ماهي شروط اجتياز الفحص الدوري

الشروط تكون السيارة نظيفة من الخارج 

وكل الأنوار و الغمازات شغالة مايكون فيه لمبة محروقة. 

شيك على الفرامل و شوف اذا السيارة مابها حذفية 

وشوف السيارة من تحت اذا فيه تهريب 

و اضيف على كلام الاخ بدر
الزجاج يكون كله شغال يطلع و ينزل 
و القزاز الامامي و الخلفي ما يكون فيه شرخ كبير او واضح
المساحات غيرها اذا متقطعه ممكن وزن الاذرعة
و هي حسب المزاج و الزحمه بعض الاحيان يمشونك
و ممكن يستقعدون لك على أقل شغله يبون فلوس الاعادة

حياك
الشروط لاتعب نفسك ولاشي
فيه ورش حول الفحص يضمنون نجاح سيارتك 
السالفة هذا تو اكتشفتها فعلا فيه سيارات عماله
موديلات قديمه تهتز وهي تمشي 
كيف انجحت ماتدري

نصيحتي دخلها اول مرة وشوف الاعطال او الخرابات وريح راسك قبل ما تخسر

جزاكم الله خير والله طلبات كثييرة

لازم الجلنط يمسك زين

المبات الاشاره يمين ويسار واي صدمه خفيفه لازم تعدلها قبل لاتروح والجلنط يمسك زين وتتاكد من نضام مانع الانزلاق شغال كويس اذا ثلاث كفرات تمسك والرابع مايمسك يفشل الاختبار لازم تعيد من جديد ولمبه الريوس تكون شغاله وعند مسك الفرامل لازم تكون في حاله كويسه هذي اتوقع اهم شي في الفحص

واهم شي واهم شي اذا فيه صدمه وماعدلتها بتصقط

اي شي ظاهر على البودي او تحت السيارة زي تهريب ... سويه ومن ثم ادخل الفحص ويطلعون عليك نقاط .. روح للعمال اللي برا وبيضبطونها ان شاء الله

الاضاءة
الفلشر
لمبة الريوس مو مطلوب
المساحات
الفرامل
الجلنط
بوية مشهبة من الشمس لازم تلميع[ لكر]
الشمعات المرملة لازم تلميع عشان يشوف الشمعة الداخلية
الشكمان ما يدخن
بوري [ هرن ] ضروري
توازن العجلات الامامية بيمشيها على السير وبعدها الخلفية


احضر معك :
رخصة السير [ الاستمارة ]
الهوية
اذا السيارة ليست لك لازم تفويض لقيادتها من ابشر مثل لو كانت سيارة صاحبك
أو ورقة مبايعة من المعرض [ بلسانك المعسول يمشونها والكلام اللين يهزم الحق البين ]
بالنسبة للرسوم

لازم ضروري تكون الفلوس نقدا

نقطة اخيرة تكمله للي فوق
الكبوت مايفتحونة