أضف سؤال أو موضوع جديد          

تجربتي مع نيسان سنترا بعد قطع 160 ألف كيلو متر

up 31 down 3
abdullah4517 186
قبل 3 سنه و 11 شهر





السلام عليكم
أستكمالا للموضوع السابق على هذا الرابط

http://nissan.montada.haraj.com.sa/49164/%D8%AA%D8%AC%D8%B1%D8%A8%D8%A9-%D9%86%D9%8A%D8%B3%D8%A7%D9%86-%D8%B3%D9%86%D8%AA%D8%B1%D8%A7-2014-SV-%D8%A8%D8%B9%D8%AF-%D9%82%D8%B7%D8%B9-13-%D8%A7%D9%84%D9%81-%D9%83%D9%85-%D9%88%D9%85%D9%82%D8%A7%D8%B1%D9%86%D8%A9-%D9%85%D8%B9-%D9%83%D9%88%D8%B1%D9%84%D8%A7/



اليوم كملت السيارة 160 الف كيلو متر
بدون مشاكل كبيرة تذكر والحمد لله
السيارة لا زالت بحالة ممتازة مريحة ومتماسكة تعودت عليها وعلى سواقتها ومثل ما ذكرت سابقا مشكلة العزم الضعيف هي الي شوي مزعجة غير ذلك انصح بالسيارة لكل شخص يبي سيارة عملية بسيطة وبسعر ممتاز
وسواقته (هادية ) ياخذها وبتعجبه ان شاء الله



الزيت كل 6 الالاف كيلو مع السيفون في بنشر عادي الزيت نوع هيليكس الأصفر shell helix 10w30

بعد قطع 110 الالاف غيرت زيت القير CVT بزيت اصلي من الوكالة نوعه NS3 مكتوب بالكاتلوج عند مركز
ون ستوب التابع لنيسان الحمراني لأن الوكالة شغلهم غالي ولازم اخذ الصيانة حسب الممشى وايضا اختلاف اقوال مسؤلين الصيانة بالوكالة واحد يقول ما يغير فقط يزاد شوي والثاني يقول يغير فقلت اغيره واريح نفسي وغيرته عند ون ستوب وشغلهم ما اعجبني واضح ما عندهم خبره لكن الحمد لله الامور مشت تمام واخذو 70 ريال شغل يد والزيت كلف 160 ريال وبعد التغير لاحظت تحسن بسيط باداء القير

غيرت ايضا فلتر المكيف بعد ما لاحظت ضعف دفع الهواء بشكل واضح والفلتر سعره غالي جدا وما لقيته الا بالوكالة ب 170 ريال

بعد ال 140 الف غيرت الكفرات الاربع
وأخيرا هذا الشهر غيرت البواجي وسير المكينة بعد ما بدأ يطلع صوت وايضا غيرت بطارية السيارة لانه لاحظت الانوار تضعف وترجع طبيعي والمكيف ايضا وقال الكهربائي انه من البطارية وغيرتها وضبطت

الفرامل لا زالت ممتازة ولا غيرت الفحمات لحد الان


واجهتني بالمكيف مشكلة انه لما اشغل السيارة وهي واقفه لساعات واحط المكيف على درجة 1 او 2 واحيانا 3 ما يشتغل دفع الهواء
الا لما احط الفرار على اقوى درجة 4 دقيقتين تقريبا ثم ارجعه على 1 ويشتغل دفع الهواء طبيعي
والى الان ما صلحتها


هذي تجربتي حبيت اشاركم فيها والمعذرة على الاطالة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعطيك خيرها ويكفيك شرها
ومشكور على طرح تجربتك وان شاءالله 
تفيد المقبلين على شراء مثل سيارتك


up 2 down 0
عبدالرحمن النوفل 108
قبل 3 سنه و 11 شهر



بالنسبه للمكيف من حساس اسمه ac fan actuter يحتاج تغير


up 3 down 2
asalami 2162
قبل 3 سنه و 11 شهر



تقرير رائع +1 لايك للجميع


up 4 down 0
هاتف1 118
قبل 3 سنه و 11 شهر



ما شاء الله .. الله يعطيك خيرها و يكفيك شرها


up 3 down 0
ابوسيف12 184
قبل 3 سنه و 11 شهر



ويقولون نيسان ماتخدم ولا تكرف
ماشاء الله ياصاحب الموضوع الله يعطيك خيرها ويكفيك شرها


up 3 down 2
موسى عبدالله 1123 61
قبل 3 سنه و 11 شهر



ماشاءالله تبارك الله , مبين عليها خدومه جدا , والناس بس ماعندها الا كثر الكلام اللي ماله فايده , خلاص , باخذها قاعده , راح اخذ الموتر اللي براسي ولا بفكر بكلام الناس


