هل النافارا عملية؟

والله وانا اخوك شريت وحدة للوالد ٢٠١٤ بحكم تجربة الزملاء واستشارتهم سيارة متينة وتحس فية فرق عن الداتسون والبيك اب الاخرى عليها تكييف ورساوه وفرامل ومتماسكة وقوة محرك ماشاءالله 

بالمعارض شفت الشكل الجديد استندر 52 الف  واسنتدر دبل 54الف
اذا تقدر تاخذهاا  طيبه

من تجربة ممتازة جدا القير العايدي فيها السادس عالخط طلبونها والضغط منخفض واقتصاديه وراكده ماهي مثل الددسن

فيها مشكله الحراره من تجربه 2010
الباقي خذ ولد يعجبك بالخط والتحميل والمكيف

الحراره من 2011 تخطوا المشكله هذي عندي وحده15 شي شي ماشاء الله ان بغيت خط ولابر ولابحر هههههههه ماشاء الله بس عيبها تصرف بنزين واجد واي استفسار عن النافارا هذا رقمي ج592511272

الاكستيرا و النفارا و الباثفندر كلهم صناعة امريكية
و النفارا في امريكا لها اسم ثاني و تجي 6 سلندر وعضلاتها نفس الاكستيرا و الباثفندر

الله يجزاكم بالخير،وباقي معلومة ماذكرتوها:-
وش صناعتها؟

وسمعت إنها تسخن وإن الحل تركيب كلتش مروحة باثفاندر،فهل هذا صحيح؟

والسبب اللي خلاني أشتريها هو أن عندي ددسن 2013 جننتني.
إزعاج عالخط ولا رساوة ولا تكييف ولا شي...
اللهم إنها تخدم بس.

اللي حط ديسلايك للاسف ما جرب بس شغل نفسيات ولا شريطي دداسن
الموتر كفو 2012 شغال بين الرياض وبيشة باستمرار حملته عدة مرات حمولات كثير ولا قال حزامها ضعيف

والسبب اللي خلاني أشتريها هو أن عندي ددسن 2013 جننتني.
إزعاج عالخط ولا رساوة ولا تكييف ولا شي...
اللهم إنها تخدم بس.

النيفارا. مايعرفها الا واحد مجربها 
الي ماكد جربها لايقعد يفتي من رأسة 
ولا متعصب لشركات ثانية

أكثر من يعطي دسلايك من الدرباوية ، النافارا سحبت البساط من تحت الددسن ، مواصفات أكثر ، رساوة ، واسعة ، تحميل

أكبر ، ارتفاع جيد عن الأرض ، عزل ممتاز ، هدوء صوت المكينة ، أنا مجربها موديل 2015 ممتازة جداً ، طبعاً فيها

بعض السلبيات منها المرتبة الخلفية مرتكزة قليل ، صوت في التعشيق إذ ما دعست الكلتش للأخير لكن تحتاج إلى أن تتعود

عليها ، أدراج تخزين قليلة ، عيار الزيت بعيد نوعاً ما ، صرف بنزين مع السرعات العالية على الخطوط السريعة

لكن مع هذا إيجابيات السيارة غطت على السلبيات .

النافارا موتر كفو جربت 2013 خليجي طلع لي صوت الصحن حق الدسك والمكيف حاااار والحرارة ترتفع وكان وكيلنا الحمراني اخر ايامه وبعتها بعلتها وكنت مطلعها جديدة مشت 5000 كم بس غير كذا مابها كلام المرتبه للركب ماترجع ثابته بنصك خذ الجديدة لعلهم تلافو مشاكلها تعشيقة السادس مالها حل تمشي 140 كانك تمشي 80 ماتحس بالطريق

بالنسبة ياجماعة لكثرة النافارات اللي مخبط واللي موضب وش قصتها؟

أنا أقول لك ليش تخبط ، الناس تجهل الزيت الذي تغيره ، البعض يقوم بتغيير زيت ثقيل 20 - 50 وهذا دمار للمكينة

وهو السبب الرئيسي لتخطبيط المكينة لأن الموصى به للنافار لزوجة 5 - 30 أو 10 - 30 .

شكراً على التوضيح يا النهراني...