هل الافضل اوضب ام اغير مكينه لنيسان ارمادا 2009

الافضل  التغيير  تشوفلك مكينة  نضيفة    انا اذا قيه مكنيكي تعرفه 

وهو خبررررررة    ف التوضيب  يكون افضل   



اذا وصبتها عند واحد مهو فاهم  ممكن تخسر  دبل قيمة مكينتك

التوضيب افضل لانك عارف ايش حطيت وايش ما حطيت

المشكله ما اعرف ميكاني ممتاز في التوضيب اذا احد يعرف لا يبخل علينا
وحصلت مكينه 2006 نظيفه بس هل تركب ع 2009 وتعطي نفس القوه والعزم

بالنسبة للتكلفة هذي عندك انت تدور وتقارن بس اسعار القطع لاتروح الوكالة .. عندك محلات القطع لانك بتوفر على الاقل 30% اذا مو اكثر

وبالنسبة للافضل ميكانيكيا للسيارة التوظيب لانك ببساطة تعرف وش وضع المكينة لكن التشليح ماتضمنه وحتى لو ضمنه لك التشليح وطلع فيه شي بتدخل في دوامة جديدة وبتدفع للفني مرة ثانية .. مثل ماتفضلوا الشباب وظب اسلم لك ولازم تسأل 100 واحد الين ماتوصل للفني الخبرة والثقة بأذن الله

اكيييد التوضيب افضل
لكن التوضيب شغلته شغله

المهم إذا اخذت مكينة من التشليح وقت الضمان لايروح عليك وانت ماجربتها صح غيرزيت وسيفون على طول ومسك مشوار وشوف الزيت
ينقص ؟وشوف الحراره ؟ وشوف فيها دخان ؟المهم تعرف المكينة نظيفه ولا لا قبل ينتهي الضمان

السلام عليكم اخوي بالنسبه للتوضيب مثل مكاين الارمادا والباثفندر صعب توضيبها وماهو اي احد يوظبها لان واحد من الشباب معاه باثفندر ٢٠١٠ خبط وراح لميكانيكي وجاب له قطع وكاله كلفته تقريبا ١٠٠٠٠ وبعد تقريبا اقل من سنه طلع صوت فالمكينه واعتقد صوت السبيكه وطفش منها راعيها ووقفها والى الان واقفه لها سنه فانا انصحك تاخذ مكينه من التشليح لابد تحصل موديل اجدد ٢٠١٢ ماهي ماشيه كثير لا تستعجل لان سيارتك موديلها ماهو قديم يعني خذ مكينه من موديل ٢٠٠٩ وفوق صدقني راح تحصل سياره مقلوبه او مصدومه 

العجيب

لما تجي تسال عن سيارة وخصوصا اللي قيرها cvt يقولون ابعد عن لانه ما يتوضب ولا قدر الله اي واحد خبط عنده القير او المكينة يقولوا له غير تشليح لا توضب!!

^^^

المكينه مب على كل حال توظب ؟؟؟ اذا كانت مخبطه بسبب الحرارة والراس مقوس والعمود مقوس هنا ماينفع معك التوظيب لازم مكينه جديده .. برضه اذا جيمت وطلع العمود ماينفع معها التوظييب نهائي

التوظيب ينفع اذا كان الموتر مبوش وينقص زيت (( يسمونها تسقيط شنبر )) او بالعامية نص توظيب

ثاني حاجه ترى الميكانيكي مايلمس بالمكينه شي ؟؟؟ كل اللي عليه يفك صدر المكينه من فوق والكرتير من تحت وكامل الشغل تسويه المخرطه .. هو ماعليه الا الفك والتركيب بس

ولا انصح بالتوظيب لسببين الاول ان المخارط عيال كلب تروح انت يالسعودي المسكين وتاخذ قطع اصلي وهم ياخذونها ويبيعونها ويركبون لك نجاري !!! علاوة على ان اكثرهم غير مدربين ويتعلمون على مكاين الخلق

التشاليح ارحم نوعا ما لانه من النادر يركبلك تجاري (( نظام التشليح استفد من مكاين الرجيع )) تلقى عنده مكينه فيها صوت عمود وثانيه فيها الراس منشعر وثالثه فيها كذا وكذا .. يجي يجمع ذي على ذي ويطلع بمكينه سليمه ويعطيك اياها يعني بالعربي انت تستلم مكينه مجمعه ولكن قطع شد بلد (( مايروح يشتري لها قطع كذا يخسر نفسه .. واذا اشترى بيجيب تجاري ولكن اشياء يسهل تبديلها بعدين مثل جلد البلوف يعني اشياء استهلاكيه بتغيرها بعدين مهما طال الزمن ))

طبعا اتكلم عن التشاليح اللي عنده مواتر راكبه فيها المكاين لكن تأكد من مسامير الكبوت ومن كراسي المكينه لاتكون مفكوكه ومبدله .. اما التشاليح اللي تشوف المكاين مفكوكه وكلها زيوت وبعضها مستورد وملمع هذي فعلا فيها شي موظب بقطع تجاري

نصيحة مجرب لاتوضب ..

التوضيب يبغاله واحد يخاف الله ويبدل لك القطع اللي جبتها انت وهذا ماراح تحصله في الميكانيكية هنا الا من رحم الله.
ثانيا القطع اللي شريتها هل تضمن انها اصلية 100% .. مستحيل.
ثالثا: شف لك مكينة وارد امريكا او اليابان ولازم تشرط عليه انها ماقد فكت ويعطيك ضمان اقل شي شهر ويسجلها بالفاتورة انها وارد مهيب استعمال سعودي والميكانيكية يعرفون الوارد والسعودي.

بتكون كذا وفرت على نفسك انتظار مايقل عن اسبوع الى 10 ايام وثاني شي المكينة شد بلد وبتكون نظيفة ان شاء الله.

اسف على الاطالة لكن من باب حب لأخيك ماتحبه لنفسك ماحب احد يوضب ويعاني اللي عانيته.