زيت القير للألتيما

زيت القير إذا ما يتغير بانتظام ,

و غيرته بعد ممشى طويل ممكن يلحق فيه ضرر لذلك الوكالات توقع تغيير الزيت على المسؤولية


يعني مثلا اذا راعيها الاول ما قد غيره أبد , و غيرته انت بعد 144 ممكن يتضرر ,

و إذا تقدر تتأكد من راعيها الأول , و ما يمنع تتأكد من فنيين القير

ال فيصل بالنسبة لمعرفة هل الزيت كويس ام لا من اللون والرائحة

وفيه جهاز عند ورش الجربكسات يكشف لك ذلك لكن وجهة نظري

لا تغير الزيت دام انك غير منتظم في التغيير لان في الاغلب راح تواجه مشاكل بعد التغيير

لي تجربة قبل اسبوعين رحت الصيانه السريعة ايه سي دلكو قالو نغير بس نخلي مسؤليتنا لو صار شئ

رحت محل واحد سعودي مشهور ومتخصص في الجربكس قال تبي النصيحة دام انك مو منتظم في التغيير

لا تغيره ابدا وللمعلومية راح يمشيك الى فوق 500 الف بس اهم شئ ما تكون راعي قومات ودعسات ولي تجربة من

قبل مشيت على موتري مطلعة على يدي فوق 370 الف ولا غيرت زيت الجربكس من يوم طلعتها وحتى صار لونه اسود

والحمد لله بعته والقير شد بلد وما عانيت من اي شئ بعكس ذلك كان عندي سيارة هايلكس غيرت زيتها مشيت عليها حوالي 20 الف وضرب القير

ولو مو مرتاح تبي تغير لا تشتري الزيت الا من الوكالة وكذلك الفلتر اذا في موترك فلتر وشغل اليد ما يتجاوز 100 ريال بالتوفيق عزيزي

الله يعطيك من خيرها ويكفيك شرها


من واقع تجربتي للالتيما تغير زيت القير يكون كل 100 الف

وانت حاول تغيره الحين وعشان تطمن

كل اللي عليك تروح الوكاله وتشتري جالونين زيت القير CV

وممكن تلقاه عند موزعين قطع الغيار ولاتنسى فلتر زيت القير

وفي محلات ون ستوب خاص لنيسان تغيره لك

الشغله كلها تكلف مع اجرة اليد وسعر الجالونين 450 ريال

ولاتغيره الا بعد 100 الف

سيارتي الحين ماشيه 220 الف

طيب يا اخوان تضنون لو رحت المرور على اقدر اعرف ملاكها الاولين ؟
عشان اتصل واستفسر منهم

عالعموم الله يعطيكم العافيه ماقصرتوا مشكورين

تطلع برنت من عندهم. تعرف كم شخص امتلكها قبلك 

اما ارقامهم ماتوقع يعطونك ياها. 

لو توصل. لشخص الي كانت معه  قبلك. يمكن يعرف 

اذا انت شاريه من معرض. روح المعرض وخذ رقم صاحبها 

لان المعرض اكيد ياخذ رقم اي شخص يحط سيارته بالمعرض 

الف شكر الله يسعدكم

لو ماعرفت من المعيار حق الزيت او منت متأكد اعطيك الحل وهوا توقف السيارة فوق حفرة ف اي بنشر وتنزل تشوف القير من تحت لو اتغير الزيت بتشوف غرا يحطوه ع الوجه لمن يغيرو الزيت او روح لبنشر بترومين هوا اللي معتمد ويفهم ف النيسان واسأل العامل ممكن يوضح لك اكثر عشان تقطع الشك باليقين ودمتممممممم

امس مغيير زيت القير لسيارتي التيما 2010

اخذت جالونين الواحد ب 160 وفلتر قير ب 120

واشتغلتها بنفسي ولله الحمد

الشغله ماهي صعبه

يعني مو مستاهله فني

الي سويته قصيت جالون ماء وفكيت الزيت القديم فيه

ومفتاح 10 فك الكرتير (مساميره كثير والله )

بعد كذا فك الفلتر تلقاه بثلاثة مسامير 10

نظف الكرتير تمام بتلقى مغناطيسين نظفهم كمان بتحصل فيه برادة جديد

ارجع طبق الكرتير وعبي الزيت قد الي خرج معاك من القديم

انا اخذ مني جالون كامل ولتر من الجالون الثاني

لبس انتبه تدعس بالسياره بعد التغيير حاول تكون السرعه اقل من 80 فتره قليله وبعد كذا الله يسهل طريقك

بغيره اليوم ان شاء الله
ويا ساتر سترك
مشكورين

وان شاء الله بعد التغيير اجي واقول الأمور في السليم يارب

رحت للوكالة فحص الزيت باقي جديد وفل

وكفى الله المؤمنين شر القتال

كيف احذف الموضوع الحين :)

اخس يانذل خل الناس تستفيد

تصحيح ( وكفى الله المؤمنين القتال )