متخوف من العيسي

اذا السيارة اعجبتك . وعندك ثقة فيها .
اشترها ولاتتردد
حافظ عليها وصيانة اول بأول .
وان شاء الله تكون الامور طيبة وماتحتاج الوكيل
والوكيل تقدر تقدم عليه شكوى في حالة التقصير

والله الموفق

اسمع من الناس تقول انه اسوء من الحمراني بمراحل من ناحية الخدمة واسعار قطع الغيار والله اعلم ، مرة كنت مع واحد عندهم سمعت الناس تقول الله يرحم ايام الحمراني

محتار بينها وبين الافالون

بالنسبه للافالون ما استخدمته بس بما انك تسأل عن الوكيل

معي كامري وصراحه الوكيل كخدمه وقطع غيار اعطيه خدمه جيد جيدا
لا بأس فيه 

 (( عندك سياره كوريه لا تسوي دسلايك )) 

صيانة العيسى ممتازة جدا في الصيانة السريعة يعني تشييك وتغير زيت وتربيط والامور ذي بس الورشة الكبيرة شوية زحمة

الماكس مايحتاج صيانة سريعة تحتاج بس وبتعيش معاك والله يعطيك خيرها

نيسان ما تبلش فيه
احرص على تغيير زيت القير عند الوكيل فقط و انتبه له  الCVT
تغيير الزيت لزوجه خفيفه لو تجيبه بنفسك و الفلتر من الوكيل
و غير عند اوتوستار تبع العيسى التغيير ب100 الظاهر بدون الزيت

و لو تنتظر الافالون الشكل الجديد 2018
الكامري امس نزلت تويوتا مقطع فيديو تشويقي
لشكل 2018 بتكشف عنه بداية 2017 ممكن الافالون تتغير معها
الخبر موجود بموقع سعودي شفت لاخبار السيارات

تصحيح صورم مو فيديو
على الرابط

http://saudishift.com/next-gen-toyota-camry-teaser/

نصيحه خذ الموتر من بترومين ياخي ماشاء الله قطع متوفره وشغل ممتاز 

وفروع الصيانة الدورية موجودة في كل حي 

سيارات نيسان للأمانة حلوة. اذا انا احد ملاك نيسان القدام و تحديدا باثفايندر. شوف اقول لك على تجربتي مع العيسى كصيانة, سيارتي

قديمة و مشتراها من الجبر عام 2003.  العيسى عقب ما فتح مركز الصيانة في الشرقية اواخر عام 2014 كان السيارات اللي تدخل

عنده سياراته واحيانا سيارات الحمراني من موديلات 2011 و تحت.  سيارتي اجريت ثلاث صيانات عنده وعقب كل صيانة

يكلموني خدمة العملاء لتقييم الصيانة أو الخدمة واذا فيه اي شكاوي واعطيهم. احب دايم لما تدخل سيارتي صيانة بان المقعد السايق

يتلبس بنايلون و الأرضية اكرمكم الله ينحط عليها ورق أو قطعة كرتون خفيفة. كذا مرة اقول لهم على الملاحظات هذه وللأسف ما يهتمون

فيها واقول لهم ليش كل السيارات تحطون فيها الأشياء هذي و سيارتي لأ؟؟ قاللي الموظف يمكن العامل نسي!! سبحان الله مانسى

الا في سيارتي!!! وما ادري ما ارتحت لهم صراحة بحكم انه سيارتي قديمة و عمرها ماشاء الله 13 سنة الآن احس انهم يهينوها

علشان قديمة يمكن طب لو فرضنا كذا طيب انا محافظ على سيارتي و هذي حلالي تجي انت وامثالك تهيني بسيارتي؟؟!! 

قلت مابي صيانتكم يالعيسى توبة تدخل سيارتي ورشتكم. ومن فترة اكتشفت انه حبيبنا الحمراني مازال شغال و لكن صيانة فقط و سمكرة  اما البيع لأ

راحت للما يتسمى العيسى.  ,آخر مشوار لي كان الأربعاء الماضي كان عندي مشكلة في باب الراكب الخلفي يسار ما يفتح لا من برا

ولا من داخل. وابشركم الحمراني على كلام الفلبيني أحد الفنيين في الصيانة قاللي بشكل رسمي بأنهم صاروا يستقبلون كل انواع السيارات

ولا تقتصر على نيسان بس يعني اللي معاه شفر أو تويوتا حياه الله.  سيارتي راح اكمل كل صياناتها عند الحمراني باذن الله بلا عيسى بلا

 بترومين بلا هم.

