ناوي على باترول 2016 ومحتاج مشورتكم

السيارة سعرها 200 وشوي كاش!! و فيه ستاندرد اظن ب 165 الف
اجل كيف لو اقساط بالذات وعندك الوكالات و البنوك حرامية!
اخوي بتطلع عليك بمبلغ و قدره و قسطها غالي و البنوك ماتقصر بالفوائد
فمد رجلينك على قد لحافك

ثاني شي اظنها بتتغير ف السنتين الجاية
فابعد عنها و مش نفسك بجيب صغير الين يطلع الشكل الجديد و كيشه


ثالثا:الباترول الغوا مكينة 320 8 سلندر و خلوا بدلها وحدة 6 سلندر

ماصارت مكينه وحده لا في ٦ و ٨ زي الاند ٦ و٨ 
ال٦ عشان تنافس الاند بالسعر والمواصفات 
خذلك قراند سنتافي ارخص واوفر ويكد ويممممد 
وفكك من الاقسااط 

خذلك. 2016. الي يجي رقم 2.   المرغوب. واسعاره من 170 الي 185. حسب المعرض

بس خذ 8 سرندل اهم شي

يارجال وش لك والحوسه خذلك جمس استاندر او اكسبديشن او سكويا دام الدعوه اقساط لا تظغط على نفسك وكلها فالنهاية سيارات ومتقاربه بعد فالحمولة والقوه

واحد اعرف زميل لي
طلع لاند هدد بريمي V8 ب220 فل كامل
على الراجحي ما دفع و لا ريال مقدم
قسط 3600 خمس سنوات و الدفعة الاخيرة حول ال60 !!!
و هو ابو عيال متندم و جته فتره انضغط
صحيح ما يدفع ايجار بس القسط مرتفع غير القرض
فانصحك خذ جيب ست سلندر قسطه بالكثير 2000
فورشنر او برادو او باجيرو  اكسبدشن خليجي
و ان ما كنت راعي بر بس سفريات
شف لك جيب كروس اوفر ارخص و اوفر بنزين
و خل عنك المظاهر و الترزز

باترول اقل فئة مكينة v8
ف المعارض ب 155الف

انا انصحك يابوراس تهون افضل لاتشتري ولا تسمع نصايحهم رح للوكاله او المعرض وشف بنفسك
se : مكينته 320 التغت صارت 272 حصان 6 سلندر ويجي xe .se1.se2.platinum هذي فئاته بيدا من 164 الى 230
le: مكينته 400 حصان v8 وقيرة 7 غيارات اعلى فئة 285 الف

تفضل حصلت لك نظام تدفع نص القيمة ونص القيمة المتبقية تدفعها بعد سنتين وهذا رابط الإعلان 



https://haraj.com.sa/1115866523/%D9%86%D9%8A%D8%B3%D8%A7%D9%86_%D8%A8%D8%A7%D8%AA%D8%B1%D9%88%D9%84_XE_%D9%85%D9%88%D8%AF%D9%8A%D9%84_2016_%D8%AE%D9%84%D9%8A%D8%AC%D9%89_%D9%85%D9%83%D9%8A%D9%86%D8%A9_320/

ههههههههههههههه شكراً على الردود بس والله بعضها مدري وش يبي لو اني قدامه ع الحقيقة يمكن يصفقني كف ، حصلت se نص فل ب ١٦٢٠٠٠٠ ٨ سلندر ، لكن من ناحية الحرارة وش رايكم بها ؟ 

حرارة النيسان على الربع و لا ترتفع
و المكيف ثلج
بس تراه يصرف بنزين نفس مكينة الارمادا
و لا فيها نظام توفير مثل اليوكون او التاهو
او تيربو V6 مثل الاكسبدشن 

الحرارة عدلوها في دفعه الثانيه ركبو مراوح خارجيه

15853074 وهذا رقم إعلان عن باترول الدفعه الثانيه 
بمروحه إضافيه

se اللي حصلته 1 او 2 رقم 2 يجي زنون وفتحه وباب كهرباء من ناحيه البنزين استهلاكه عادي انت ورجلك مشاويرك كثير شف لك موتر اخف منه معه مشاويرك عاديه ومتعود على موتر كبير عادي بالنسبه للي يقولون يستهلك اكثر الخلق معهم يوكن ولا يخلي به مشوار وهو 8 سلندر وش معنى الباترول الحرارة الربع او فوق الربع بشوي

