نصب بترومين و العيسى
7
11
إضغط هنا للإخفاء
السلام عليكم اخواني الأعضاء,
ربي يتقبل منا ومنكم الصيام و القيام
موضوعي اليوم بكتبه وانا في حالة من الغبن, من سنتين عملت صيانة ال81,000 عند بترومين صيانة شاملة.
و بعدين عقب ما فتح العيسى صيانته بالخبر - الشرقية كملت باقي الصيانات عنده الى حد 100,000 كيلو.
الليلة كملت 5,000 كيلو يعني صيانة 105,000 كيلو و سويتها عند بنشري عادي ابو يمن.
ركبت الفلتر اصلي نيسان ياباني و زيت كاسترول 10 دبليو 30 و نيجي للطامة الكبرى و اللي صعقني الليلة
فلتر الهوا اليمني اللي عامة الناس يقولون نصابين و الله طلع معاي امين اللي غيرت عنده قاللي تراه تقليد.
فلتر الهوا اللي كان راكب على سيارتي مده تصل اكثر من سنتين, لا ورايح و جاي, كل مشاويري على فلتر هوا
بالنهاية طلع تقليد و كان باين شفراته متكسره. قام جزاه الله خير غيرلي بواحد اصلي من نيسان ياباني.
والله طلعت من عنده ادعي على بترومين و من العيسى.
بتقولولي العيسى وش دخله, اقلكم وش دخله. دخله و مصيبته الكبرى اني 3 مرات اصين سيارتي عنده يغير
زيت و فلتر, لا والعامل الفلبيني حقهم يفتح فلتر الهوا ينظفه و يرجعه يعني معقوله ما انتبه له انه فلتر تقليد.
يوم كان وكيل نيسان الجبر مرة انخدعت على فلتر نيسان انه اصلي بس ينباع برخيص الجبر كشفولي اياه تجاري
المهم بترومين و العيسى وفي الليالي المباركة ليالي العشر الأواخر من الشهر الفضيل, اقول:
حسبي الله و نعم الوكيل فيكم يالعيسى وكالتك لنيسان والله خسارة فيك انت حدك وكيل سياكل حتى السياكل خسارة
فيك. بتعهد امام ربي ثم امامكم يا اخوتي باني مقاطع وكالة العيسى و بترومين و سأستمر مع ون ستوب
و الحمراني بالمناسبه ما زال شغال صيانه بس و يستقبل سيارات نيسان فخلاص بستمر معاك يالحمراني
سواء مركزك او ون ستوب المهم انا معاك.
والله يا شباب اكتبلكم هل الموضوع وانا جدا مغبون من اللي صار.
وقاعد احمد ربي انه الحمد لله ماصار شي بسبة فلتر الهوا التقليدي حسبي الله عليكم يا بترومين.
و العيسى حسبي الله عليكم لعدم تنبيهي يعني دام ادخل سيارتي عندكم ايش الفايدة و الله البنشري شغل امانة
ونظافة اطلق منكم.
سامحوني على الطالة المهم اني شفيت غليلي الحمد لله.
إبلاغ
سيارات للبيع
الردود
2
0
لان فلتر الماليبو 6 سلندر وكاله جي ام صناعتها صينيه بس واضح الجوده ممتاز
0
0
مع إحترامي لك يا غالي أنت الغلطان، كيف ما توقف فوق راس العمال وتشوف ايش يغيروا ؟
وحتى إن كانت الصيانة مهي قدامك المفروض تسأل عن نوعية الفلتر اللي يتركب وتشوفه بعينك
وتشيك بعد خروج السيارة هل فلتر الهواء أصلي وهل تغير ولا لا ؟
وبترومين صدقت صار لي موقف معهم بأخر صيانة كان عرض الفلتر المجاني
وكنت واقف عند السيارة أنتظره يجيب الفلتر عشان أشوفه المهم ويجي معه فلتر غريب علبة بترومين
فسألته ايش ذا الفلتر؟ قال لي فلتر بترومين أصلي امريكي !!
