أضف سؤال أو موضوع جديد          

صدمني وهرب

up 1 down 1
king.king 833
قبل 4 سنه و 6 شهر



السلام عليكم ورحمة الله وبركاته

وصبحكم الله بالخير

السالفة وما فيها انو بعد الساعة 11 ليلا.. وفي الطريق كان في راعي جمس مستهر يخيط بين السيارات ولما جا عند سيارتي صدم الرفرف الامامي اليسار وتضررت الشمعة وحصل فيها كسر جامد.. ورفض ما يوقف وطاردته الين اخدت رقم اللوحة وجنبت على اليمين ودقيت على نجم جا وسجل بياناتي وسجل رقم لوحته وكتب فيها صدم وهرب بمعلومات.. وقال لي راجع المرور بكرة..
الحين وش الاجراء اللي بيصير في المرور واذا كلموه ونكر مثلا وش اللي بيحصل..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


و عليكم السلام اخوي موضوعك صار لي


الي بيصير بتراجع المرور

بيعطونك برنت برقم لوحه السياره

اذا عليها تأمين يعطيك تقرير من المرور صدم و هروب تعبي فيها بيانات السياره

و يعطيك برنت بالسياره الي صدمتك و برنت برخصه الرجال صاحب السياره

و يعطيك اسم التأمين حق الرجال

بعدين تطلع شيخ المعارض تقدر السياه و تطلع التأمين

يطلبون منك الأوراق الي ذكرتها فوق و صوره اثباتك و رخصتك و استماره سيارتك

و تراجعهم بعد ٢١ يوم تأخذ شيك التصليح

و انت مالك دخل بأي شي بعدين شركه التأمين تطالب الي صدمك

لان في حال الصدم و الهروب التأمين ما يعوض

و بيطر يدفعها من جيبته و اذا رفض يحطون اسمه في سما و يوقفون معلوماته


اما اذا مو مأمن فمالك الا تنتظر لمن يجيبونه وقتها غني يا ليل ما أطولك

و الله يعينك يا رب


up 4 down 1
abodi dahlan 175
قبل 4 سنه و 6 شهر



راجع المرور بعطونك ورقة تسعير و اصلاح وممكن يحولونك شيخ المعارض
وهو اذا اللوحة سليمة ومواصفات السيارة سليمة راح يسوون حاجة من الثنتين اما ايقاف خدمات او تعميم وفي الحالتين بيجي غصب عنة
واذا جاء يحطونة في الحجر اما يدفع او كفيل وفيها غرامة 2000 ريال هرب مو موقع الحادث هذي جديدة في الاشهر الاخير الكثير ما يدري عنها



up 3 down 0
الشرقية ماركت 144
قبل 4 سنه و 6 شهر



الحين لاسمح الله واحد سيارته مصدومة من زمان
وتبلى في واحد قال ان صدمه وهرب
كيف يثبت ان ذاك ماصدمه
اكيد بتقولو اذا سيارته نظيفة بيثبت انه ماصدمه
طيب اذا سيارته مصدمة ؟

السؤال لازم ناخذه بمحمل الجد لان في ناس ماتخاف الله وممكن تنتقم بنفس دي الطريقة


up 2 down 0
7ssom 421
قبل 4 سنه و 6 شهر



المرور يعرفون كيف يثبتون ولهم طرق واذا ثبت احد لعب عليهم الله يعينه غرامات وتوقيف وممكن فيها سجن هذي دائرة حكومية
مو شباب في استراحه احد ينكت معهم


up 6 down 0
الشرقية ماركت 144
قبل 4 سنه و 6 شهر



+1 للكل.. بيض الله وجيهكم


up 1 down 0
king.king 833
قبل 4 سنه و 6 شهر



ياغالي يوقفوا خدماته يعني لايفدر يسوي اي شيء حتى يراجع المرور ووقتها بيعطيك حقك


up 0 down 0
hemi 4 ever 1
قبل 4 سنه و 6 شهر



خذ الكلام مني/روح للمرور وطلعون رقم جوالة ويكلمه العسكري على موضوع الحادث
خله يحظر فيه بعضهم يعرف ناس بالمرور قسم بالله يطلعون اسمه من الحادث وتاكلها
انت.. مره صدم اخوي على سيارتي وهرب وفي ناس سجلو رقم اللوحه مافي كم يوم الى
دق علي العسكري يقول انت صادم سوداني ولازم تحظر قسم الحوادث تدفع تكاليف الحادث
قسم بالله على نزول ايفون5 ماخذ جهازين على2800 وبعتهم ورحت وسددت الرجال والحمدلله
كان متعاون معي من 6000الف عطيته4000 ولغو موضوع حادثي
وسالفه ثاني:صدمني موتر فورد وهرب واخذ رقم اللوحه وبغلت عليه وكل شي
وليومك هذا مادقو علي.!!!! الرجال للحين ماسكوهـ رحت راجعتهم قالو انت الخطا عليك
وصادم الرجال.؟؟؟؟ شغل واسطه وقلبو الحادث علي المهم قالو ياتنازل ولا تطول سالفتك
تنازلت الحمدلله الحادث مجرد حكه فكيت نفسي//تعلم وانتبه


up 1 down 2
a9lok 28
قبل 4 سنه و 6 شهر



الحمد لله على سلامتك اول شي و ثاني شي الله يعينك و يكفيك شر المستهترين وانت ترا مو اول واحد اقرا عنه انه تعرض لحادث من مجهول

السالفة هذي متكررة الأيام هذي كثير ناس تصدم و  تنحاش آخر قصة قريتها بأنه واحد انصدم من جيب لكزس و راعي اللكزس انحاش. 

أحسن شي الواحد يركب كاميرا على الطبلون و كل مشوار يشغلها و يكون دليل في حال الحوادث لأنه البلد عندنا مليان ناس تساقط على 

ناس في شوارع و ناس مادري وش تسوي لكن وش اقول الله يعين. 

وانتظر لا تصلح سيارتك قبل لا يبان ولد هالحرام وتاخذ حقك منه.  اذا الصدمة بسيطة تقدر تمشي في سيارتك عادي وان ظهر هذا الرجال

وأخذت حقك منه ذيك الساعة لو بغيت تصلح سيارتك ما تصلح انت حر راجعة لك بالنهاية. 

و حمد لله على سلامتك مرة ثانية 


up 4 down 0
بدر الباثفايندري 1116
قبل 4 سنه و 6 شهر