أضف سؤال أو موضوع جديد          

جهاز قياس كفاءة البطاريه عند بترومين

up 4 down 1
للآجره 276
قبل 10 شهر



السلام عليكم ورحمة الله وبركاته

غيرت زيت عند بترومين صيانة 50 ألف العامل معه جهاز كشف يقيس عمر البطاريه
بعد ما شبكه ف البطاريه طبع لي برنت يقول البطاريه عمرها منتهي وتحتاج تغيير وانا ماني ملاحظ شي على السياره
لا من ناحية تشغيل ولا انوار- البطاريه حقت الوكاله ما غيرتها من شريت السياره لكن العامل يقول الجهاز يوضح انها على وشك تنتهي

انا ماعندي خبره ف الموضوع قلت غيرها وبعد ما غيرها الرجال صار يشتغل بذمه يدعك السياره وينظفها ويكنسها
واعطاني رزمة تعليقات ريحه من كثرها دخلتها معي البيت واربع كراتين منديل المهم ماهي عادة بترومين كل ذا الكرم معي لاني دايم اغير عندهم
بالكثير تعليقة وحده ريحة وكرتون منديل والباب واحيان ما يعطوني شي
المهم بعد الاهتمام ذا واللعنايه اللي على غير العاده احس انه انضحك علي انا بحط صور للبرنتات اللي طبعها لي
وحده لبطارية سيارتي الوكاله والثانيه للبطاريه اللي ركبتها

اللي يعرف يقرا الرموز اللي ف البرنت يفيدنا عشان نسلم من نصبهم مستقبلا

رابط الصورة :

http://cutt.us/PmrfL








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انضحك عليك مع سبق الاصرار والترصد ههههههههههه ياحبيبي بترومين ياخذون بونص على كل تغيير في السيارة لو بيده قال السيارة كلها تالف الله يعوضك خير 


up 8 down 0
yahya alajlani 402
قبل 10 شهر



البطاريه قبل لا تنتهي لها علامات ضعف صوت البوري صعف في الانوار تلاحظ اختلفت تشغيل السياره وقتها غيرها قبل لا تبلش تدور احد يسوي لك اشتراك ...


up 2 down 0
المتوكل 777 357
قبل 10 شهر



انضحك علي الله يعوض لكن وضح لي وين انغشيت ف البرنت انا اشوف المربعات اللي ف البرنت اليسار فاضيه والثانيه مليانه
ف مدري وين الغش بالضبط


up 0 down 1
للآجره 276
قبل 10 شهر



ما كان فيها أي علامات ضغف لكن يوم فكها هي من بلدها يجي لونها ابيض شفاف اقدر اشوف الماء اللي داخلها كان ناقص ولا اقدر ازيده لانها تماتيك
فهو يقول الماء ناقص وهذا معناه ان البطاريه عمرها على وشك ينتهي
والله العالم المهم يبقى الموضوع هنا ويستفيد غيري اذا شافه


up 0 down 0
للآجره 276
قبل 10 شهر



والله ياخوك كويس غيرتها للاحتياط اما مسألة الضحك في قراءة الارقام اللي مستغربه قراءة الفولت والاشياء الثانيه في البطارية السابقة اعلى من البطارية الجديدة انت شوف الارقام اللي فوق المؤشر وتحت الخط


up 1 down 1
yahya alajlani 402
قبل 10 شهر



لحظة لحظة

مثل ماقال اخوي يحيى

كيف بطارية جديدة وقراءتها ضعيفة

لاحظوا ان البطارية القديمة تعطي 12.72 فولت

والبطارية الجديدة 12.54 فولت

!!!!!!!!!!!!

انا من رأيي ارجع لبترومين


up 4 down 0
dark evil 362
قبل 10 شهر



ممكن نمشي الفولت لانه الدينامو بيشحن القديمة
والجديدة باقي ما انشحنت لكن!!!!!
اولا أمبير بطاريتك القديمة أقوى من أمبير الجديدة 
ثانيا شوف اخر سطر في ورقة البطارية القديمة
حاطط درجة الحرارة صفر ؟!!!!!! واليمين لا يوجد
وبعدين اذا بنمشي عالمقياس المفروض بطاريتك
القديمة تكون ميتة تماما ومافيها ذرة كهرباء


up 0 down 0
متسوق جدة 104
قبل 10 شهر



نصب × نصب
يوم مشت سيارتي ٤٠ الف كلم كشف على البطارية و قال نفس الشيء
بطاريتك منتهيه و لازم تغييرها
قلت له تعقب ما اغيرها
اليوم سيارتي ماشيه ٧٩ الف و لم اغير بطاريتها و لها ٤ شهور من يوم قال غيرها


up 2 down 0
المخلصm 233
قبل 10 شهر



يا رجال بترومبن نصابين لاكبر درجة
سيارتي كانت جديدة ماشية 15 الف
قلي المكينة يبغالها غسيل الزيت محروق ومدري وش
قلتلو غير زيت وفلتر وبس
ونفس الشي صار على ممشى 30 تقريبا قلي زيت القير يحتاج تغيير -_-
بعدها ما رحت لهم وصرت اروح للبنشري الي جنب بيتنا


up 3 down 0
loody_23 354
قبل 10 شهر



عمال بترومين مثل المندوب المصري يحاول يقنعك لين تشتري بضاعته



up 2 down 0
bmw z4 1191
قبل 10 شهر



الله لا يهينكم على التوضيح
اللي صار رجعتله اليوم علمته بكلامكم ما يفهم عربي زين وانا ما اعرف انقليزي وينشب لي ف الكفرات أني لازم أبدل الكفرات اللي قدام ورا واللي ورا قدام
انا في سالفة البطاريه وهو ملزم إلا أبدل الكفرات دريت ان ما في راسه سالفه وما همه إلا يطلع شغله
هو يقول ان الهيلث اللي هو عمر البطارية ( 0 ) يعني في أي وقت يمكن تتعطل قلنا امرنا لله وتوبه ما عاد اغير الا زيت وفلتر

وهذي نصيحة لكل من يمر على الموضوع اذا دخلت بترومين قل للعامل غير زيت فلتر و سد اذنك


up 1 down 0
للآجره 276
قبل 10 شهر



ولا عمري فكرت ولا حفكر ادخل عندهم اشتريلك كرتون زيت وفلتر وغيره عند اقرب بنشري ب 20 ريال وصلى الله وبارك


up 0 down 0



بترومين نصابين والله اني سحبت عليهم مع زيتهم المكرر وكل شي عندهم غالي

كل شي خربان

اخر مره خربو لي صره الزيت وسيارتي واعرفها شوي طلع لي من تحت يقول خربانه وبتهرب زيت وعندهم صره زيت معلقه كثير يقول لي ب ٦٠ قيمتها قلتله ركب حقتي ولايكثر وراح جاب ربعه يقنعوني واتهاوش معهم وزعلو عشان ماغيرتها

وبعدها انقز للوكاله اخذتها ب 12 ريال واصليه شف الفرق من 60 الى 12 ومن يومها تركتهم


up 0 down 0
7amood1930 250
قبل 10 شهر