أضف سؤال أو موضوع جديد          

خبط قير مكسيما

up 3 down 4
blue wolf 33
قبل 5 سنه و 5 شهر



السلام وعليكم 

ب شباب اليوم خبط علية قير سيارتي مكسيما ٢٠١٠ فلً كامل السعودي من غير فتح بانوارما 
المهم بكم يكون سعر القير و أفضل من تشليح حقد موديل ٢٠١٤ ولا طلب من دبي الي ينزلوها في شبك المطار كل ورشة يقولك ذَا جديد من دبي وش الفرق فيهم
ولا ادخلها وكالة بس م آدري سيارة مشعليها ضمان كم يكلف ،،

منظر لي ردكم ي شباب و جزاك الله الف خير 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ليش خبّط ؟

,,,,,,,,,,,


up 0 down 0
فلاش الفورمات 1137
قبل 5 سنه و 5 شهر



ايه السبب.    الله يعينك


up 0 down 0
امير الاصيل 1714
قبل 5 سنه و 5 شهر



حبط خلاص انتهى عمره 
زي الي يموت ليش يموت عمره انتهى
انت فكر مابعد التخبيط 
انسى سالفة انه يتصلح 
غير له واحد وخذ ظمان عليه 3شهور 
وخلاص 


up 2 down 8
سمورة -76
قبل 5 سنه و 5 شهر



السياره توها 2010 شلون انتهى عمره


up 1 down 0



تقول خبط علي الجير والسيارة بدون فتحة بانوراما !!! اذا فيها بانوراما ماتخبط هههههه


up 7 down 4
benz lover -78
قبل 5 سنه و 5 شهر



هههههههههه تحمس الرجال  يااخ بنز 


up 2 down 1



ههههههههه لا ي شباب مو حكاية اتحمست بس الي يجي فيها بانوراما مواصفاتها امريكية

والي بدون مواصفاتها سعودي المهم خبطت بخصوص من يوم اخذ السيارة م غيرت الزيت الا مرا وحدة و سيارم ماشية حدود 200 الف
المهم ي شباب ايش تنصحوني توضيب ولا اخذ وحدة جديد الي يقولنها مستورد من دبي
وكم سعر التوضيب و قير جديد


up 5 down 0
blue wolf 33
قبل 5 سنه و 5 شهر



اذا القير الجنزير اتقطع فقط

واحد نزل تجربة (على كلامه) راح الوكالة و غيروا له الجنزير ب 3500 في الوكالة ورجع زي الجديد




up 0 down 0
super x 175
قبل 5 سنه و 5 شهر



اكيد انك حطيت زيت غير زيت الـ CVT المخصص للمكسيما .. 
لكن الافضل تروح للتشليح وتشتري لك قير (مركب على السيارة) موديل جديد من 2013 وطالع تفكه وتاخذه وتركبه عند اقرب ورشة بـ 500 ريال الى 700 ريال فك وتركيب ..


up 0 down 0
.. عبدالإله .. 419
قبل 5 سنه و 5 شهر



قير CVT نيسان غيرت زيته والا تركته عمره الافتراضي في
بحر 200 الف واذكر عضو معنا نسيت اسمه يقول ايضا
فرط القير معه على 200 الف وعليها


up 1 down 1
سلطان4040 1237
قبل 5 سنه و 5 شهر



انه انا من تتحدث عن أيها السلطان
و لقد خبط علي فير الالتيما 2010
بعد ممشى 220 الف كيلا" فقط
رغم اني اشتريتها جديدة بدم قلبي
قاتل الله من ابتكر الCVT
فلا يمكن توضيبه فقط يتغير بالكامل
قال لي الميكانيكي ان الجنزير المعدن او السير انفرط
و ضرب رمان القير بعضه ببعض
و لقد ركبت قيرا" مستعملا" بخمسة الاف ريال
و لم يستمر معي مدة طويلة و خبط مرة ثانية

و الله العالم انه من قيور تشاليح الامارات مدري وش مصدره
الوكاد شف وضعك غير و بع او بع بدون تغيير
احسب سعر السيارة قبل ز بعد تغيير القير
و شف وضعك المالي و زين عمر الCVT معك 6 سنوات
انها نعمة و انه لنكبة
عاد مهو دايم يخبط القير ناس مشى معها و ناس مالهم حظ معاه
لكن مستقبلا" ابتعد عن شراء سبارة فيها ذا القير احتياطا"
و سلامتك و القارئين


up 2 down 2
أبو نجوى 2442
قبل 5 سنه و 5 شهر



حبيبي افضل طريقة انك توظب بس روح لورشة او مكانيكي يخاف الله واحرص انك تجيب الاغراض بنفسك وكل يوم رح للورشة ايش سوا وايش ماسوا يعني اوقف على راسه
ولاتاخذ قيور من التشليح او مستورد لانك ماتدري كيف استخدامه اللي قبلك انت تاخذه على الضمان شهر وبعدين يخبط وماتستفيد شي .

انا زيك صار عندي مشكلة بالقير لاندكروزر خبط واحترت اني اوظب ولا اخذ من التشليح وديته لمكانيكي قال يوظب 6 الاف ورحت لتشاليح حصلت 4500 ضمان شهر اخذته وغيرت زيته و تقريبا التركيب 1200 وخليت الخربان بالبيت انشالله يرزقني اصلحه
بعد 3 شهور صار القير يتاخر باتعشيق وفيه نتعه وشيكت عليه طلع الكلتشات ضاربة يعني يبغاله توظيب بس الحمدالله ان الاول وضبته توظيب كااامل والحمدالله الاستخدام ممتاز كانه جديد خله ياخذ 6 ولا 10 المهم يكون شغله ممتاز ويخاف الله



up 1 down 1
ابو عبدالعزيز _ 330 21
قبل 5 سنه و 5 شهر



** يا صاحب الموضوع السيارة عندك ما تمشي نهااائيا ولا كيف ، لا يكون الامر هين وانت مكبره.

** وكيف كان استخدامك ، وهل انت فاكها جديدة على يدك ، ومستخدم واحد ، وهل كنت تسوي للقير صيانة منتظمة.

** نقطة مهمة تؤثر على قيور cvt نيسان بشكل مباشر ** وهي الزيت ، إذا وضعت زيت غير الموصى به يخبط على طول.


up 0 down 0
أبـوعـبـدالـكـريـم
قبل 5 سنه و 5 شهر



وش نوع الزيت الي ركبه لن فيه زيت خاص لها لن فيه واحد معه ماكسيما 2011 غير لها زيت من بنشر زيت قير وخبط عليه

وقير السفتي مايتوضب الى خبط غيره


up 0 down 1
سكودر 14927
قبل 5 سنه و 5 شهر



ودها الوكالة يمكن عطل بسيط ة تريح عمرك من المرمطة


up 1 down 0
أبو صلوح 911 131
قبل 5 سنه و 5 شهر