محتار بين التيما 2016 استاندر ومازدا 2016 استاندر

مازدا ولا تستشير
اختيارك موفق وذكي وسيارتين بينها تنافس بقوه
لكن انصحك بالمازدا اجمل بكثير وصبوره صحيح قطع اغلى من الالتيما بس ترا في الجوده احسن بكثير من الالتيما
الالتيما لو 6 سلندر ستاندر بقولك خذها عندك قوة محرك الالتيما ال6 سلندر الجديد يعطيك خيار افضل
بس اذا المقارنه بين 4 سلندر التيما ومازدا 
لا والله مازدا ثم مازدا ثم مازدا شكلها اجمل بكثير من الالتيما والجوده اعلى وقيادتها امتع شبيهه بقيادة الفولكس واجن

المازدا افضل لان اول شي القير 6 نمر بعكس الالتيما CVT 
الالتيما افضل من ناحية العزل وراحه الكراسي ... الكراسي حقها تقول كنب ههههههههه 
غير كذا الافضل مازدا 

مازدا ولا تشاور ي حبيبي

ارشح لك الالتيما بحكم ان معي 2009 > قوه >الالتيما اقوا  / الجودة > المواد المستخدمه في الالتيما افضل /راحه > الالتيما اريح / الشكل > شي اختياري ويختلف من شخص لاخر  / استهلاك بنزين > الالتيما اقل بحكم قير ال CVT

مازده ولك ذوق
افضل
ستاجر وجرب

التيما يالحبيب اريح الف مره عن المازدا وقطع كمان

خذ اوريون اصرف منهن كلهن

اهم ثلاث قطع بالمازدا 6 

المكينه كامله كامله جديدة على الزيرو 

11500 ريال المكينه الكبيره 




القير كامل جديد بتقفيل اليابان 

من 6. الى 7 الاف حسب الخصم 


كمبريسور المكيف 1500 


الاسعار خاصه بمازدا 6.       2016 

ومر الوكاله  ولك حرية التأكد 


ايضا اتمنى من الاخوان اللي يشورون عليه بالتيما 

يرفقون اسعار هالاساسيات 

لايقول السياره جديده مافي امل تتعطل 




اتفه  شي يتعطل بالسياره مكينه وقير 

نصيحه استاجر الثنتين وقارن انا جربت المازدا استاندر مكينه وقير بطل
وامان من بعد الله الالتيما مالي خلفيه عنها الا ٢٠٠٨ مع واحد ماشيه ٢٠٠+ ولا قالت كح

التيما او اس شي اخر غير ( المازدا الفاسدا )

والله ان شريت المازدا الفاسدا ان تكره السيارات وتكره الوكلاء وتكره نفسك
ولا تاخذ بكلام المعززين الي يشبحون
الوكيل سيئ والسياره اسوء

في دول الخليج وكلاء غير وماتمشي عندهم مثل ( قطر والامارات والكويت) حتى بامريكا واليابان مالها سوق واحتمال يقفل المصنع مثل الديهاتسو

ع كلامك ياراعي الشرقيه اننا نشبح 

ههههههههه

استغفر الله بس 



تعرف الحمراني اللي يقفل ودج العملاء بالشارع 
وقفل قطع الغيار والصيانه ؟؟


نسيت الفضايح 




نسيت قير الالتيما والمصيبه اللي طاحو فيها المستهلكين 

هذا لو بنمشي على كلام يقولون 




لكن انا شخصيا قلت يمر الوكاله وبتأكد بنفسه من قطع الغيار 
ويشوفها بعينه قدامه 




ياشبوحي هههههههههه

الشرقية اتحداك لو جربت المازدا او تعرف عن قطعها شي .. كل الناس تقول قطعها غالية ومدري ايش وهي قطعها ارخص من هيونداي 
عندكم ابسط مثلا 
اسطب النترا 2400 في الوكالة الي هو مع الليد 
المازدا 2016 الفل اوبشن يجي زينون وليد وشكلو خرافي قيمتو 1100 ريال .. 
الاقمشة 260 ريال تقريبا .. الالنترا 450 ريال .. 

عاد ما اعرف اسعار نيسان بالضبط لكن قريبة من المازدا ماهي بعيدة 

Loody_23 

اسطب المازدا 14/15 الفل كامل ب ١٨٥٠ ريال بدون محولات و لمبات الزينون فقط اسطب 
اسطب 16 الفل كامل بعد الخصم ب ٤٠٠٠ ريال تزود شوي 

مازدا افضل من ناحية الامان

مشكورين ياشباب وماقصرتو .. و‘ن شاء الله في موازين حسناتكم 
راح استأجر السيارتين واعطيكم انطباعي 

عينك ماتغشك روح قطع الغيار بنفسك الاسعار متغيره كل فتره والشباب ماقصروا بتجاربهم

اثنينهم مابتتعطل معك ان شاء الله  

بس ترى لكل سياره نفس بالسواقه وانطباع معين لازم تجربه بنفسك عشان تحكم وتشوف

نفسك وش ترتاح له اكثر.

المازدا ممتازه وراسيه  لكن اشوف اذا انت راعي خطوط  الالتما تطربك  فيها نفس رياضي  موتر دزه عرفت مع اني اميل للمازدا

اذا خيارك محدد للسيارتين

انصحك بالمازدا لسبب واحد وهو القير

قير السي في تي له حنه في الخطوط تجيب الهم والغم والنكد
قير السي في تي الي يقولون اقتصادي ويمدحونه ماله توضيب تغيير فقط
لاكن القيور العاديه تقدر توضبها وباقل من سعر الجديد بشي واجد ممكن بحر الالفين ريال
اما السي في تي والله اعلم انه ب15000 الف ريال علي حد علمي ويمكن تغير سعره حاول تتاكد بنفسك