استفسار عن الباترول رغوه في الراديتر

أبو راكان

إذا سيارتك تماتيك فتأكد من مبرد القير

احتمال مبرد القير يهرب وزيت القير يدخل في الرديتر والعكس .

حاول انك لا تمشي على السيارة لين تتأكد من التهريب عشان ما يخبط القير أو تخرب الخريطة تبع القير .

القير عايدي يالغالي

المشى تقريبا ٤٠٠ وكسور

إذا تأكد من زيت المكينة

اسحب عيار زيت المكينة وتأكد إذا مخلوط معاه موية أو لا

لأن الرغوة أو الزيت اللي في الرديتر ما تجي إلا من مبرد القير أو راس المكينة فيه شعر ( كسر )

ملحوظة : بعد توضيب مكينة السيارة أو خرط راس المكينة ينسى الميكانيكي ينظف ليات موية الرديتر أو الرديتر فيبقى بعض الزيت داخل الرديتر .

اخي الغالي شيكت على العيار مافيه اثر مويه ولاتغير في اللون
شيكت على غطاء الزيت مافيه اغير باللون

الماء كأن في اثر بسيط للزيت مع انه لايوجد لزوجه بالماء

الصراحة حيرتني يابو راكان تحتاج واحد فاهم يكشف على السيارة .

لأن أغلب مشاكل الرغوة في الرديتر كالأتي :

1- تهريب مبرد القير.

2- شعر أو كسر في راس المكينة .

3- تنسيم رأس المكينة من القازقيت أو أرتخاء في شد رأس المكينة .

ويجب إنك تتأكد من هذي الحاجات :

1- نقص زيت المكينة أو ماء الرديتر أو زيت القير للتماتيك .

2- ارتفاع في حرارة السيارة عن الوضع الطبيعي ولو كان شي بسيط .

3- خروج موية من الشكمان .

4- وجود رغوة في غطاء المكينة .

وانتظر باقي الأعضاء يفيدونك أكثر مني .

الف شكر و ماقصرت يا اخ سهيل الوسم 
وننتظر احد الاعضاء يقدر يساعدني 

البترول حراره الطبعيه فوق الربع بشي بسيط انت تاكد من كلتش المروحه لايكون ضعيف والسياره تحتر وتسبب لك غليان

ثاني شي ركب ماء اصلي حق موستبيشي علشان ماء هذا يعطي السياره تبريد افضل ولايسبب غليان درجه الحراره داخل رديتر وثاني شي اذا شايل بلف الحراره رجعه واخر شي تاكد من ضغط راس المكينه شف لك مكانيكي يشيك عليه وغير غطاء الرديتر بواحد اصلي لاتركب تجاري واخر شي خل السياره لين تبرد ثم شغلها وافتح غطاء الرديتر اذا شفت الماء زي نافوره ينطل نط اتوقع صارت لي في بترول وكلهم قالو راس المكينه اكتشفت انا بنفسي ان مراوح الاماميه الي عند الرديتر وحده ضعيفه والثانيه هواء حقها عكسي يجي يروح بعكس وصلحتها وبعدها زبطت ميه بميه خذ النصيحه والعلم من خبره في بترول

تم تغيير ماء الراديتر والمشكله طلعت من نفس المويه

شكرا للجميع