محتاج مساعدة بخصوص حرارة السيارة فالوقوف

^^^ السيارة نقول تهون يا ابو عبدالله اهم شي راحته هو


يعني 1600 كيلو كم يبي لك من ساعة عشان تقطعها وغير نومتك في السيارة بيتكسر ظهرك من الموتر لو انه اطلق شي وش الله حادك


( لا يكلف الله نفساً الا وسعها ) يعني حتى لو مهيب مرتفعه الحرارة وانا اقولك مهيب مرتفعة ان شاء الله اذا موترك سليم وانت باخصه زين ماعليه خوف


بس وش الله حادك تخلي المكينة تدهر حول 24 ساعه مع نومتك اذا مهيب اكثر ، اقطع 700 الى 800 كيلو شفت نفسك تعبان وقف يامال العافية في محطة كويسة مثل ساسكو وطقتها وعندك انواع المطاعم تعشى وارقد ومن اصبح افلح لا ترهق نفسك على غير سنع


ومنها تريح موترك مش شرط انه بيخرب لو سويتها بس هذا افضل له ليش اجهده بزيادة صحيح ان الواحد ما يصير موسوس ويخاف على موتره بزيادة ودامه محافظ ويسوي صيانات اول باول يروح للي يبي وما يعطي الموتر اكبر من حجمه


لكن برضوه ما ادور الشقا لموتري ، يعني عندي طريقين معبد وغير معبد اروح اكسر موتري في الغير معبد خلاص وقف وريح


تحياتي

حياك
وش المشكله اذا قطعت الف كيلو تاخذ لك غرفة وتريح 
لك ثمان ساعات انت ترتاح وسيارتك ترتاح
حتا معازيبك اللي رايح لهم تجيهم وانت مرتاح 
كل مطرود ملحوق 
وباالتوفيق

ارتاح وريح موترك . والدنيا ملحوووقة. وانـــا أخوك
بارك الله فيك

اذا المراوح والرديتر وكل وسائل التبريد زينه ما يضرها شي خمس سنين اشتغل تكسي ونتضر ساعات والسيارة شغالة والحمدلله
مافيها الا العافية بس اشيك عليها دايم وغير موية الرديتر كل سنة اصلية

لاتنسى نقص الاكسجين داخل السياره

بعض السيارات وانت ماسك خط تلاقي الهوايه تفتح اوتوماتيك خاصه فالمكيف الالكتروني ليييه ؟؟؟

البعض يحسبها عيب فالمكيف والا هو لتجديد الاوكسجين داخل السياره

اذا ملزم تنام داخل السياره على الأقل نسم في القزاز لجميع الأبواب

طبع السياره اذا مافيها شي مارح يضرها

عندك سيارات ساهر ماضرها شي ^_^

ذكرتني بأيام راحت، كنت أطلع من الجبيل إلى أبها 1600 كيلو كنت أشغل في الجبيل وأطفي في أبها دعسة وحدة ما أوقف الا اعبي بنزين أو أصلي. طبعاً تكررت السفرية هذي أكثر من 20 مرة في سنة وحدة والحمد لله ما شفت يوم أكرهه.

السيارة كانت فكتوريا 99 والكلام هذا عام 2006

بغض النظر السياره بتحتر السياره ولالا
انت تدري يمكن تموت لاقدر الله وانت نايم بالسياره

بسبب نقص الاوكسجين هذا واحد

اثنين يمكن تموت بسبب كربون السياره

لان السياره ماهي مصفحه

عشان ماتدخل عليك ريحة الكربون

اغلب سياراتنا تدخل لها الروائح

بشكل بسيط ما نحس فيها

يمكن تختنق من الريحه

لان السياره واقفه بالساعات وتشتغل

كل ذا بيتجمع بالشكمان تحتك والمكينه

الي هو الكربون
بتقول ابفتح القزاز على الخفيف
مايفيد
يمكن يضرك اكثر لان الريحه حقت السياره
بتدخل عندك داخل
اكيد بتقولي اغلب الناس يفتحون الكبوت بالطريق وينامون
ادري انا معاك بس كم ساعه ينامون؟
كلها ساعه الى ساعتين ويكملون الطريق
اما انك تنام فوق الساعتين مجازفه يا تموت يا تعيش
مافي الا انك تنام بدون ماتشفل السياره والمكيف
اذا الجو حلو ولا استاجر استراحه بالمحطه
وجب فرشك معك

انا اشوف تريح في ساسكو وتوقف سيارة وتحط جميع اغراضك جوال والمحظة بالسيارة ما عدا المفتاح وتنام في المسجد على طرف عشان لاتزعج احد

وانتبه مفتاح سيارة لاينسرق منك ولا ظاهر للعيان في جيبك

فك الكبوت ربع وثبته بحجر وامورك تمام . لان لأجواء الأن باردة ما عليك . اسال مجرب . اهم شي اسدح الكرسي للآخر وقفل بيبانك والله يعينك على نشبة امن الطرق

الله يعطيكم العافية كلكم و الله يبيض وجيهكم

شفلك شقة بحدى الحطات النظيفة وارقد لين يطلع النوم مع خشمك وكمل دربك لاتشقي عمرك عشان كم ساعة تبي توفرها وفكر وقرر