكة الطائف عن طريق الهدى .

من مكة لمركز الكر . في اكثر من سرعة في طريق سرعة  100 ساهر و في 120 . ممكن اللي صادك ابو 100

بالنسبة للاعتراضات حولوها عالمرور مباشرة

صارلي نفس الشي وانا راجع لجدة من الطايف فجاة الطريق تغيرت سرعته وصارت 100 وخويكم ماشي 120 هههههه واشوف احلى فلاش في وجهي
الغبنة ان لوحة السرعه ماهي باينة وعليها شجر
انت اشتكي وربنا يعوضك

يارجال أنا جتن مخالفه وأنا ساكن بالقصيم والطريق الي سويت فيه المخالفه بالرياض كيف مادري حسبي الله ونعم الوكيل

قدمت أعتراض ولي سنتين وماحصلت شي ماوراهم ألا وجع الراس ..

بعد كلامكم مالي الا ادفعها دوامي مايسمح اطلع منه
باين الوضوع بيطول ووجع راس
 حسبي الله ونعم الوكيل

قبل تقريبا شهرين
كنت ماشي في طريق سرعته 100 و انا ماشي حول ال 95
شفت الموظف حق ساهر جالس يركب كاميرا ساهر ولعت فلشر عشان انبه اللي ورايا
وموظف ساهر اشر لي بيده و فجأة اشوف فلاش

قلت عوافي شكله توه يجرب الكاميرا ولا عطيتها اهتمام لان صاحبي قالي كثير جربو فيه ولا نزل شي

المهم بعد يومين شيكت حصلت مخالفة 300 ريال

رحت للمرور الصباح عشان اقدم اعتراض و انا فاقد الامل لان السيارة مو بأسمي
المهم تجاوبو معي و اعطوني ورقة عبيتها
بعدين العسكري حط رقم المخالفة و وراني الصورة
مكتوب ان سرعتي 111
قلت للعسكري انا متأكد 10000% اني م تعديت ال100
قالي والله عاد هذا المكتوب و مالك غير انك تسدد

المهم اخذت لقطه بجوالي للصورة
هذه الصورة
http://www.m5zn.com/newuploads/2017/05/15/jpg//1089cb1e9ab2396.jpg

بعد مارحت جلست اتأمل الصورة
و لاحظت ان في شخص ورايا ملحم و يبغا يتجاوزني من الخط الاصفر
بس لوحته ماهي باينه لاني انا مغطي عليه
و فهمت ان المخالفة المفروض تكون له بس حطوها عليا عشان لوحته مخفية بسيارتي

قلت حسبي الله ونعم الوكيل عليهم
مالي غير اني اسددها

المهم بعد 4 ايام تقريبا جيت بسددها
و اكتشف المفاجأة

قيمة المخالفة صارت 0 ريال
http://www.m5zn.com/newuploads/2017/05/15/jpg//b78a38d21ce2006.jpg

يعني انصحك تروح الصباح للمرور و تعترض
ومنت خسران شي
روح الساعة 7 مافي زحمه
السالفة كلها اخذت ربع ساعة بس
والحمدلله شالو المخالفة مع انهم راح يطردوني لان السيارة مو بأسمي و كمان استمارة منتهية هههههههههههههههههههههههههههههههههههہ'هَ

نصيحة ياخوان طريق جدة مكة الهدا خلي سرعتك 110 وباذن
الله ماتجيك مخالفة اما تقعد تطارد ورا الوحات بتتعب وتنغبن!!

اخوي ابو ناصر 454

كلامك ذا ينطبق على ساهر خارج المدن مثل الطرق السريعه هي اللي فيها زياده 10%

اما داخل المدن البعض منها ( واقول البعض ) مبرمج على السرعه المحدده يعني لو السرعه 100 تمشي 102 مخالفه

خصوصا مدينه الدمام طريق الملك فقط والشوراع اللي توصل لذا الطريق بشكل مباشر

اخوي احمد روح راجع المرور منت خسران شيء بيعطونك حقك
ويطلعون صورتك وسرعتك
ترا الشغله كلها ما تأخذ مك ربع ساعه
واحد من الاقارب معه موتر فورتشنر جته رساله ساهر 300 ريال وهو في منطقه ما فيها ساهر ابد
يوم راجع المرور قالوله عن طريق الخطاء وطلعوا صورت المخالفه طلعت كورلا وشالوا منه المخالفه ما خرج من عندهم الا وهو مبسوط
انا اقلك اذا انت متأكد من كلامك ومن سرعتك راجعهم وبإذن الله منت خسران

الرجال يبي طريقة الاعتراض مايبي تجلس تشرح لنا قصتك انت واياه
اخوي احمد تروح لفرع رئيسي للمرور فيه عندهم قسم يطلع مخالفات ساهر تاخذ رقم المخالفه وتعطيه ويطلع لك الصورة وبيكون معها بيانات كم كانت سرعتك وكم السرعه المحددة وتاريخ والوقت
اذا انت مخالف فعلا الله يعينك اذا انت مو مخالف تقدم اعتراض من نفس الفرع يكون ورقي واتوقع ماتقدم الاعتراض لين تسدد وتقدم الاعتراض اذا طلع اعتراضك صحيح ترجع فلوسك طلع انك مخالف تتسدد واعتراضك ينلغي
اتمنى اكون افدتك

ياعالم انا بيني وبين ناس عدوه وولد عمهم سجل علي قسيمت هروب 
وعلموني اخويي ان المرور عطاني قسيمه رحت اله قال انا قل نديتك وماجيت المهم مقدرت اكثر معه بل الكلام لنه رسمي وش السواه معه