أضف سؤال أو موضوع جديد          

مشكلة قفل الدركسون التيما ... وتم حلها

up 8 down 7
aboahmed2014 1168
قبل 4 سنه و 9 شهر



الســلام عليكم ورحمة الله وبركاته

انا من ملاك التيما 2009 على يدي من الوكاله والحمدلله الى الآن وامرها طيب

بقولكم مشكلة امس صارت لي واعذروني على الإطالة



من شهر طلع لي علامة المفتاح بالطبلون وقمت وغيرت بطارية الريموت وراحت

ومن اسبوع طلع لي نفس المشكله وتركتها

امس طلعت فيها مشوار ويوم نزلت عند محل طفيت السيارة وجيت اشغل البصمه ماتشتغل احاول يمين
يسار مافي امل

وادخل يوتوب والقى نفس مشكلتي وان فيه قطعة بحجم محول الزنون تحت الطاره هذه لازم تتغير وكاله

او تسوي لها برمجه

واخذت لمزين ورجعت بيتي واخذت سيارة العمل وعلى الورش

والقى سورين كذا ورشه وكل واحد يفتي من راسه واحد يقول القير ضرب عندك هههههههههه

ايش دخل القير والاستوش والكهربه ماتشتغل

واحد يقول المكينه

واخر واحد قال هذه يبي لها برمجمه وبسويها لك ب700 ريال

يعني لو حملتها سطحه بـ100 + 700 800 ريال المجموع

المهم هبولي بي وجننوا عقلي



قلت هذا الدعاء (( يارب سهل لي امري ))

والله عطاني بمحل مفاتيح برمجه هندي ومريته وشرحت له الموضوع

قال ارسل موقع سيارتك واجيك

وفعلا خمس دقائق وهو عندي جاء بعدة

وفك الطبلون من تحت الطاره وطلع قطعه صغيرة تشبة محول الزنن

وقال المشكله منها وضربها بشاكوك معه واشتغلت

هههههههههههههه

قلت بس قال ايه


طبعا هذا مقطع يوتوب يوضح القطعه

https://www.youtube.com/watch?v=zjpjTVIVSEY


لكن بسوي لك برمجه لها ولكن الطاره مراح تتقفل و90% سيارات نيسان هذه المشكله فيها
وتصليحها برمجه افضل

لكن لو تبي تشتري القطعه لحالها حول 2400 ريال

وهذا مكلف والتشليح ماني فاضي له

على العموم الهندي ماقصر وبرمجها لي بسعر

بسعر

بسعر


100 ريال بس

100 ريال بس


وربك لبغيت احب راسه من الفرحه

وفر علي حق السطحه

ووفر علي 700 ريال حق برمجة



حبيت افيد الاخوان واللي يبي رقم الممبرج انا حاضر بالصناعيه الثانيه مخرج 28 الرياض


وفقكم الله











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحمدلله انها زبطت معك .. الواحد دائما يسأل اكثر من محل ويبحث عن المشكلة عشان مايروح لهم ويطلعون له الف عيب او يقعدون يتفلسفون عليك ..
ومو سهل تحصل الامين اللي يعلمك بالمشكلة على طول للاسف مع انه واجبهم واصبح كثير منهم يلف ويدور عليك بسبب عدم علمك بالمشكلة
شكرا لك على المشاركه .. وكويس انك بحث عن المشكلة .. موفق


up 1 down 0
ibgm 52
قبل 4 سنه و 9 شهر



هذي القطعة عيب بكثير موديلات نيسان

طريقة الخبط او دق القطعة تنفع بالبداية يعني اول ثلاث اربع مرات بعدها تقريبا تتعطل
نصحية غيرها لا حد يتفلسف عليك برمجة وخرابيط

سعرها بالمحلات حول 1700 ل 1900

تتبدل عادي بدون برمجة

لها طريقة انها تنفصل لكن نتائجها من ناحية السلامة غير معروفة


up 0 down 0
super x 175
قبل 4 سنه و 9 شهر



سلام عليكم
ودي لو سئلت هنا قبل ماتكلم صاحب المفاتيح الموضوع بختصار التيما موديلات 2008 الى 2011 البصمه الدركسون فيه قفل كهربائي اول ماتطفي السيارة يقفل الدركسون زي اغلب السيارات اللي فيها بصمة المشكلة ان القفل هذا فيه عيب مصنعي وسيارات كثير يخرب ويعلق وماتشتغل السيارة ولازم يفك القفل عشان تشتغل
المهم الحل بسيط تفك الديكور اللي تحت الدركسون وتشوف علبة القفل حديد تدقها باي شي ويفتح معك بعدها تروح لعلبة الفيوزات اللي في الكبوت وتفك فيوز القفل وكذا تلغيه ومايقفل عليك مرة ثانية بدون اي علامة في الطبلون طبعا حصلتلي نفس المشكلة ولقيت الحل في منتدى اجنبي وصلى الله وسلم




up 3 down 0
x-bariq 183
قبل 4 سنه و 9 شهر



فيه طريقه يسوها اصحاب النيسان وهي قبل لاتتعطل عليك قفل البصمه فيه فيوز تفصلها وخلاص معاد تتعطل 


اسعد الله كل من مر على موضوعي

وصراحه وقتها انحست وتعبت نفسيتي بس الحمدلله هانت




up 1 down 2
aboahmed2014 1168
قبل 4 سنه و 9 شهر



مابرمجها فصل الفيوز
الله المستعان


up 0 down 0
nissane 139
قبل 4 سنه و 3 شهر



السلام عليكم
فضلا كم رقم المبرمج


up 0 down 0
amrbinabbas 1
قبل 2 سنه و 9 شهر



حياك الله اخي

المبرمج روح بلاده من مده

لكن اي محل مفاتيح يضبطه لك




up 0 down 0
aboahmed2014 1168
قبل 2 سنه و 9 شهر



بارك الله فيك جزاك الله خيرا


up 1 down 0
amrbinabbas 1
قبل 2 سنه و 9 شهر



اخواني انا صارت لي هاذي المشكلة 
ابي طريقة حلها سيارتي لها تقريباً شهر واقفه ما عرفت المشكلة و ما ابي اصلح اي شي و بس 
ي ليت تفيدوني 


up 0 down 0
خالد بن عباس
قبل 2 سنه و 9 شهر



اخوي خالد

الله يسعدك

مر محل مفاتيح واساله قل تقدر تبرمج لي قفل الدركسون

اذا يمدي يجي معاك ويفتح السياره ويفك القفل ويبرمجه لك ومن ثم يركبه
وتشغل سيارتك

انا لي اكثر من سنه والامور اوكي
ووفرت على نفسي قيمة قفل الدركسون حول1700 ريال


up 0 down 0
aboahmed2014 1168
قبل 2 سنه و 9 شهر