فرفضت تركيبه وقلت له جيب أصلي وكالة ولا كنسل الصيانة، قال هذا أحسن من الوكالة
طبعا أصريت على الوكالة، قال فلوس زيادة 30 ريال !!
قلت له مو أنت تقول بترومين أفضل من الوكالة ؟ قال ايوه
قلت خلاص خلي بترومين عندك وأعطني الوكالة ولا كنسل الصيانة، قال لا لا خلاص ركب وكالة
وفعلاً راح جاب أصلي بعلبة الوكالة، فالخلاصة لازم تتأكد بنفسك أن القطع اللي تتركب أصلية
ولا ترى بينضحك عليك ولا عليهم، والله يعيننا على استغلال الوكلاء والصيانات السريعة
موفق
4
0
ما شاء الله شكلك محافظ عليه
1
0
كلش كلش ، حتى معي موية رديتر وعلبة فرامل تويوتا اصلي حاذفها بالشنطة متى ما غيرت زيت عطيته اياها يزود
الوكالات نصب واحتيال ، يا رجال يقولك تشيك وكلام فاضي وهم حتى ضغط كفرات والله ما يعايرونه!
الفرق أنا أولى به
4
0
بس لي رد على الأخ Starting
اخوي لا تلومني و لا تحط الخطأ علي أنا فعلا وقفت فوق راسه والله ما قعدت يمكن نص ساعة واقف عنده وهم يعرضون علي
الاستراحة ولكني ارفض اقللهم لأ انا بوقفتي كذا مرتاح. سألته وقتها عن الاصلي قاللي هذا نوعيته جيده واني اخذت بالاعتبار
انه بترومين هم نفس مثلا أمارات أو ادنوك اللي شغالين في دبي. و خلاص اللي صار صار و الحمد لله انه ماصار شي من ورا
الفلتر التجاري. أمس تأكدت 100% من القطع فلتر المحرك هو نفسه حق الوكالة و مكتوب made in Japan و نفس الشي
فلتر الهوا نفس الوكالة و مكتوب made in Japan بالاضافة لزيت كاسترول هم بعد اصلي لأنه الغلاف فوق كلمة كاسترول
تجيك ملونة ثلاثية الأبعاد أما التقليد يجي الزيت ورقة بيضة فوق و كلمة ماسترول بخط اسود هذا لا أحد يقربه.
و للأخ العضو 1985-1405:
السيارة كان استخدامها خفيف لوجود سيارات اخرى عندنا في البيت و السبب الثاني سفري للدراسه الجامعية و كنت اوقف السيارة
و ما امشيها الا لما آجي اجازة و الوالد كان يشغلها من فترة لفترة. و بعدين بالنظر لموقح حراج احصل باثفايندرات مخزنة في
شفت 2005 ماشي اكثر من 21,000 كيلو يعتبر جديد ماشاء الله يعني سيارتي الباثفايندر مو الوحيدة في المملكة اللي ممشاها قليل.
شكرا لكم اخواني جميعا دون استثناء
2
0
2
0
0
0
0
0
هذي المصيبة والله ههههه
لكن افضل شيء تروح لمحل قطع غيار وتطلب منه فلتر هواء اصلي وتقارنه باللي ركبه لك البنشري وتشوف
والله يوفقنا وياك وكل مسلم
2
0
يا شباب ترا الموتر ملتزم بصيانته اول بأول ما عمري اهملت فيه شي لدرجة اللمبة بتحترق على طول اغيرها. وانا قايل في الموضوع
دخلت السيارة صيانات دورية عند العيسى و العيسى الفروض ينبهني مثل مالجبر نبهوتي عليها مرة. و بالنسبة للفلتر تأكدت
بعيني انه ياباني و شفت كلمة made in Japan هذي وحدها تثبت انه اصلي.
انتوا بس تبون تحطون الخطأ فيني, قايل في احدى الردود وقفت فوق راسه ذا الفلبيني حق بترومين و ما قعدت.
0
0
0
0
1
0
1
0
قبل 7 سنه و 9 شهر