أضف سؤال أو موضوع جديد          

استشاره بخصوص شراء ددسن 2015

up 2 down 1
i_riiitzl 11
قبل 11 شهر



سلام عليكم يارجال . 

مسائكم الله بالخير
ياخوان انا افكر اشتري ددسن لاكن محتار شوي ياليت من صاحب الخبره يعلموني وش عيوب الددسن وش مميزاته ولله يعطيكم الصحه والعافيه يارجال







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


المراتب الخلفيه اذا بتاخذ غمارتين سيئ جداً جداً قساوه وضيق ومطبها قوي 


up 3 down 0
راكان443 52
قبل 11 شهر



صحيح المراتب الي ورا ضيقه لو تمسك خطوط ظهرك بيوجعك غير كذا الموتر ممتاز بالذات لو رجلك حاره


up 1 down 0
mohammed.199 85
قبل 11 شهر



الددسن راح وقته من زمان
شف النافار الجديد افضل مكينه ما تصرف
و شكل جديد و القير انشط و لا في صوت كرونه
نزل منه استاندر قزاز هندل ب52
و الددسن قزاز كهرب ب50

و ان كنت تدور بالمستعمل شف هايلكس مستعمل و ارتاح


up 0 down 1
1405-1985 1284
قبل 11 شهر



شفت اعلان عن معرض عماد الدين غمارتين 2015 ب 46 و 2016 اتوقع بالخمسين

اشوفها صيده ولا يتفوت سعره مقارنه بالوينتات الثانيه الغاليه


up 0 down 0
ابوخالد1397 2377
قبل 11 شهر



وعليكم السلام

انا زيك كنت محتار لكن شريت ددسن ٢٠١٥ غمارتين فل اصفار ب ٥٤ 
من خميس مشيط 
قبل شهرين الى الحين الموتر ماشي ٨٠٠٠

الموتر من ورا ضيق اذا السواق يبغى ياخذ راحته بيضيق ع اللي ورا

عزم الموتر ماشاءالله عليه نشيط ، وصرفية البنزين ماتعرفها 
تفللها ب ٥٢ اخضر يمشيك حدود ٦٠٠ اخضر اذا رجلك خفيفة 

وعندك مكيفها ماشاءالله ثلاجة لدرجة كل ماطلع اضعف درجة التبريد

اي استفسار عن الددسن راسلني خاص


up 1 down 1
alamri19 93
قبل 11 شهر



إذا بتسمع نصيحة أخوك ، أبعد عن الددسن دقة قديمة وتصميم قديم ضيق وغير مريح وأكثر من يقتنيها من الدرباوية والمشبوهين

أنصحك بالنافارا الشكل الأول 2015 ، راحة ووسع داخلية وارتفاع عن الأرض ورساوة ومواصفات أفضل من الددسن مئة

مرة وتقدر تقارنها بالهايلوكس وسعر منافس جدا ، أنا شريت واحدة قبل 5 أشهر وماشية أكثر من 9500 ، مطبها لين وصوت

المكينة هادئ وعزم ونشاط لا يمكن تقارن الددسن معها وتأسفت لو أني اقتنيها من زمان ، وإذا عندك أي استفسار راسلني خاص


up 0 down 1
النهراني 253
قبل 10 شهر و 4 أسبوع



أبرز المواصفات الموجودة في النافارا وغير موجودة في الددسن ومع هذا الاسعار متقاربة بين السيارتين :
1- حساسات خلفية
2- كشافات ضباب
3- جنوط ألمنيوم مقاس 16
4- إشارات بالمرايا
5- حناح مع لمبة فرامل
6- لمبات قراءة مزدوجة
7- أماكن للأكواب جنب عصا القير
8- درج في الأبواب الخلفية
9- زر إنذار يشغل البوري من الريموت .
10- لمبة إضاءة حول المفتاح عند تشغيل السيارة .
11- التحكم بشدة إضاءة لمبات الطلبون .
وجميع المواصفات شد بلد ما فيها ترهيم .


up 0 down 0
النهراني 253
قبل 10 شهر و 4 أسبوع



الددسن طيبه كالكرف والاستخدام وتوفير بنزين لكن اذا بتاخذ غمارتين الغماره الخلفيه ضيقه ع الركاب


up 0 down 0
كارينو 505
قبل 10 شهر و 4 أسبوع



ممتازة اذا ما عندك عائلة

وانصحك بالدبل اريح واقل مناقز من العادية وفرق السعر بسيط 



up 0 down 1
abomesal 1001
قبل 10 شهر و 4 أسبوع



الدرباوية دائماً يستميتون في الدفاع عن الددسن .


up 0 down 1
النهراني 253
قبل 10 شهر و 4 أسبوع



انا مثلك محتار بين الددسن والنفارا واميل للنفارا اكثر لانها وسيعة ويجي قير اتوماتيك وانتظر نزول الاسعار


up 0 down 0
aaaammmm 67
قبل 10 شهر و 4 أسبوع



درباويه في عينك ، انت وغيرك سبب في تشويه سمعه الددسن درباوي درباوي لين انتشر المسمى منكم ، تراه فالاخير موتر يودي ويجيب مكينه وقير مثلها مثل اي سياره ، والددسن موتر خدوم من الاخير بس عيبه ان مطبه قاسي والخلفيه ضيقه فقط .
والي ما استخدم الددسن لايتكلم ويطلع كلام ، النافارا ٢٠١٥ شوفه في الصناعيه يا حراره او مكينه تصلح شي يخرب شي ثاني عموما انصحك بالددسن وبقوه موتر لك وللزمن


up 3 down 1
7mdan_515 45
قبل 10 شهر و 4 أسبوع



انا مالك لهذه السياره لي حول سنتين من فضل الله ماشي حول 90 الف انزل بها نزول جامد واطلع للبر بكثره مافيه عقبه من فضل الله
الانزلتها حط اسوا عقبه واختارهاوسافرت من فضل الله ماقدر شريت لها غير زيت وسيفون خويي معه هايلكس قبلي بشهر
محافظ محافظه كبيره وقد غير الاقمشه ماشي28الف
بالنسبه للقطع رخيصه جدا تسعرتها مع الوالد ددسن2005 على عهد الحمراني شرا الباب ب2480 بعد الخصم انا تسعرت الباب
2015 ب1100 وماكاسرته والاصطب الخلفي كامل ب90 يعني الجنب كامل باقل من 3000
العيوب المرتبه الخلفيه ضيقه شوي صوت حنة السياره بس سالت يقولون علشان تتحمل اوزان اكبر في التحميل



up 1 down 1
بن سحمي 117
قبل 10 شهر و 4 أسبوع



الددسن ممتاز بس أرفق عليه وغير زيوته في وقتها



up 0 down 0
غازي 20 37
قبل 10 شهر و 3 أسبوع



الحمد لله معي وحده يابانية ددسن هندل ختمت معي 150 الف ومغير
لها زيت القير على 90 الف والدفرنس على 140 غيرتها في مخطط
بنفسي وكذالك اغير له زيت وسيفون وسيور الددسن رفيق
درب ما يحوجك لأحد بس حافظ عليه وخل معك عده تغنيك
عن البناشر شهادة حق في ها الددسن حبيت أذكرها
تحياتي


up 0 down 0
غازي 20 37
قبل 10 شهر و 3 أسبوع



اذا تزعل من التفاتيش والدوريات لا تاخذها ،، الله يهدي الدرباوية خربو سمعتها


up 0 down 0
yazeeed ali 3
قبل 10 شهر و 3 أسبوع