up 2 down 0
ابوخالد1397 2845
قبل 3 سنه و 11 شهر



يعطيك العافيه على طرح تجربتك

والله يعطيك من خيرها ويكفيك شرها


up 2 down 0
عاشق البيداااء 39
قبل 3 سنه و 11 شهر



ما شاء الله 160 الف ولا قد غيرت فحمات .. انا كل 40 الف طقم


up 2 down 1
ابو نايف09 53
قبل 3 سنه و 11 شهر



يابو نايف شكلك معك تويوتا
اغلب التويوتا فحماتها تروح بسرعه قروشه زي الاف جي الي معي ما مشيته 60الف وغيرت طقمين فحمات والثالث بالطريق
بس كلن وسواقته


up 4 down 3
محمد حمدان هلال 19
قبل 3 سنه و 11 شهر



وعليكم السلام ورحمة الله وبركاته
هذه السيارة شدتني من أول مشوار

استأجرتها في الرياض و ما توقعتها كذا

عزلها ممتاز و أحسن من السيارات التي في فئتها

خامة المواد الداخلية رائعة
الأبواب ثقيلة
المواصفات الداخلية المعروفة في نفس الفئة متوفرة
الشكل الخارجي عادي مقبول

مقاعدها مريحة، وأكثر سيارة صغيرة ارتحت مع مقاعدها
جربت الكورولا و الريو و المازدا و اليارس و غيرها وهذه الأفضل

لو أنها مو نيسان كان شريتها
لأني أسمع عن النيسان قصص مع الهربدة بعد كم سنة
وأنا في جدة أحتاج سيارة ما تتهربد بسرعة




سيارة ممتازة حقيقة


up 5 down 1
الفارس المميز 2654
قبل 3 سنه و 11 شهر



ألسلام عليكم ورحمة الله وبركاته

أخوي صاحب الموضوع أنا معي سنترا والحقيقة ملاحظ عليها ملاحظة من شريتها وهي كذا ، عصا القير بعض الأحيان يثقل من P إلى R مع أن التبريك سليم والبريك مشدود والأرض مستوية وطريقة تعشيقي صحيحة تمام ، ومع ذلك يثقل العصا بعض الأحيان طبعا من غير رجه او طقه لا لا فقط العصا يثقل

هل واجهت نفس الشيء ؟؟


up 1 down 1
عبد الله أبو سند 150
قبل 3 سنه و 11 شهر



يعني غير سلس على طول لا ، مرة كذا ومرة كذا مع ان التعشيق نفسه وحتى مكان وقوف السيارة نفسه ؟!!!


up 1 down 0
عبد الله أبو سند 150
قبل 3 سنه و 11 شهر



موفق ياصاحب الموضوع ** الله يحميك ويحميها ***


up 2 down 0
hosam200 1742
قبل 3 سنه و 11 شهر



عصا القير فيه مسمار صغير تحت الديكور احيان يرتخي ويسبب الثقل واحيانا مع الوقت يرتخي مره وماتدري الا القير

مايعشق وتحسبه خبط او شي من هالقبيل وهو مسمار صغير تحت الديكور عموما اللي تصير له هالمشكله يفك ديكور

القير ويحصل المسمار ترا مافيه غيره عشان محد يسألني يعني واضح المسمار ان له علاقه بالديكور وتعشيق القير

وشغلته بسيطه جدا

اما بالنسبة للسنترا فهي تعتبر افضل سياره في فئتها بس عشانها جديده علينا مانتشرت انتشار كبير لكن انا اشوف انها

بدت تنتشر بالسوق السعودي وبدات تثبت وجودها بس عاد المرجفين حقين تويوتا وهونداي مايتركون نيسان بحالها ههههههههه


up 1 down 0
الوافي 1392 116
قبل 3 سنه و 9 شهر



مشكلة المكيف هذي تصير خاصة في الظهر مع الشمس والحرارة وحلها انك تضغط على زر تشغيل المكيف
الي فيه ارقام من واحد الى اربعة (الفرار) تضغط عليه بقوه عشان توصله الكهرباء واعتقد ان المشكلة مع الشمس يتمدد زر تشغيل المروحة ويصير مرتخي وما يوصل كهرباء


up 0 down 0
abrahims -1
قبل سنه و 11 شهر



الله يعطيك خيرها ويكفيك شرها


up 0 down 0
a7d9111 -6
قبل 10 شهر و 3 أسبوع