أضف سؤال أو موضوع جديد          

سيارتي تالف من اليسر

up 4 down 1
عبدالعزيز الاحمد1 38
قبل 5 سنه و 4 شهر



السلام عليكم 
مساكم الله بالخير 
ياخوان السالفة ومافيها 
كان عندي مكسيما ٢٠١٣ من شركة اليسر قدر الله وصار علي حادث وراحت تالف الخطا على الطرف الثاني ١٠٠٪‏ 
طبع كنت دافع دفعة اولى ١٠ الاف 
والقسط ٢٧٤٧ دفعت ٨ اقساط 
السيارة استخدمتها تقريبا ٨ اشهر فقط
وممشاها كان ١١ الف 




المهم يوم جيت اسوي مخالصة 
قالولي لازم تدفع ٢٦ الف 
ليش ٢٦ الف ؟؟ 




قالو المبلغ اللي دفعته + تعويض التامين ينطرح من المبلغ الاجمالي 
طبعا اشتكيت ع الادارة وتكلمت ورحت وجيت نقصو المبلغ من ٢٦ الف الى ١٣ 
الموضوع له اكثر من سنتين ونص وماخلصت منه 




فمادري وش تشرون علي 
والله ماني عجزان اني اسددلهم الحمدلله الحالة المادية ممتازة بس القهر ادفع لهم ١٣ الف غير الاقساط اللي راحت وانا ماعلي ولا ١٪‏ تحمل 
فايشباب اللي قد صار له نفس المشكلة معهم يعلمني وش سوا ووش رايكم اسوي معهم 
وشكررررررا لكم:)







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حسبي الله عليهم منشار طالع واكل نازل ياكل
مانزلو المبلغ الا السالفة فيها لف ودوران 
لاكن كلم موسسة النقد وزراة التجارة 



up 4 down 0
باترول 2020 2623
قبل 5 سنه و 4 شهر



لاتدفع ولا ريال وش هالنصب


up 3 down 2
محمد الشريف 03 206
قبل 5 سنه و 4 شهر



اخوي بلغ مؤسسة النقد انا اخوي صدم بموتره وماطلوا فيه التأمين يبون يجحدونه بلغ مؤسسة النقد ومن وقته اخذوا الموتر

راجع مؤسسة النقد وبتاخذ حقك إن شاءالله


up 1 down 0
alamri19 98
قبل 5 سنه و 4 شهر



معقول موضوعك من سنتين ماانتهى!


up 3 down 0
احمد 170 244
قبل 5 سنه و 4 شهر



خذ العلم
اشتكي شركة اليسر في المحكمة العامة وطالبهم بإعادة مبلغ 10 الاف ريال قيمة الدفعة الاولى
القاضي راح يحكم لك ويعطي كل شخص حقه
لأنك اخذت السيارة ايجار والدفعة الاولى اخذتها الشركة منك بدون حق




up 1 down 0
متجر تميم 95
قبل 5 سنه و 4 شهر



سبق وان اشتكيت على مؤسسة النقد وقالولي راح نرد عليك خلال ٤٥ يوم عمل ردو علي بعد ٣ شهور تواصلنا مع شركة اليسر وتبين انهم خصمولك من ٢٦ الف الى ١٣ 
وهذا اخر حل !!!! 

المشكلة انهم رافعيني الى سمة


up 1 down 0
عبدالعزيز الاحمد1 38
قبل 5 سنه و 4 شهر



مهم جدا جدا راجع العقد اللي بينك وبينهم 
وفيه كل التفاصيل واذا ما عندك نسخه طالبهم
بالنسخه اللي موقع عليها ولا تعطيهم ريال 
الدليل على النصب انهم نزلو المبلغ لو على 
حق كان اصروا على المبلغ27000 ...انتبه منهم 
واشتكهم للمحكمه اذا ما وصلت لنتيجه 
بس ضبط اوراقك مع العقد ضروري 


up 0 down 0
لا للغلاء 828
قبل 5 سنه و 4 شهر



شوفلك محامي وهو اللي بيعطيك العلم الاكيد 


up 0 down 0
ابو فرح مازدا 538
قبل 5 سنه و 4 شهر



عادي حتى لو حطوك في سمه هذا المبلغ 13 الف بسيط مايمنعك
انك تاخذ قرض من البنك لان البنوك اذا كان اكثر من 20 الف مايعطوك
واحد من اصحابي نفس مشكلتك سياراته صارت تالف وطلبوا منه
13 الف سحب عليهم لان السياره من بنك اخر ماهو البنك الي ينزل فيه
راتبه حطوه بسمه وياخذ قروض من بنكه الي ينزل فيه راتبه
لكن الافضل لمن تاخذ سياره نظام تأجير
حاول تاخذ من بنك ماينزل فيه راتبك
وحاول انك ماتعطيهم دفعه اولى
كيذا لاقدر الله وصارت السياره تالف
مايقدرون يحطون حسابك سالب
يلطشون راتبك لانزل
ولاتروح عليك الدفعه الاولى
اكثر الناس حاليا يعملون الطريقه هذي


