أضف سؤال أو موضوع جديد          

وكاله العيسى

up 6 down 4
بومااجد 106
قبل 5 سنه و 2 شهر



قبل كم اسبوع رحت للوكاله بغير زيت القير المهم قالي مع شغل اليد 870 فوق كل هذا قالي تكتب تعهد في حال صار شي للقير بعد التغير الوكاله ماله علاقه ف قلت كيف كذا قال لانه السياره موديل 2011 والضمان ما يشملها قلت له طيب واذا الضمان ما يشملها تكتبني تعهد قال هذي سياسه الشركه  قلت له والله من الخراط الي عندكم هذا دليل كافي
 انكم وكلاء فاشلين وسحبت عليهم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخوي نصيحة لاتروح لمهم انا رحت مرة واخر مرة قالي تغيير زيت قير الفتك الاوتو ب 1450 ريال بدون تنظيف فلتر بعد ههههههههههههههههههه رديت عليهم وقلت كل سنه وانت طيب ياباشا ودقيت سلف ورحت لحبيب قلبك مركز باترول بالرياض تنظيف فلتر وزيت وكالة اصلي وشغل مضمون قدام عيونك ب 450 ريال فقط لاغير


up 4 down 0
ابو علي 1 1014
قبل 5 سنه و 2 شهر



والله ياعزيزي الفاضل موتري زي موترك ونفس الموديل
شريت جالون تقريبا 160
وغيرته عند بنشري 20
والفلتر مافيه إلا داخلي يعني مايتغير
والله ماخسرت إلا ذي 180 والموتر زي العسل وكلها صره تحت
تفكها وبعدين يقفلها ويعبي وزي اللوز .
المهم بعد التغيير حاول تعشق القير كل الاتجهات عده مرات
و لا تحاول تدعس للموتر خلك عل هونك
وإن شاء الله زي الفل



up 3 down 1
mm88zz 85
قبل 5 سنه و 2 شهر



بعض الوكالات كذا. 

اذا شاف ممشى السياره تعدا ال150الف. وماعمرك 

غيرت زيت القير. يوقعونك على ورقه في حالة. لاقدر الله 

وخبط القير. انهم مايتحملون المسؤليه. 

وفيه بعض الورش كذا. اذكر واحد من اخوياي معه 

كامري 2004تماتيك. هذ الكلام قبل ٦سنوات. 

راح الوكاله يغير زيت القير. وقالو له نفس الكلام الي قالولك 

وتركهم وراح الورش واغلبهم قالو مانتخمل اي مسؤليه. اذا خبط القير 

لانه ماشي عليه. فوق ٢٠٠الف. والزيت محترق لونه اسود 

وفيه ريحة حريقه. 

وفي الاخير غيره. في احد الورش. وبعد اسبوع خبط القير 

لان الكلتشات احترقت لان الزيت. راحت اللزوجه. منه. 

وصارت التروس تتئاكل. 

عشان كذا بعض الوكالات وبعض الورش. يخلونك توقع على ورقه 

تخلي مسؤليتهم اذا صار شي. 

لاكن لو سيارتك ممشاها تحت ال100الف. مااتوقع يقولون لك شي 


up 2 down 0
سبحان الرازق سبحانه 2513
قبل 5 سنه و 2 شهر



بعض الوكالات 

غيرت زيت عند وكالة فورد وماقالوا شي 

ثانياً انت بنفسك شوف الزيت / اذا باقي لونه صافي وماسك لونه وريحته غير براحتك .. لكن اذا مسود لا ياحبيبي خله اصرف لك ولا اسحب علبه وعبي علبه لين تغيره كله


up 3 down 0
sarrar 130
قبل 5 سنه و 2 شهر



تخبيط القير اذا غيرت الزيت بعد ممشى كبير تصير في بعض سيارات تويوتا السيدان هذا اللي ألاحظه
لكن سيارات اخرى غير تويوتا ماقد سمعت او شفت


