أضف سؤال أو موضوع جديد          

تجربتي للالتيما 2010 من 0 الى 250 الف كيلو

up 30 down 4
nissane 129
قبل 2 سنه و 4 شهر



السلام عليكم 
اطرح لكم تجربتي للالتيما 2010 4 سلندر 2.5 قير عادي
بدايتا كنت ابي سيارة تخدمني توديني من البيت الى الجامعة المسافة 75 كيلو رايح ومثلها جاي 
طبعا ابي السيارة عزمها حلو وقطعها رخيصة وتخدمني
كنت ابي 2009 قير عادي v6 ومن كلام الى كلام وفي الاخير قالولي مافية 
واخر شي حولت على الاكورد وابي v6 وكانت غالية حول 115
وانا ميزانيتي حول 100 
بعدها حولت على الاكورد 4 سلندر قير عادي سبشل
ويوم استلام البطاقة الجمركية النفس ماتبيها 
وكنسلت الموضوع ورجعت ابي التيما قير عادي واخذتها ولله الحمد
وماحصلت غير السياحي ومواصفاتها لابأس بها 
طبعا الي حولي يقولي ليه اخذتها ليتك اخذت اوريون كامري
وانا مالي نفس فيهم 
المهم اول يوم استلمتها مشى عليها اخوي 220 وقلبي بيوقف دوبها ماشية 75 كيلو
اول صيانة الي هي 1000 وديتها ومن بعدها سيفون
مشت الى 40 الف ويوم جات السيول كنت فيها وغرقت 
وماطفيتها واضرب في صبة مدري ايش لاكن شي قوي 
المهم وصلتها البيت وبعدها اشيك على الزيت الى الامور سليمة
مع الوقت بديت احس في السيارة هزه من تحت 
ووديها اماكن وكل واحد يفتيلي السيارة وصلت حوالي 60
وانا استخدمها مع الوقت الاهتزاز يزيد وينسم القزوز من اثر الهزة
المهم وصلت حول 80 الف ويومها انتهيت اختبارات واوديها الوكالة
وادفع غرامة 1800 ريال عشان تدخل الضمان 
وطلعتها بلا فائدة لان الضربة واضحة تحت وقالولي الضمان مايشملها سوء استخدام
طنشت الموضوع واوديها مغسلة السيارات ولما رجعت واشغل السيارة 
مو راضية تعشق واطفي السيارها واعشقها في الثاني 
و اوصلها البيت 
اليوم الثاني من الظهر جيت بوديها مركز محترم 
اشغل واعشق الى وهي تعشق عادي 
ادعس فيها ولا كنه جاها شي 
المهم اوصل المركز الصيانة قالولي مافيها شي
الهزة لازالت موجوده 
قالولي ارجع العصر في مهندس ان شاء يعرف السبب
سحبت عليه حوالي الاسبوعين ورجعت لهم
ركب الفني ودعس بنزين قالي الحذاف
قلت له مستحيل 
شرحت له سالفة غرق السيارة 
ويطلعها على الرافعة ويلقى صوفة الجربكس من الدقه تاثرت
ودخل شوي مويا في القير وعدملي رمان الحذاف
المهم طلب اني اجيب له حذاف من التشليح 
واجيب له واحد ب 500 واغير صحن ودسك وفحمة قلت مره وحده
واجرب السيارة الى امورها يارب لك الحمد 
واركب لها هدرز m2 
وبعدها بفتره اركب لها كمبيوتر سنترا 2010 ser 
ومستتواها كان ابداع 
اول صيانة سويتها لها على 170 او 180 الف
واغير مقصات ومساعدات وجلد توازن 
وماشي فيها الى اليوم ويارب لك الحمد ماشية معاية 
ومكملة تقريبا معي 6 سنوات ونص وماشية حوالي 250 الف
والحمدلله كلام الناس عن الالتيما وخصوصا القير العادي +2008
انها مشاكل كلام فاضي 
والسيارة خدمة جدا
كثير من اصحابي عندهم كامري سوناتا اكورد
وكثير اشياء غيروها في سيارتهم وانا يالله لك الحمد 
والله يبارك فيها 
وبخصوص عزمها اقوى سيارة في فئتها 4 سلندر 
واي استفسار انا تحت امركم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ماشاءالله تبارك الله مع ان اسعارها طايحه مادري وش السبب
بس على كلامك موتر كريف ولا يطلب شي
يعطيك العافية على تجربتك الرائعه 


up 10 down 1
الرفاعي33 13819
قبل 2 سنه و 4 شهر



التركي 111
بالنسبة لسياره اقتصاديه وقطعها رخيصه
وتتحمل فل التانكي يمشيك داخل المدينه اقل شي 600 كيلو
وخارج المدينه 750-800 سرعتك مابين 110 للى 130

