أضف سؤال أو موضوع جديد          

لم يجد طقم وجيه و حساس الدعسه لايستجيب

up 2 down 5
نوار الوذيناني 513
قبل 4 سنه و 7 شهر



السلام عليكم ورحمو الله وبركاته
صديقي راح راس المكينه بسبب شرخ فالرديتر
سيارته صني 2010 الشكل الكوري تماتيك
ولم يجد طقم وجيه للمكينه ولا وجه للراس
لا فالشركه ولا طلبيه ولا فقطع الغيار ابدا !!
وش الحل ؟ هل يركب لها طقم وجيه حقت سياره اخرى؟
تجاربكم ونصائحكم نستمع لها..
وايضا
حصلت لي مشكله جديده اليوم
لصني نفس الموديل اعلاه
شغلت السياره وهي شغاله كالعاده
ولاكن دواسة البنزيم لاتستجيب
ولا يتحرك عداد الهواءrpm
لاكن لو اعشق D او R تمشي قليل
لاكن دواسه البنزين لاتستجيب كأنها فN
وش الحل؟
رحت للمهندسين اقصد السباكين
واحد قال ظفيره والثاني قال برمجه والثالث قال طرمبه
والرابع قال حساس دعسة البنزيم اللي فأعلى الدواسه
كل هذا الكلام تخمين وبدون فحص
الى الآن ماسويت شي الين الصبح شوي واشوف الورشات
وتخميناتهم الجديده .
وش افضل ورشه مشف كمبيوتر لنيسان صني في مكه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اترك المجال 

لكل من يشغلنا بالنيسان 

هذي الصني ام شعبيه 




وتجربه 


واللي يطبلون للنيسان يالله افزعوا للرجال امنوا له قطعه


up 5 down 14
مدرس عاطل -3
قبل 4 سنه و 7 شهر



بالنسبة لدواسة البنزين صارت معي نفس المشكلة شيك على موضوعي على الرابط حل المشكلة

http://montada.haraj.com.sa/43238/%D8%AD%D9%84-%D9%85%D8%B4%D9%83%D9%84%D8%A9-%D8%AF%D9%88%D8%A7%D8%B3%D8%A9-%D8%A7%D9%84%D8%A8%D9%86%D8%B2%D9%8A%D9%86-%D9%81%D9%8A-%D8%B5%D9%86%D9%8A-2011/


up 1 down 2
business to consumer 1163
قبل 4 سنه و 7 شهر



البلا ماهو من شركة نيسان. البلا من هالوكيل الزفت يا ولد رح للامارات ولا الكويت . تحصل. كل القطع. هناا. لان الوكيل مشتغل شغل صح

بس هنا. نشتري من سياره. وتتحسف عليهاااا


up 1 down 4
جاي امس 448
قبل 4 سنه و 7 شهر



على ماسمعت ان الصني الشكل الكوري مشكلتها دايم طرمبة بنزين
خله يشيك عليها
اما المشاكل الثانية روح ميكانيكي ممتاز واساله ارخص قطع للمكينة وممتازة
لاي سيارة من شركة ثانية ممكن ريو كيا او اكسنت تنفع معها
لكن خذ بكلام المهندس وحمله المسؤولية اذا قلك تم  


up 0 down 3
ابو عبدالله احمد 3502
قبل 4 سنه و 7 شهر



اذا ماحصلت بالوكاله ولابقطع الغيار

روح التشاليح اكيد بتلقى طلبك


up 4 down 1
ابو يزيد1414 68
قبل 4 سنه و 7 شهر



وش ذي الشركة المستهتره
القطع اذا ماتوفرت المفروض يطلبها طلبيه هذا المعروف فالوكالات والله لو انها مديل 74 عشان ماتتوفر

اذا مالقيت حل شوف عندك التشليح
او خذ رقم القطع من الوكالة واطلبها طلبيه من النت عن طريق وسيط للشراء من النت


up 0 down 1
شويخ من أرض مكناس 2823
قبل 4 سنه و 7 شهر



مافي شي اسمه مافي 
اذا الوكاله ما وفرتها لك في خلال ١٤ يوم تقدر تشتكيهم لوزارة التجارة


up 1 down 2
als7aimy 1175
قبل 4 سنه و 7 شهر



بخصوص الدعسة اذا كهرب 
احتمال المشكلة فيوز محترق صارت معاي بالكامري 
الدعسة ماتستجيب وطلع من الفيوز محترق 


up 0 down 1
w.asa 2027
قبل 4 سنه و 7 شهر



مالقاها ما اختلفنا ، لكن مايطلبونها له مهب على كيفهم


رح للوكالة لقطع الغيار ويطلبها منهم مهب محلات قطع غيار في الصناعية ويقول مالقوا


وبعدين لف الصناعيات كلها ومالقى اخاف راح القريبة منه يطلع ل 28 والصناعية القديمة وكلها يدور عليها وان شاء الله بيلقى


up 0 down 1
a.ibrahem 3164
قبل 4 سنه و 7 شهر



ابشركم سيارتي طلعت مشكلتها حساس دعسة البنزيم
اعلى الدواسه
لفيت كل الورش مل واحد يقول كلام
المهم سألت كثير ونشبت لهم الين تأكدت ان الخلل فالحساس
واشتريته مع الدواسه كامله اصلي ب150 
وركبته ب30 ريال عند كهربائي ابن حلال باكستاني
في شارع الحج مقابل المستهلك ع الطريق العام
والحمدلله ربي فكني من نصابين الورش بياخذون 
شغل يد 150 ع شغله 4 مسامير وفيش ابو 5 دقايق
والحمدلله ركبت الحساس جديد ولا احتاح برمجه ولا شي

شكرا لمن رد...


up 1 down 2
نوار الوذيناني 513
قبل 4 سنه و 7 شهر



اي مشكلة في المستقبل الوكالة ما عندها قطع غيار على طووول روح الوكالة


up 2 down 0
جمس محكوك
قبل 4 سنه و 7 شهر