نصيحة لأصحاب المعارض وتجار السيارات

اللف اللفين لاتردك في بيع السوق نازل
بس مشكلة الشريطيه ماسكين اسعارهم

الله يكون في عون الجميع ،، صحيح السوق طايح ولابد 

انك تضحي ب الألف او الألفين عشان تكسب الزبون .. 

والله الأسعار لسا غالية افالون 2014 ب 97 

لاتنصحهم ولا تترجاهم

السوق نازل نازل وبيدق خشومهم غصب عن خشومهم والسيارات متورطين فيها المعارض

فيه سيارات موديل 2013 حتى الآن ماتصرفت

منول نطلبهم ينزلون في الاكسبيدشن ينزلون الف او الفين يوم كان سعره 130 في المعارض

الان ب 117 ويحب خشمك وجاك عماد الدين وضربهم تحت الحزام ب 115 اصفار

الصبر وانت تشوف بعينك كيف الزمان يطوعهم مهوب على كيفهم
الالتيما 2017 او مانزلت قبل 4 شهور ب 73 هالحين منقوله ستاندر ب 59500


الفورتشنر الفل 6 سلندر فل ب 125 ويكلمك بطرف خشمه الان ب 101 في الموقع ولا أحد معبره كلهم رايحين للموديل الجديد

اصلا عن قريب يرفع الدعم عن البنزين وبيطيح السوق زود
- بيرتفع الديزل

بكم تتوقع يكون سعر البنزين  فعد الزياده

مافيه فورتشنر ب 101


اليوم في معارض جده اقل فورتنشر 6 سلندر ب126 وبالقوه وصل 125



ال6 سلندر هذي أسعاره


اذا تعرف معرض يبيع ب101

تكفى هات رقمه ولد عمي متورط يبي واحد والسعر اللي تقول عليه لقطه

الكلام فوق موجه لاخونا العضو سند 10

حكيم المعاني هذا رابط فورتشر 2015 فل كامل ب 101

https://haraj.com.sa/1118139067/عرض_خاص_تويوتا_فورتشينر_موديل_2015_للبيع/

لو ركزت في ردي كان عرفت اني اقصد الشكل القديم انا قلت في ردي بالحرف ( كلهم رايحين للموديل الجديد )

وبتلاقي ارخص منه بعد

مكسيما 2016
ب86 وكانت ب97 فرق 11 الف
http://haraj.com.sa/1118177536
وفي تخفيضات من المتحدة على بعض السيارات يصل إلى 20 الف
السيارات بدأت تأخذ أسعارها الحقيقة

يارجل.. ليته على الف الفين . جاني واحد الا تطرحلي ثمانيه .والله وبالله وتالله انه من الساعه 4 العصر الى الساعه 1 بالليل والمحادثات موجوده
ويوم ابلشني .وصليت الفجر قلت ياولد انا بعتك وعدنا العصر بعد ماطلع من دوامي
هالكلام يوم الاربعاء . تصدق الى هذا الوقت ماشفت وجهه

الممهم ارسلت له رساله على الوتساب قلت . اخي الفاضل اتمنى تعذرني انا بعت السياره بي 93 . ارسلي على طول وشلون انت بعتني خلاص 8الالف الزود لي وقام يرسل دعاوي ونصايح
ويتحسب قلت لك يومين ماشفت وجهك ومعلقني على البيع ؟ وبالاخير ترد كذأ؟ استح على وجهك

الآن العروض على السيارات العايلية بدت وبعضها بتبداءبعد قرار البنزين انتظروا
العروض الكبرة وبعضهم بيصرفها عروض نهاية العام ولاعروض بداية العام ولاعروض الشتوية

واللي مراقب اسعار التاهو واليوكن بشوف الانخفاض بداء فعلا

على العموم .. ترى غالب موديلات 17 و16 فيها نظام ايكو توفير الوقود

وعلى حسب ماقريت وسمعت ان الي رفعته الحكومةمن دعم بيرجعونه لك براتبك