أضف سؤال أو موضوع جديد          

بسبب صاموله

up 18 down 6
ابو حسين.......... 579
قبل سنه و 2 شهر



السلام عليكم ورحمة الله وبركاته 

عساكم بخير 

قبل تقريبا ٣ شهور غيرت للموتر عضلات من مساعدات ومقصات واذرعه 

وبعد ماغيرتها بأسبوعين تقريبا اسمع صوت خبط حديد في حديد وصوت ايضا مثل ززززززززز  اذا جيت على مكان فيه حفر وايضا اذا دعست على الفرامل بقوة اسمع صوت خبطة 

طبعا استغربت وقلت وش ممكن يكون مع اني غيرت كل شي

طبعا شكيت في كراسي المساعدات فكيت الكبوت وتفقدت الربل والجلد كلها سليمة

ورحت الصناعية ودخلت ورشة وقال اوقفها على الحفرة وجلس هو وزميله واحد تحت السيارة والثاني يرفع الهيكل (يرج بدن السيارة)جهة الكفر ،،،،،،،، سواها اكثر من مرة وماعرف وقلت لهالقربعة جهت السايق بس وجلس مرة ثانية يرجها وطلعت المشكلة ان صامولة حقت المقص ماهي مشدودة وشدها وراحت الاصوات كلها ولله الحمد


  
احيانا تكون المشكلة بسيطة ولكن قلة الخبرة تجعلها عظيمة وهذي حالة ورشنا لاتركيب زي الناس ولا شغل مظبوط 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اهلا ابو حسين
والله بعض الاصوات تدق مبالغ عليها ولا يطلعونها السباكين
يخسرك على الفاضي
زي مرة من المرات ازعجني صوت ماخليت ولا ورشة
طلع الي غيرت عنده الفحمات نسى يركب الصاجه
الي تركب على الفحمات وحصل فضاوة وطلع صوت
وانت مشكلتك بسبب صامولة والحمدللة انحلت
الواحد قبل لايطلع من الورشة يشيك على كل شي
وقبل كل شي خلك واقف معه على كل حاجه تضمن الشغل


up 1 down 0
الرفاعي33 13762
قبل سنه و 2 شهر



وانا مثلك بسبب صاجة الفرامل قعد الصوت الين غيرت الاقمشة
وركبها وشدها الحمدلله اختفى الصوت


up 1 down 1
ابو عبدالله احمد 3364
قبل سنه و 2 شهر



ابو عبدالله على طاري الفحمات
عندي الفحمات والهوبات منتهية ومتواجد بجدة
تخبرلي واحد شغلة مضبوط وكم سعرها اصلي الهوبات
عطني نصيحتك مانستغني يابعدي


up 2 down 0
الرفاعي33 13762
قبل سنه و 2 شهر



ورشه الصبحي بشارع الإسكان ممتازين جدا


up 2 down 1
حكيم المعاني 10340
قبل سنه و 2 شهر



لاهنت اخوي حكيم
تمام قريب مني شارع الاسكان
بسئل عنهم السبت اشكرك على افادتي


up 1 down 0
الرفاعي33 13762
قبل سنه و 2 شهر



الصاموله هذا خطيره جدا اذا انفلتت ماتقدر تتحكم في الطاره 


up 1 down 0
محسن1990 40
قبل سنه و 2 شهر






نفسسسسسسس الوضع معي 
كابرس اس اس 
اذا دعست يطلع صوت طقطقة  مثل لو تضرب ملعقة في حديدة بس بسرعة
تك تكتكتكتكتك 


يااااربي وش هذا الصوت 
واحترررررت 

وديتها عند واحد نزل تحت قعد فتره يدور تعب 
لين حصل حديدة تمسك الشكمان ما فيها صامولة تشدها 
وشددها وراح الصوت 
بلاااااش




up 0 down 1
حرف الالف 1017
قبل سنه و 2 شهر



نفس المشكلة غيرت جلد المقصات عند ورشة! طلعت السيارة منها وعند دعس الفرامل اسمع -طق طق - رجعت للورشة عطاني كلام غير واقعي يقول الصوت من الكليبر قلت الكليبر في الفرامل وش دخله!! رحت لورشة ميزان يمني- وقف السيارة على الميزان وتفقد المقصات وجد المقص الايمن مسمارة العلوي غير مشدود بسبب السّنة اللي في الشاسي!! فك المسمار ووضع له صامورة بدلا عن الوردة وربطه وانحلت المشكلة!!احيانا تبدو المشكلة بسيطة لكن من يعرفها!!


up 1 down 0
أبوياسر74 266
قبل سنه و 2 شهر