up 1 down 1
ftfr999 271
قبل 5 سنه و 4 شهر



اخوي نظام الراجحي نفس الكلام يعني موب اليسر لحالهم
غير انهم يحسبون قيمة الاستهلاك كيلومترات + استخدام
يعني مالك الا تسدد او تقدم للمحكمه مع اني اتوقع المحاكم ماتنظر في الامور التجاريه شئ على التجاره وشي على مؤسسه النقد وهذولي مايعطونك حقك فقط اذا هم ماعطوك حقك يعطونهم مخالفه حد ادنى ثم حد اعلى ثم يقولون لك سوينا اللي علينا


up 0 down 0
khaled3224 284
قبل 5 سنه و 4 شهر



كالعاده يبونها نصبة 

بفهمك كيف 

السيارة مثلا قيمتها كاش 90 الف ومع الاقساط طلعت 130 الف , طبعاً الاربعين الف الزايدة ربحهم على مدى 5 سنوات + قيمة التأمين شامل 5 سنوات 


الي صار ان التأمين عوظهم بقيمة السيارة كاش الي هي 90 الف مثلا وهنا هذا حقهم ولا لهم شي ويرجعون لك العشرة الاف 

لكن النصب وين ؟ انهم مايبغون قيمة السيارة كاش يبغون الاجمالي الي هو 130 الف 

حسبوا الدفعه الاولى + قيمة الأقساط + تعويض التأمين ونقصهم 26 الف من الربح الي المفروض ياخذونه منك على مدى 5 سنوات مو والله في 8 شهور 


الي عليك بدون محامي ولا شي خذ موعد في المحكمه ورح لمحامي ب 500 ريال يكتب لك مذكرة الدعوى يوضح فيها تفصيل المبالغ ولا بياخذ وقت الموضوع تقديم الدعوى ربع ساعه وترجع لهم على الموعد 

طبعاً ان طالب بالدفعة الأولى + تعويض عن الا


up 1 down 0
sarrar 130
قبل 5 سنه و 4 شهر



تعويض الاضرار ان اسمك مسجل في سمه سنتين بدون حق 

او وكل محامي واعرض الموضوع عليه واشرط عليه ان شركة اليسر هي الي تدفع اتعابه 

ومن ناحية العقد ماينفعهم لأنه لو كان يتعارض مع الشرع او انظمة مؤسسة النقد مايعتبر عقد شرعي 


up 2 down 0
sarrar 130
قبل 5 سنه و 4 شهر



بالنسبة لان ١٣ الف مبلغ بسيط انا عارف بس سبق وان قدمت على سيارة من بنك الراجحي ورفضو لان اسمي في سمة 
القروض والله مادري 

والله ماني فاضي للمحاكم ومحامين وقروشة 
ياخي وش ذا النظام واحد يصدمك ويعدم سيارتك وانت تروح تطالب وتدفع غرامات وتدفع مدري ايش 
في اي قانون!!!! 


up 1 down 1
عبدالعزيز الاحمد1 38
قبل 5 سنه و 4 شهر



والله صارت لزميلي بالعمل مع شركه التوكيلات العالميه عام 2005 مطلع جمس يوكن من عندهم وراح تالف الجمس بعد سنتين استخدام  المهم حسبو قيمته كاش وتثمين من شيخ المعارض و
وحسبو الاقساط وطالبوه ب 22 الف 
وراح اشتكى لمؤسسه النقد وطلع ونزل وخر شي دفعها 
لكن الله يفرجها والله انها مصيبه 
الله يعوضك خير وبحسن منها 
رح لبوجميل وخذ منه لكنه يسلخ سلخ 




up 0 down 1
ابوزفره 25
قبل 5 سنه و 4 شهر



ياخوان اليوم كلمتهم ارسلولي صورة العقد على الايميل 
ماحصلت فيه ان ادفع غرامة عند تلف السيارة ؟؟؟


up 1 down 0
وليد الاحمد 72
قبل 5 سنه و 4 شهر