اصلا هذا له تاريخ و عمر مع نيسان.

انصحك تاخذها من بترومين
العيسى متعب من ناحية الضمان
عندي التيما 2017 فيها مشكلة في شريحة الدركسون
اخذت شهر حتى تأتي موافقة الضمان
وباقي منتظر وصول القطعة

مني فاهم سبب الدسلايك ،، تراني توني وصلت 30 نقطه والله م يصير ،، موضوعي كان استفسار فقط !!

سيارتي لها سنتين و لا دخلتها الوكالة الا لتسجيل الضمان فقط و تشييك 1000 كيلو (حتى ما شيكتها الا انها مجانية)
و ما شاء الله ما احتجته و لا راح احتاجه بإذن الله

الشيء الممتاز ان عندك وكالتين و بترومين فتح فرعين صيانة
و الصيانة الدورية في كل مكان

أنا أنصحك تبعد عن أي سيارة قيرها cvt للأسف القير هذا سيء جدا و كثير شكاوي عليه وإذا عندك علم باللغة الإنجليزية تقدر تطلع وتشوف وش كاتبين عنه 
وأنا ياطويل العمر طلعت ماكسيما 2013 وكالة ومجرد ما تعدت 100000 كيلو خرب القير بالرغم من إني مانب راعي سرعة أو أشد على السيارة لكن فجأة بدأ القير مايستجيب و بعد الاطلاع على النت لقيت كثير نفس حالتي مع الأسف وعند التوجه للوكالة قالي المهندس القير فيه عطل بطرمبة الزيت فقلتله غيره! قالي حنا عندنا تعليمات إننا مانصلح أي قير فقط نركع جديد و سعر الجديد مع التركيب ب 30 الف 
فما كان فيه حل إلا التشاليح وأقل قير ب 7000 والتركيب ب 1000 و حاليا موتري بالوكالة يفحصون هالقير حق التشليح لعله إن شاء الله يضبط 

ونصيحة لاتشري إلا سيارة شعبية و معروفة بحيث تلقى له قطع + الورش تعرف له + لو احتجت لقطع كبيرة تحصل بالتشاليح أشكال و ألوان 

لأن بعد ما خرب القير مافيه ولا ورشة رضى يشتغل بالسيارة بحجة إنهم مايعرفون له + عند بحثي عن القير ماوجدته إلا بعد جهد جهيد 

العيسى يعيبه فروعه
مخرج 25 ومخرج 18 والباقي صيانه سريعه
بالنسبه لوضع التاخير
شي طيب وممتاز بالعكس دراهم وفلوس غصب عنهم نظام التجاره بعد 24 ساعه اذا كان العطل على الضمان ويومية السياره كل ماغلت كل ماجاء التعويض طيب

لكن شغله واجهتها بالوكالات موب العيسى بس
خدوش اذا ركب ونقرات جنب الموتر من الرافعه او من السيارات ومهما حرصت في التدقيق عند الاستلام الا انك تشوفها بعد فتره

بالنسبه لقطع الغيار خلال 21 يوم عمل ملزمين بتوفيرها او اعطاءك مبلغ يومي كتعويض عن التوقف

ف من ناحية الصيانه والقطع مافيه خوف
حتى لو سياره صينيه
لكن من ناحية تكرار العيوب هو اللي يطفش حتى لو تتصلح مجانا
عن تجربه لشركة نيسان جوده وسياره تستاهل المبلغ اللي دفعته لكن
مشكله اخطاء غبيه وعيوب ضعيفه ووكيل سيئ

بالنسبه للقير صار لهوندا ورينو وهونداي وعليه تطوير سابقا سيئ الان تطور لكن الاكيد ماوصل مرحله الكمال ولامرحلة الفشل

أخوي
بحكم أني أحد ملاك نيسان باترول بطل الدروب. أحب أفيدك بأن العيسى أفشل وكيل وعليه كثير من الشكاوي. أما بترومين فهو الآن ناشر فروع الصيانة السريعة بكل مكان ولديه صيانة شاملة في الرياض وجدة فقط وقريبا سوف يفتح في الدمام.

اشكرك اخوي خالد 24 ع الاضافه ،، للاسف في سيارات معتبره عندنا ولكن سبب ابتعاد الناس عنها هو الوكيل

واقصد هنا سيارات دودج وكرايزلر و نيسان الان ...