أضف سؤال أو موضوع جديد          

مقارنة صرفية الفتك نيسان بجيب ربع تويوتا؟

up 5 down 2



سلام عليكم
ناوي اشتري بإذن الله ربع فتك 2016
بس دايم يردني عنه سالفة انه يصرف بنزين
ودي أهل الخبره ومن استخدمه يفيدنا
بكم يعبي التانكي وكم يمشيه في المدينه و في الخط
وهل فيه عيوب اخرى؟
والله يوفقكم جميعا







إبلاغ إبلاغ



الردود


والله وانا اخوك من ناحية القوه فهو قوي
لكن عيبه وبالاصح عيب نيسان بكبرها
تفكك بسرعه يعني بعد فتره راح تسمع اصوات القربعه
وبالديكور والخ


up 3 down 21
mohaammad 166
قبل 9 سنه



والله ياذيب خل عنك بس هالفئة هذه ( باجيرو - فتك - جيب ربع ) كلهم يشفطون

يمكن احسنهم الباجيرو يمشيك 400كيلو والباقين قريبين منه

انصحك بباجيرو .. رساوة وياباني متماسك ويكد كد مايقول لاء واغلب قطعه تلقاها عند هيونداي (البعض فقط)
الموتر بدا ينتشر والمعارض بدات تقبل عليه ,, انصحك فيه كانك تدور جيب


up 2 down 14



من عذره يشفط بنزين موتر قوته 4800 ولا تبيه يشرب. 

اذا حطينه بالواحد.  وعطيته التعشيقة الثاني. ماتدري انت بالارض ولا بالسماء


up 14 down 3
ابوحاتم6 469
قبل 9 سنه



الفتك مع اخوي
اول واحد شراه ربع خطبة مكينته
الثاني فتك بابين لحد الان معاه

الملاحظات
اصوات هربده تطلع بسرعه
صرفية البنزين واتوقع بسبب بساتمه كبيره لذلك قوته جبارة مايرده شي

التويوتا الربع ماقد جربته

الباجيرو يتميز بارخصهم فالسعر
نظام تعليقه الخلفي مقصات لذلك اريح وارسى


اذا تبي جيب للبر و ينفع خط
و صرفيته نوعا" ما لا بأس فيها
و اذا تقدر على فلوسه
خذ لك FJ تويوتا قبل ما يتوقف انتاجه


up 1 down 13
أبو نجوى 2442
قبل 9 سنه



طبيعي الفتك لان مكينته اضخم 4800 اربعه الف سي سي 
التويوتا راسين 4.0 اربعة الف سي سي 
خذ التويوتا لايعلى عليه 
انتبه قطع توظيب الفتك غاليه والدبل حقه فيه جنزير دايمن ينكسر
وللمعلوميه المعلومه الي مااحد يمكن كثير يعرفها قطع توظيب الربع الراسين 
هنديه لكن ممتازه وتوظيبه يكلف اقل من 24بلف الراس المكينه القديمه


كانت النيه باترول ربع لكن ذيك الفتره قليله ولاحصلت الا غالي
ان بغيت بديل اكستيرا بقيمته تاخذ اوفرود غير انه اوسع والفرق بالاحصنه والقوه متقاربه
عيب الربع الداخليه سوداء قديمه مافيها اي تطور وغير عن الصرفيه والمساحه والصرفيه موب بعيد يرتفع البنزيزن
ميزه بالربع قصر الشاصي انسى التعليق وموتر بر كفو

بالنسبه لموضوع الصرفيه


التانكي 85 لتر يمشيك داخل المدينه 380 كلم الى 400 ونادرا يوصلها اما بالخطوط 450 كحد اقصى بالنسبه للتانكي فيه تانكي استرالي اظن حول 130 لتر تفك البلد وتركبه بدون ترهيم او تحويل ويمشيك اكثر



up 1 down 2
khaled3224 284
قبل 9 سنه



وش السالفه انا اكثر واحد اخذ دس لايك
ههههههههههههههههههه


up 1 down 0
mohaammad 166
قبل 9 سنه



..هههههههه حاقدين عليك


up 0 down 0
mohmddd
قبل 8 سنه و 9 شهر



انا مشيت على خط سفر سالحلي
السرعة 120 حسبتها ووجدتها اللتر الواحد يمشيك 6.3 كم


up 0 down 0
أبوساالم
قبل 7 سنه و 10 شهر



انا مشيت على خط سفر سالحلي
السرعة 120 حسبتها ووجدتها اللتر الواحد يمشيك 6.3 كم


up 0 down 0
أبوساالم
قبل 7 سنه و 10 شهر



اقصد خط ساحلي
السيارة جيب ربع فتك قير عادي


up 0 down 0
أبوساالم
قبل 7 سنه و 10 شهر



ياسلام مشاك تقريباً ٥٣٠ كيلو ممتاز جداً 
واتوقع لو تبرمج رح يمشي أكثر 
والي مبرمج يتحفنا ..


up 0 down 0
سليمان بن عبدالرحمن
قبل 7 سنه و 9 شهر



متابع الموضوع للاهميه


up 0 down 0
الأمـــيـــر
قبل 7 سنه و 3 شهر



السلام عليكم
الربع كم سعة تانكية الربع التيوتا


up 0 down 0
badr zakzz
قبل 3 سنه و 8 شهر