استشاره بخصوص شراء ددسن 2015

المراتب الخلفيه اذا بتاخذ غمارتين سيئ جداً جداً قساوه وضيق ومطبها قوي 

صحيح المراتب الي ورا ضيقه لو تمسك خطوط ظهرك بيوجعك غير كذا الموتر ممتاز بالذات لو رجلك حاره

الددسن راح وقته من زمان
شف النافار الجديد افضل مكينه ما تصرف
و شكل جديد و القير انشط و لا في صوت كرونه
نزل منه استاندر قزاز هندل ب52
و الددسن قزاز كهرب ب50

و ان كنت تدور بالمستعمل شف هايلكس مستعمل و ارتاح

شفت اعلان عن معرض عماد الدين غمارتين 2015 ب 46 و 2016 اتوقع بالخمسين

اشوفها صيده ولا يتفوت سعره مقارنه بالوينتات الثانيه الغاليه

وعليكم السلام

انا زيك كنت محتار لكن شريت ددسن ٢٠١٥ غمارتين فل اصفار ب ٥٤ 
من خميس مشيط 
قبل شهرين الى الحين الموتر ماشي ٨٠٠٠

الموتر من ورا ضيق اذا السواق يبغى ياخذ راحته بيضيق ع اللي ورا

عزم الموتر ماشاءالله عليه نشيط ، وصرفية البنزين ماتعرفها 
تفللها ب ٥٢ اخضر يمشيك حدود ٦٠٠ اخضر اذا رجلك خفيفة 

وعندك مكيفها ماشاءالله ثلاجة لدرجة كل ماطلع اضعف درجة التبريد

اي استفسار عن الددسن راسلني خاص

إذا بتسمع نصيحة أخوك ، أبعد عن الددسن دقة قديمة وتصميم قديم ضيق وغير مريح وأكثر من يقتنيها من الدرباوية والمشبوهين

أنصحك بالنافارا الشكل الأول 2015 ، راحة ووسع داخلية وارتفاع عن الأرض ورساوة ومواصفات أفضل من الددسن مئة

مرة وتقدر تقارنها بالهايلوكس وسعر منافس جدا ، أنا شريت واحدة قبل 5 أشهر وماشية أكثر من 9500 ، مطبها لين وصوت

المكينة هادئ وعزم ونشاط لا يمكن تقارن الددسن معها وتأسفت لو أني اقتنيها من زمان ، وإذا عندك أي استفسار راسلني خاص

أبرز المواصفات الموجودة في النافارا وغير موجودة في الددسن ومع هذا الاسعار متقاربة بين السيارتين :
1- حساسات خلفية
2- كشافات ضباب
3- جنوط ألمنيوم مقاس 16
4- إشارات بالمرايا
5- حناح مع لمبة فرامل
6- لمبات قراءة مزدوجة
7- أماكن للأكواب جنب عصا القير
8- درج في الأبواب الخلفية
9- زر إنذار يشغل البوري من الريموت .
10- لمبة إضاءة حول المفتاح عند تشغيل السيارة .
11- التحكم بشدة إضاءة لمبات الطلبون .
وجميع المواصفات شد بلد ما فيها ترهيم .

الددسن طيبه كالكرف والاستخدام وتوفير بنزين لكن اذا بتاخذ غمارتين الغماره الخلفيه ضيقه ع الركاب

ممتازة اذا ما عندك عائلة

وانصحك بالدبل اريح واقل مناقز من العادية وفرق السعر بسيط 

الدرباوية دائماً يستميتون في الدفاع عن الددسن .

انا مثلك محتار بين الددسن والنفارا واميل للنفارا اكثر لانها وسيعة ويجي قير اتوماتيك وانتظر نزول الاسعار

درباويه في عينك ، انت وغيرك سبب في تشويه سمعه الددسن درباوي درباوي لين انتشر المسمى منكم ، تراه فالاخير موتر يودي ويجيب مكينه وقير مثلها مثل اي سياره ، والددسن موتر خدوم من الاخير بس عيبه ان مطبه قاسي والخلفيه ضيقه فقط .
والي ما استخدم الددسن لايتكلم ويطلع كلام ، النافارا ٢٠١٥ شوفه في الصناعيه يا حراره او مكينه تصلح شي يخرب شي ثاني عموما انصحك بالددسن وبقوه موتر لك وللزمن

انا مالك لهذه السياره لي حول سنتين من فضل الله ماشي حول 90 الف انزل بها نزول جامد واطلع للبر بكثره مافيه عقبه من فضل الله
الانزلتها حط اسوا عقبه واختارهاوسافرت من فضل الله ماقدر شريت لها غير زيت وسيفون خويي معه هايلكس قبلي بشهر
محافظ محافظه كبيره وقد غير الاقمشه ماشي28الف
بالنسبه للقطع رخيصه جدا تسعرتها مع الوالد ددسن2005 على عهد الحمراني شرا الباب ب2480 بعد الخصم انا تسعرت الباب
2015 ب1100 وماكاسرته والاصطب الخلفي كامل ب90 يعني الجنب كامل باقل من 3000
العيوب المرتبه الخلفيه ضيقه شوي صوت حنة السياره بس سالت يقولون علشان تتحمل اوزان اكبر في التحميل

الددسن ممتاز بس أرفق عليه وغير زيوته في وقتها

الحمد لله معي وحده يابانية ددسن هندل ختمت معي 150 الف ومغير
لها زيت القير على 90 الف والدفرنس على 140 غيرتها في مخطط
بنفسي وكذالك اغير له زيت وسيفون وسيور الددسن رفيق
درب ما يحوجك لأحد بس حافظ عليه وخل معك عده تغنيك
عن البناشر شهادة حق في ها الددسن حبيت أذكرها
تحياتي

اذا تزعل من التفاتيش والدوريات لا تاخذها ،، الله يهدي الدرباوية خربو سمعتها