أضف سؤال أو موضوع جديد          

مخالفة وقوف في مكان غير مخصص

up 2 down 2



السلام عليكم اخواني 

اليوم عقب صلاة الجمعة جانب رسالة على جوالي قيد مخالفة وقوف في مكان غير مخصص

وقيمتها 100 ريال مع انه الأسبوع هذا كل مشاويري قريب من البيت .  دخلت على أبشر اعرف وش السالفة حدد لي موقع

المخالفة في جامعة الملك فهد مع اني ما تواجدت في الجامعة نهائي.  و العمل يا شباب ابي اعترض  ,كيف؟؟

مابي أسدد مخالفة انا ماني متخالفها 

وسجلي نظيف مع المرور مو دايم اخالف لا بقطع اشارة ولا حتى سرعة

نظامي درجة أولى 

منتظر آرائكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


يمكن وقفت ف ممكان غلط وانت ماتدري لان هذي المخالفه عن طريق نظام باشر
اللي هو يصور اللوحه من غير م يكلمك ولايقلك شي


up 0 down 0
جنوط حديد 163
قبل 5 سنه



بس المكان اللي تم تحديده في أبشر انا ما رحته نهائي

الموقع جامعة الملك فهد طيب انا ايش لي شغل في الجامعة وايش يوديني لها؟؟؟ 


طيب فيه احد  يسوق  السيارة غيرك 


up 0 down 0
omar553 96
قبل 5 سنه



لا والله مافي احد كل واحد عندنا في البيت معاه سيارة 


ابشرك انا وقفت نزلت الاهل وبعد مانزلوا اخذت لفه لقيت موقف وجتني رساله وقوف ممنوع طيب انزل الاهل عند البوابه ومافي مواقف الابعيد

طيب اعرف موقع المخالفه من ابشر

لاني ماوقفت الا ذا اليوم وللعلم المخالفه جتني الرساله بعد اسبوعين


up 0 down 0
وليد عدنان 33
قبل 5 سنه



حياك
نفس اللي صار لك صار لي
جتني وقوف خاطئ 
ميه ريال وين وقفت خطا مدري 
قلت بذمتهم ورحت سددت 
وبيني وبينك لاصار خصيمك القاضي من تقاضي 
وانت اعترض عليهم وبلغنا وش صار عليك عشان نستفيد


up 0 down 1
باترول 2020 2623
قبل 5 سنه



ان شاء الله خير 

اخشى ما اخشاه انه المخالفة جت على واحد و واسطته كبيرة و لزقها المرور علي انا المسكين الآدمي. 

الله يستر و يجيب العواقب سليمة


عن تجربة اذا كانت عن طريق الجهاز اللي مع العسكري
المخالفة تجيك بعدها بحول ١٥ دقيقة
اما الاعتراض اول شي تسدد المخالفة 
بعدين تقدم اعتراض وتاخذ بين يوم آلى سنة(مني متأكد)
اذا معاك حق يرجعولك المية كرصيد عند المرور
يعني ما تستلمها نقدا
وإذا جاتك مخالفة ثانية تسدد تلقائيا برصيدك اللي عندهم


up 1 down 2
متسوق جدة 138
قبل 5 سنه



استغفر الله العظيم بس نظام استفزازي لاعطاء المخالفات ووضع الخطا على النظام. ابي اعرف وش معنى هالنظام فقط شاطر في التحصيل ويصير احمق وقت رجوع الحقوق 
المخالفه تسجل عليك بسرعه البرق دون اعتبار لوضعك المادي ووقت الاعتراض للاسف مثل التعليق السابق ممكن تاخذ سنه.
الله يعينك ولاتسكت عن حقك


up 1 down 0
midnight_963 676
قبل 5 سنه



بس كيف أسدد مخالفة انا ماني مخالفها

وش هالنظام المتخلف هذا؟؟؟ 

تاركين المخالفين وجايين على الآوادم


دام انك بالشارع لازم تجيك مخالفة يوم من الايام ماراح تسلم منها
مهما كنت نظامي والله يعين


تقدر ترفع اعتراض المخالفة عن طريق موقع وزارة الداخلية (أبشر)..
لاتراجع للمرور ولاشي تصير اخطاء دائما في المخالفات


up 1 down 0
hamad25 119
قبل 5 سنه



يعني وقت نظام الدفاتر قلنا يبغون يخلصون الورق ، واللحين جاء النظام الالكتروني وش نحط لهم عذر بالله ؟
المرور يفوز بجائزة أكثر قطاع مستفز.


دخلت على نظام ابشر و تاريخ المخالفة  22 ربيع الثاني يعني اليوم و الساعة 12:30 الظهر يعني بعد الصلاة واحنا بالشرقية

12:30 تكون الصلاة منتهية والعالم رجعت بيوتها.  أنا خلصت الصلاة و مريت السوبرماركت الأهل وصوني على شوية اغراض

مريت اجيبهم و السيارة موقفها مثل العالم و الناس, حتى انا مو من النوع اللي يعوج السيارة أو ياخذ صفتين أو خطين, دايم صفتي

لصق بالرصيف مستقيمة مثل المسطرة. من حظي المخالفة جتني يوم جمعة يعني المرور عطلة يعني مالي الا انتظر ليوم الأحد

ومن الصباح ناشب بحلوق المرور ابي اشوف وش السالفة ماني مقتنع بذي المخالفة الا لما اشوف صورة لسيارتي وهي مخالفة

غير كذا ال100 ريال هذي عامل النظافة اولى بها من المرور.


هذه يالغالي واحد يعرف قريب له في المرور فحول المخالفة حقته لواحد ثاني عشوائي و طلعت أنت!
هذا الكلام أخذته من فم موظفين المرور ألي أعرفهم يقدرون يحولون المخالفات المسجلة في النظام لأي شخص! طبعًا ما أدري وش الحكمة و الفائدة من هذه الحركة يعني ألي قرر يضفها للنظام صاحي ولا كان سكران وقتها؟
أنت على الأقل خالفوك بشكل تقدر تقول شبه معقول أجل تصدق أنه جاتني مخالفة وقوف خاطئ و أنا موقف تحت بيتي؟!
يوم 22 - 23 - 24 محرم كنت مسافر للرياض ( أنا من مكة ) و موقف سيارتي تحت البيت في الموقف ألي محدد لي في صك الملكية و تجيني مخالفة وقوف خاطئ بتاريخ 23 و واحدة 24
السيارة ماحد يسوقها غيري و أساسًا المفتاح كان معي وقت السفرة بالغلط أخذته
لكن وش تقول غير حسبي الله و نعم الوكيل


up 0 down 0



انا برضه اخذت مخالفه وقوف خاطئ وانا في البيت


up 0 down 0
emadhg 219
قبل 5 سنه



أغلب الظن ان موقع المخالفة في جهاز اللي عطاك المخالفة خطأ .. انا لاحظتها في ساهر سريع من رابغ الى جدة  جتني مخالفة سرعة صحيحة .. بس لما شيكت في موقع أبشر عن موقع الرصد طلع لي نقطة وسط الجبال بعيد عن السريع  


up 0 down 0
أبو ليان 2014 7
قبل 2 سنه و 4 شهر



المفروض اي خطأ في بيانات او موقع المخالفة انها تلغى .. بس الواقع من يقنعهم عاد  يلغونها  عنك


up 0 down 0
أبو ليان 2014 7
قبل 2 سنه و 4 شهر