حياك
لايجي يوم وتنزله بموقع حراج الباترول للتنازل بدون مقابل
والااعضاء كلهم انصحوك 
وانت طلبت النصيحة وفكر قبل تتورط 
والوضع تراه ماهو مثل قبل 
وباالتوفيق

عزيزي انا مستخدم للباترول ومعي٢٠١٥ بلاتينيوم
الحراره لها حد معين 
بمعنى يتفاوت المؤشر يبدا من خط الربع الى النص بتكه 
نزول او ارتفاع 
حسب الاجواء والحر  
--
بالنسبه للفئه فيه فرق بالسعر بين فئة s2 والبلاتينيوم
وانا املك بلاتينيوم لكن لو ماخذ s2 افضل




اولا ما احب اجلد وال s2 مخمل 
الشاشات مااستفيد منها بس شكل وال s2 بدون شاشات
--
بالنسبه للنفقيشن الله يخلي الجوال ماراح تحتاجه
--
الشكل الخارجي مليان بالسوق تعديل الى بلاتينيوم ماراح يتجاوز ١٢ الف مع الكفرات
شامل كل شي اهم شي ركب كفرات بيرجستون من نفس الوكيل 
--


الانوار والled والزينون كله واحد بال se2 والبلاتينيوم

--
افضل بنك تأجير هو البنك الاهلي
من ناحية الفوائد وسرعة الانجاز وشركة التامين التعاونيه
لكن انت حاول تدفع دفعه مقدم عشان تطلع بقسط شهري مناسب لدخلك

ونصيحتي لك تاخذ se2 وتدفع دفعه حلوه وقسط مريح وتعدله الى بلاتينيوم وانتهينا

اخوي افضل شي se2
قيمته 185
الدفعه الاخيره يجي مروحتين
البلاتنيوم ممتاز لكن غالي
وانا اشوف الفرق كبير على اكسسوارات
جنوط + جلد + خمس كميرات + تبريد وتسخين مقاعد + اشارات مرايا وازياق
الاكسسوارات الخارجيه تقدر تضيفها من الزينه ولا تكلف 7000
الداخليه مااعتقد انها تستاهل فرق السعر

الي اسمك باترول ٢٠٢٠ تقول الوضع ماهو زي قبل ، ماهو زي قبل في ويش بالضبط ؟ 

اخوي انا انصحك بالابتعاد عن بنك الرياض النصاب
لماذا
ياخذ رسوم 1% من قيمة السيارة لو بغيت تكيشهم وكانهم يعاقبونك ليه تدفع كاش
غرامه 300 ريال اذا تاخرت عشر ايام وماسددت القسط تخيل بالله هذا يرضي الله ورسوله يعني انت ماتاخرت للشهر اللي بعده فقط عشرة ايام من تاريخ حلول القسط يوم 25
بهذلة في تجديد الاستمارة والتفاويض للسفر
نسبة التحمل عالية جدا في التامين الشامل 5000 ريال في حال الخطا صار عليك تخيل صدمت وسيارتك تكلف 2000 ريال اذا تبي تصلح وكالة تدفع لهم 5000 ريال يعني الباقي ياكلونه

انا غلطت وماقريت العقد زين والان توبه ماعاد اخذ منهم سيارة لو قالوا بدون رسوم او اي شي اغروني فقط ان مافيه دفعه اولى

وانا مع اخوي اللي يقول لاتحمل نفسك ديون
انا اخذت تاهو 2013 وبدون دفعه اولى والقسط 3710 يال والدفعة الاخيرة 42000 ريال وانا راتبي عالي 15000
وقتها ماكان عندي التزامات بس بعدها فعلا تبدا تنضغط مع طلبات البيت والاولاد والقسط هذا تصير تحتاجه واحيانا تسحب ولا تسددهم شهر او اكثر
فنصيحه لاتورط نفسك بالديون