بالله تنصحونى بصنى 2017

ميزتها المكيف البارد
تصلح للطوال و المساحة الداخلية اوسع
و اقل فئة فرامل ABS و 2 ايرباق
لكن المكينة ضعيفة 99 HP و القير 4 نمر بدون تحويل يدوي
و القزاز الخلفي بفئة الاستاندر يدوي و الكفرات حجم صغير على البودي
و كانك ناوي عليها شف اسعار المعارض اقل خذ 2016 ارخص
ممكن تحصل ب32 او 33

عندك كيا سيراتو اكبر و اوسع ب38 لكن بايرباق واحد و المكيف لك عليه
الاكسنت بنفس السعر و الريو اختها بنفس سعر الصني
و  اليارس ب40 مكينة 1300 
استخر و اختار و ما دامها تقسيط ما تفرق معك زود 50 او 100 على القسط
شف الحسبة النهائية و قارن بشكل شامل

الصني ما اخذوها اهل الكاش عشان تروح انت تقسطها

تبغى سيارة اقساطها رخيصه عندك الاكسنت وعندك الريو وعندك السيراتو وطبعا موديلات 2017 كلها ايرباقين و abs

ياصني ولا يارس ابعد عن الكوري مكيف مخيس والمقاعد متعبه خاصة اذا كان وزنك ثقيل

السياره اعتماديه لكن يعيبها شكلها القبيح ووسائل الأمان ضعيفه في هذه الفئه.
للمعلوميه فقط السياره تصنع في الهند وليست اليابان.
لذلك سعرها رخيص للجديد ب32 الف .

لكي ترتاح من الشك .
أجرها وجربها بنفسك .

بقيمتها خذ اكسنت أطلق سياره في فئتها 
السياره هذي لوحطو جائزة أقبح سياره بختار الصني عليها شكل والله عار على شركة نيسان تسوي مثل ذالتصميم 

صراحة انصحك فيها سعرها مناسب
وشوف تجربتي لها اضغط على اسمي
وتجربة نيسان صني 2013
ما اتوقع تفرق فرق كبير عن 2016

يوم الاحد الماضي سلمتها كنت مستاجرها 4 ايام 

جدا سيئة  في العزم  

يميزها وسعها من الداخل مقارنة بمثيلاتها  

ومكيفها جدا ممتاز  والبنزين بعد صرفيته ممتازة 

اما شكليا من برا ومن جوا ما عجبتني  

وفي الاخير الشكل مسئلة اذواق 

صني 2016  ماشية 55الف 

استخير والله يوفقك 

خذلك سيراتو ستاندر وفكك من القواطي ذي

انصحك بالسيراتو

لانها بكفائه اللنترا و نفس شاص اللنترا 100% و 95% من قطع اللنترا نفس قطع السيراتو عدا البودي

وسعرها ب 38 ألف ريال جديده وكانت عند عماد الدين ب 37 الف اعتقد لكن خلصت

افضلك من الصني لاني جربتها وكانت مو ذاك القد في الجوده عدا ان مكيفها ماشاءالله ثلج

لكن السيراتو فيها جوده افضل من الصني و وسيعه وشكلها افضل من الداخل والخارج وعزمها طيب 1600 سي سي

عن تجربة الاكسنت سيارة عمليه واقتصاديه واكبر دليل على كلامي انتشارها في الشوارع

ما انصحك فيها أبدا - صناعة تجميع هندي
عندك الأفضل حسب الترتيب :-
1- لانسر2016 - ياباني - ستاندر مكينة 1600cc سعرها 37 ألف ريال
2- لانسر2016ex - ياباني - ستاندر مكينة 2400cc سعرها 42 ألف ريال
3- أكسنت 2017 - كوري - ستاندر مكينة 1400cc سعرها 40500 ريال
4- يارس 2016 - أسترالي - ستاندر ستاندر مكينة 1300cc سعرها 39 ألف ريال

موفق خير إن شاء الله

لو انا منك اخذ جيلي GC6 
القسط ٤٠٠ ريال 
وشكلها حلو وعمليه 
واكرفها ٥ سنين وبعدها ماتفرق معي لو ابيعها تشليح

الصني حتى 2011 ما شاء الله راسية وممتازة
اما الموديلات الجديدة ما انصحك
الاكسنت افضل من كل النواحي بالنسبة لسيارة من نفس الفئة

اذا ميزانيتك بحدود ال30 فما راح تحصل مثلها ابداً

واذا عندك لحدود ال 45 في السينترا افضل سيارة صغيرة بلا منازع

ما أنصحك أبدا لانها شكل وأداء ووكيل كلها سيئة والسيفتي صفر. من رأيي إصرف النظر عنها وخذ لك كورولا أو كامري مستعمل أفضل لك بكثير.