تحذير بخصوص سيارات نيسان وارد بيترومين

يخي اللي يبي مواصفات ياخذ العيسى واليي يبي استاندر ياخذ بترومين
كل واحد ياخذ اللي يريحه

مشكور أخوي جزاك الله خير
بالنسبة لي لا أهتم بمواصفات السيارة وسعرها أكثر من الخدمة مابيعد البيع والصيانة حيث أن بترومين يتفوق على العيسى في الصيانة الدورية لكثرة فروع بترومين في كل شارع وفي كل حارة تقريباً وتعمل الصيانة وأنت واقف بدون حجز مواعيد وإنتظار يوم كامل لعمل تغيير زيت وفلتر وحاجات بسيطة

تحياتي

وعليكم السلام

بداية الموضوع تقول بترومين ارخص من العيسى لكن فيه فرق بالمواصفات

و نهاية الموضوع تقول نفس السعر ما فهمت عليك

عموما ما علي من الوكيل مين يكون

ولكن طبيعي مواصفات اقل يعني سعر اقل وين المشكله لا ضحك ولا شيء

تقول رساوة السياره تفرق واجد بين الجنوط و الطيس

لا تفرق واجد ولا شيء بالعكس الطيس جنط اصغر و مريح اكثر و كفرات ارخص و ليونه اكثر

الرساوة بالنهاية التيما لاهي سيارة سرعة ولا تاخذ فيها ملفات مسرع ولا شيء

تفرق الرساوة شيء بسيط

تجربة كيا سيراتو طاسات 15
وجنوط 15 , فيه فرق شاسع خاصة بالللفات

وايضا النترا الشكل القديم بين الطاسات وبين جنوط المجدوعي 15
فيه فرق

انا اتكلم من تجربة

وبعدين اذا الواحد تكلم عن الرساوة مب شرط انه راعي طيران وبيطير
والي يسمعك على مدحك لليونة الطاسات يقول اي سيارة جنوط تبي تكون قاسية
هذا مب صحيح , لا تربط بين الي معهم سوناتا جنط 18 ويركبون طاسات
وبين موضوعنا

لا صدقني لو نفس مقاس الجنط ما بيكون فيه اي اختلاف مجرد وهم فقط

ياحبيبي بلا بنشر بترومين وبلا عيسى كلهم اسعارهم غاليه
الله يعز الخليجي تلقاه فرق حول ال10الاف لصالح الخليجي ويدخل الضمان سلام سلام

بالعكس الالتيما والماكس حق سرعه ورساوه وانضمه امااان حتى بالمنعطفات الحاده لان نسبه ميلان الكفرات الخلفيه وزود على ذالك الانضمه  عطني جبهتك جرب الالتيما السته سلندر وشوف 

اخوي معاه التيما الشكل الجديد 4 سلندر

سقتها قبل شهر تقريبا و جربت بنفس الوقت الاكورد الجديده

الاكورد ارسى منها و حتى العزم اقوى و فرامل افضل

بصراحه استغربت منها وهي سياره جديده احس اللومينا أرسى منها حتى

اي سيارة راح تشتريها جديدة .. لا تضحي بانظمة السلامة على الطريق على الاقل 

الي اقصده انضمة الثبات و الوكلاء يلعبون على ذا الشيء 

يالتركي عطني جبهتك مستحيل الاكورد اقوى منها لان معروف اقوى سيارة 4 سلندر بدون تيربو التيما الا لو الاكورد اللي سقتها منشطه خطوط او راعيها محافظ عليها وراعي الالتيما مخصي موتره

اما بخصوص الرساوه انا واحد من الجماعه معه 2011 فل كامل 4 سلندر رساوتها اشوف حلوه لكن واحد غيره معه الشكل الجديد 2013 و6 سلندر يسب رساوتها ويقولي خفيفه وكرتون وريشه ومن ذا الكلام ووالله صادق مسكت بابها (متعود على الماركيز ماشاء الله هههه) لقيته خفيف جدا

دخلت موقع بترومين ستنادر عنده اربع  فئات اس
الفئة الاولى سعرها ٧٦٥٢٥
جنوط المنيوم بس بدون مثبت سرعة وبدون تشغيل عن بعد

الفئة الثانية تشغيل عن بعد وطاسات جنوط حديد
سعرها ٧٥٦٥٠

الفئة الثالثة تشغيل عن بعد وجنوط المنيوم
سعرها ٧٦٨٤٠
الفئة الرابعة تشغيل عن بعد جنوط المنيوم مثبت سرعة
سعرها ٧٧٦١٠
فرجائا 
يعني في فئة جنوط حديد مع تشغيل بعد ارخص شيء
فئة فوقها زيادة جنوط المنيوم بدون تشغيل عن بعد
فئة فوقها جنوط المنيوم تشغيل عن بعد
فئة فوقها جنوط المنيوم تشغيل عن بعد مثبت سرعة
الفرق بالاسعار جدا بسيط
بداية من 75750 الف ريال الى 77610 الف ريال
الواحد ياخذ الي يريحه