بخصوص زيوت بطب الدروب الباترول

زيت المكينه غالباً يكون خفيف
اذا تبي زيت طيب حط موبيل ون 0W40 واكون صريح معك مااعرف لزوجه الباترول بس غالباً السيارات الجديده زيتها خفيف
ومن ناحيه زيت القير اذا فيه معيار له افحصه او اسال راعيها السابق قد غيره ولا لا
وانتبه للسلف ترا يخرب وقيمته حول الثمان الاف 
واسال الله ان يعطيك من خيره ويكفيك شره

يالخالدي 
كيف يعني ينتبه للسلف تراه يخرب 
يعني مايشغل السيارة خلاص ولا ينتعها ولاكيف 

الزيوت انواع واشكال وانا اشوف 10/30 لزوجه مناسبة للسيارات الحديثة وزيت القير غيره في الوكالة

انا احد ملاكه والزيت الموصى به من المصنع 5W30 وانتبه من فتاوى المفتين بغير علم ... وحكاية السلف اول مرة اسمعها !!
اما بالنسبة للقير تفقده اذا لونه رمادي او في ريحة حرق فهو مطول في القير صاحبة ما غيره من فترة لذلك مسألة تغيير زيته يصير فيها مخاطرة .. يمكن لاقدر الله يجاوب القير .. واذا فيه لون وردي او درجة الوردي ولا فيه ريحة حرق ولاتشوف اي ملاحظة على اداء القير فغير الزيت بأذن الله وانت متطمن وانتبه بالنسبة للقير لاتغير الا زيت نيسان فقطططططط Matic S

يالحبيب انت وياه انا قلت مااستخدمته وكان مع واحد من الزملاء
وسولف عنه كذا يعني اخلي الرجل بدون هالمعلومه او ادسها
بصدري علشان مانسب بطل الدورب

شكرا لكم جميعا

الزيت 10/30
وفي سؤال بعد اذنكم أنا عندي صوت كنه صوت بلوف بس خفيف مره
قد صارت لكم ولا لا

الوكاله عن تجربه تغير كاسترول جي تي اكس 10 دبليو 30

اذا ماانت مقتنع بزيت الوكاله اختر اي نوع زيت يناسبك الاهم يكون لزوجته 5 دبليو 30

ياشباب ريحو بالكم وغيرو المكتوب بالكتلوج اللي هو عيار 5w30 تخليقي بالكامل اي شركة

وكلها تراها تقريبا متشابهات الى حد كبير وانا بصراحه اميل لبترومين a1 لان مواصفاته عاليه جدا

ومن واقع تجربه ممتاز

وترا طبيعي ان الزيت يتغير لونه ويحترق كل شي له عمر افتراضي

وبالتوفيق

انا استخدمت 5w30 الموصى به من الوكاله وخبطت المكينه. وأعرف غيري حصل معه نفس الشي


اذن ليش كل من يستخدم هذا الزيت ماتخبط سيارته
العبره أنه كل ما زاد الحر وزاد كرف المكينه فال 5w30 زيت غير ملائم لظروف المملكه

أما من كان حنون عالموتر ويسوق ب هدوء فما عنده مشكله حتى لو حط زيت زيتون.

نصيحتي من تجربه مكلفه جدا اللي يمرف موتره لا يقرب يم ال 5w30

لايوجد مثل ال 20w50

كل واحد يدلي بدلوه ويفسر مثل ما يبي انا اغير زيت عافيه والموتر متعافي

كل واحد يدلي بدلوه ويفسر مثل ما يبي انا اغير زيت عافيه والموتر متعافي

المفروض ياشباب ان اللي مجرب الموتر هو اللي يعطي نصيحه اما سمعت او قالو او يقولون هذا شي تعبنا منه بدون فايده 
ناس تقول يحرق زيت القير ال ٤٠٠ وناس تقول يصرف بنزين واجد باخذ لي ٤٠٠ واجرب بنفسي افضل لن كثير ترددت عنه من كلام الناس