نافارا 2017 أو 2016 الشكل الجديد

رأي وانت بكيفك

اشترى هايلوكس لو كان الشكل مايعجبك ماراح اقولك كلام متعصبين تويوتا تكرف ماتعطل نيسان فاشل وهالكلام للي ماله فايده
لكن لسبب واحد النافارا مانتشرت يعني راح تعاني من وكيل وورش ماتفهم لها بتقول السيارة جديده ياخي مافيه شيء مضمون
ممكن تكمل 5سنوات وانت ماحتجت تغيير اي قطعه ووممكن باول شهر يحصل معك شيء

اشترى هايلوكس وإذا بدت تنتشر تسأل مجربينها وتشتريها مع اني ماتوقع تنتشرشوف كم لها نازله ولاعمري شفتها بالطريق

احترم رأيك أخي المنطق :
لكن لازم تركب سيارة مقتنع فيها شكلا ومضمونا والملاحظ على الهايلكس كثر العروض والظاهر السبب في استهلاكها للوقود غير طبيعي حسبما سمعنا من المستخدمين والشكل لك عليه مسوين لها بوز وبراطم تقول مدرعة والخلفية حدث ولا حرج .
يعني لو كان شكلها مثل الديماكس أو الرنجر أو أو لكان تشوف الإقبال عليها منقطع النظير .
وأيضا قلت ممكن مع تغير الوكيل لنيسان يمكن تتجه نيسان للأفضل من حيث التحمل والصيانة وغيرها .
أخيرا احترم رأي الجميع مهما يكن وانتظر آراءهم وشكرا .

ما دام انك شاري شاري    اشتر ددسن ولا هايلوكس  كل يعرفلهاا


اما تطيح بموتر ما احد يعرفله  راح تتوهق فية 

االنفارا الشكل الجديد ممتاز مكينه2.5وجميع المواصفات موجودة فيه وصرفيه للبترول اقتصادي عكس الهايلوكس صرف مو طبيعي وممشاه لك عليه فالخط

دايما التجديد جميل .. الناس تبينا كلنا مثل بعض هههه

بالعكس انا احييك ع الاختيار والموتر شفلت له مقاطع وتقارير صراحه أبهرتني الموتر الموديل القديم منه مغرق السوق ما ادري ليه العالم يقولوا توه جديد يعني ماعمرك شفت نافارا في الطريق من الشكل القديم اهو معقول ناهيك ان الان صار لنيسان وكيلين بالمملكه مهو واحد وبينهم منافسة شديدة جدا وبترومين صارت لنيسان الان ونيسان ناويه ع السوق السعودي ناويه تغرق سياراتها بالسوق وتنشر محلات الصيانه وقطع الغيار الموتر كفو ومواصفاته جدا رائعة وان كان السعر شوي مرتفع للفل بس حقيقة مقارنة بالهايلوكس يستاهل والي يقولك ماهي منتشره قل احسن انا احب اتميز بالشارع عن غيري والف مبروك مقدما

الله يحييك أخي هاوي وكذلك الإخوة جميعهم .
والله يكتب مافيه الخير