توضيب او شرا مكينة فتك

اذا مديل جديد شف التشليح تلقا نفس سيارتك مصدومة ومكينتها نظيفة  واذا مديل قديم الافضل توضيب

التوظيب يكلف واجد وماتحصل مكانيكي شاطر تطيحلك بسباك وبعد كم شهر يخبط الافضل تشتري مكينة بس عندك التشاليح هنا نار ياحبيبي نار والافضل تروح يالكويت تحصل مكاين مستعملة نظيفة والافضل تودي السيارة عندهم يركبونها ويعطونك ضمان اقل شي 5 شهور
طبعا احد من شباب ركب بالكويت السعر 4700 ريال ضمان 4 شهور .

وإذا بتبعد واجد عندك الامارات خصوصا الشارقة عندهم مكاين جديدة مغلفة مب مستورد فكينها من سيارتهم لان مشالله عليهم راعين تعديل تيربوهات وغيرها ويفكون حق الوكالة ويعرضونها للبيع انا ركبت من عندهم بس شوي غالي من الكويت
السعر 6000 ريال ضمان سنه والحمدالله معاي زي الحلاوة ( طبعا المكينة فتك 4800 )

يا اخوي
اولا
هي حسب الماديه اللي عندك
اذا ما عندك فلوس كافيه للتغيرها
فما عندك الا التوظيب
ثانيا
اذا عندك فلوس كافيه
فانا اقلك التغير افضل من التوظيب بميه مره
ليشش
اولا ياالله يالله تحصل واحد شغله ميه ميه
ثانيا صدقني حتى لو وظبت السياره السياره ما راح ترجع زي قوتها وعزمها الاول
والله ما قلت هذا الكلام الا من تجربه لي شخصيا
وترا الشيء يرجعلك شخصيا اذا بتغير ولا بتوظب
وانا ما قلت هذا الكلام الا من تجربه
والله يوفقك وييسرلك امورك

أول شيء الموتر وش موديله إذا كان من 2010 وطالع فأقولك غير ولا توظب لأن المكاين الجديدة ماهي مثل أول مو كل ميكانيكي يعرف يضبط توظيبها أما إذا هي موديل قديم فأنصحك بالتوظيب لأنها بإذن الله سهله وماتبي شيء كايد
ونرجع ونقول مثل ماقال الأخ بسام هي توقف على صاحب الشأن والمادة طال عمرك

وسلامتك

أضف إلى ذلك التوضيب مايبي ذكاء كله فك وتركيب من وجهة نظري والشغل كله على المخرطة ترا الميكانيكي مايعدل شيء وظيفته كلها فك ركب وأوزن فقط

ادري رايي يمكن يكون مختلف
لكن اللي ( اتوقعه ) ماراح تقل عن 9 ويمكن ازود
لو ماديتك حليوه غير المكينه الى مكينه ثانيه غير الفتك ماادري وش يضبط عليه لكن مثل اللكزس والشفر وووو
اما لو تبي فتك عندك منطقتين الرياض تشليح الحاير او الامارات يحبون النيسان وبكثره تركب هناك لكن استيرا اتوقع مسموح للمكينه والقير والدفرنس بس فيه صعوبه

وعليكم السلام
ايش المشكلة عندك بالضبط
هل هو تخبيط ؟او نقص زيت ؟
اذا السيارة مخبطة فا التكلفة من 4500 ريال الى 7500 ريال ,قطع اصلية عند ابو خالد الخضير ,ببريدة
اذا تقول بوضب من شان نقص زيت ,فا اشرحلي النقص كيف ونوع الزيت اللي تغير, وكم ماشيه السيارة؟ ,وراح افيدك باذن الله

تكلف في خميس مشيط من ٣٥٠٠ إلى ٦٧٠٠