up 1 down 0
سلطان4040 1237
قبل 5 سنه و 2 شهر



كل كلامكم على عيني وراسي
لكن يا اخوان هل من المعقول ادفع مباغ وقدره وعند الوكاله ويقالون
هذا الكلام مع العلم انه هو الوكيل الوحيد في السعودية هل معنى هذا مافي
حمايه للسيارات نيسان بعد ما تتعدى 100000 الف ياخي لا عقل ولا منطق
يقبل ها الشي على العموم انا بالي طويل معهم راح ارسل للفرع الاقليمي في دبي ومن 
هناك راح احصل الافاده اكثر لانه قد صاره معي مشكله معهم وتم
التخاطب مع فرعهم الي في دبي واتصلو علي وهم منكسين روسهم
واذا طلع كلامهم صحيح ف الشكوى لله 
وبخصوص بترومين قد رحت لهم وقالو لي قير سي في تي ما نقير له لازم الوكاله



up 2 down 2
بومااجد 106
قبل 5 سنه و 2 شهر



الحمراني ما زاله فاتح , انا شايفه عندنا بالشرقية بس صيانة طبعا و سمكرة اما بيع لأ و يستقبل سيارات الجبر و سياراته بس و لحد

2012 .  شوف في منطقتك يمكن فاتح .  محدثك معاه باثفايندر 2003 مشتراها من الجبر اللي هو الآن وكيل كيا و طبعا كل صياناتها عنده

لحد 2010 و في 2011 فتحت ملف لسيارتي عند الحمراني وقبلوها جت الموافقة من جدة و من ذاك العام الى 2013 وانا مع الحمراني 

وعقب ما استلم اللي مايتسمى العيسى وكالة نيسان قلت اجرب نعطيه فرصة ولو اني من زمان عندي تحفظ عليه من وقت ما كان وكيل 

لجنرال موتورز كان عندنا كابريس 87 و خرب فيه الشكمان و شوف الغباء فكوا الماكينة و أبوي نزل فيهم هواش و يدعي عليهم بالحرق و يقول 

بكرا باخذ السيارة خالصة او ما هي خالصة.   دخلت سيارتي الباثفايندر ثلاث صيانات عنده و بعدها حرمت قلت توبه تدخل عنده.  

سامحني على طول التعليق بس قلت اللي في خاطري 


up 1 down 0
بدر الباثفايندري 1125
قبل 5 سنه و 2 شهر



هلا وغلا بك بندر
العين لك اوسع من القلب طال عمرك
معك حق والله 
ان شاءالله مثل ما قلت في ردي الاخير 
راح اتواصل مع المكتب الاقليمي ونشوف
بس بخصوص الحمراني
انا في الشرقيه في الجبيل ب التحديد 
ولا اعتقد يوجد لدينا فرع صيانه الحمراني
ممكن تفيدني اذا موجود في الدمام لا هنت


up 1 down 1
بومااجد 106
قبل 5 سنه و 2 شهر



في الدمام  له فرع في الخالدية  و في الثقبة ( صناعية ابن سينا)  

في الدمام فرع الخالدية كأنك جاي من الخبر تجي الغرفة التجارية للمنطقة الشرقية على يمينك تعداها و تعدى جريدة اليوم و مكتب أرامكو 

بعد مكتب أرامكو يجيك شارع على يدك اليمين و بدايته عليه عامود صفارة إنذار المهم لف معاه يمين وخلك سيدة على يسارك تجي تويوتا

و بعد تويوتا على طول الحمراني مركز صيانة كبير و عندهم سمكرة بعد.  

ترى فاضي عندهم مافي زحمة 


up 0 down 0
بدر الباثفايندري 1125
قبل 5 سنه و 2 شهر



لا هنت طال عمرك
عرفته


up 0 down 0
بومااجد 106
قبل 5 سنه و 2 شهر



وكالة العيسى ما بها طب
الضرب في الميت حرام .



up 0 down 0
khalid24 57
قبل 5 سنه و 2 شهر