الرفاعي33
بالفعل اسعارها نازله 
لاكن مايعرفها الا الي مجربها
ويعافيكم جميعا


up 3 down 3
nissane 129
قبل 2 سنه و 4 شهر



الالتيما والماكسيما القير العادي يكرفون بعكس القير الاوتوماتيك

اعرف واحد معه ماكسيما قير عايدي ماشية 400 الف
الحين اتعبته صارت تطلب ولكن كثر الله خيرها ماقصرت


up 2 down 1
سلطان4040 1251
قبل 2 سنه و 4 شهر



شوف اي سيارة بتخدم معك اذا بتحافظ عليها واكثر اللي يشتكون من الخرابات هم الناس اللي ما يهتم ولا يصلح الاعطال اول باول او حقين المقاومات والدرفت اللي يزودون على السيارات فوق طاقتها 


up 2 down 0
ابوخلوودي1 5030
قبل 2 سنه و 4 شهر



ايه ذكريات الالتيما
ما شاء الله كانت معي اخذتها جديدة 2010
ب67 بسعر التصفية عام 2011
كانت عليها مكينة وصلت معي الى ممشى 220 الف
حرارة ثابتة ما غيرت ماء الرديتر و لا بواجي و لا شي
مرة صار تنسيم بالقزوز و لحمته
يعني اغير زيت مكينة و قماشات و اشغل و امشي
كرفتها خطوط و المكيف ممتاز و قوي تبريده
مرة ضعف علي و غيرت فلتر المكيف و رجع تبريده احسن من اول
خلال سنة دراسية كنت اداوم 500 كم من السبت للاربعاء
على سرعة 160 التانكي كان يكفي و اعبيها فل ب30 ايام الرخص
لكن اللي حاسني قير الCVT اول مرة فصل على سرعة 160
و رجع يهدي ثم دريت انه نظام حماية 
غيرت زيته اول مرة بالوكالة على كلامهم ممشى 150 الف 
و بعدها راحت الفصلة و رجعت على ممشى 200 الف
و اروح اغير الزيت كذا من عندي لكن بالوكالة
اللي مستغربه طق القير فجأة على ممشى 220 الف
حتى الوكالة ما عرفوا له لازم تغيير
فكيته عند ميكانيكي تركي يقول سير المعدن اللي داخل القير
انكسر و ضرب الرمان في بعض لسبب مجهول
و ركبت من عنده قير ب5000 و طلع مجدد و خرب علي بعد ما طلع من ضمانه
بالاخير بعتها على مهندس الحمراني ب10 الاف و النظيف منها كان يسوى 15 الى حول ال20
و الحمدلله وش اقول ما دريت ان الCVT صيانته متعبة و اسعاره بالتشاليح غالية و ما تلقى قير نظيف
فغلطتي اني ما اخذتها قير عادي
لكن غلطتي الاكبر المفروض من اول ماخذ جيب 
الحين معي باجيرو 15 الله يستر على قيره و مكينته و ماشي معي 70 الف
و كل ما واجهت هواء بالخط و نزلت سرعته
تذكرت الالتيما ما كنت اواجه هالمشكلة السرعة ثابته على أي جو و أي خط

و بس هذي قصتي مع الالتيما ( باختصار )



up 6 down 0
أبو نجوى 2446
قبل 2 سنه و 4 شهر



اشهد انها سيارة خدومة والله يعطيك خيرها ويكفيك شرها
سؤال ياصاحب الموضوع كمبيوتر ser من وين جبته واش اللي فرق معك يوم ركبته


up 1 down 0
x-bariq 174
قبل 2 سنه و 4 شهر



اخيراً حصلت احد يمدح التيما والله كل مااسأل شخص يقولولي ابعد منها مع انو والله عاجبتني 
وانت ماشاء الله كتبت عنها بالتفصيل ومدحت فيها .. جزاك الله خير


up 2 down 0
has90has 252
قبل 2 سنه و 4 شهر



ماشاء الله الله يبارك لك فيها

عندي اختها 2010 قير عادي من ثلاث سنين سياره ممتازه وسواقتها مريحه بالسفر

واستهلاك البنزين ممتاز مثل ماذكرت 


up 1 down 0
abdullah.ags 364
قبل 2 سنه و 4 شهر



حياكم الله جميعا 
سلطام 4040
على حسب الاستخدام المكسيما القير العادي حمار مكده
لاكن بها بعض العيوب المصنعية لاكن بسيطة لاكن محركاتها تمام

ابو خلودي 
صحيح كلامك خصوصا اذا السيارة خالية من العيوب المصنعية

ابو نجوى
مشكلة القير مع 4 سلندر يسخن
وفكرة القير يكون رخيص حتى في التوضيب
لاكن صار عندنا العكس لان ماحد يعرف له 

x-bariq
كمبيوتر السنترا فتح لي rpm الى 7400 تقريبا
كان الرابع يتفتف على 195
بعد الكمبيوتر يتفتف 4 على 225 تقريبا
بس فكيته بعد فتره لان مكينة السنترا تجي هاي كمبرشن 205 احصنة

has90has
والله كل الي جربها خصوصا +2008 قير عادي
عارف انها سيارة صبووورة جدا وقطعها رخيصة مقارنة مع المنافسين

abdullah.ags
ربي يباركلك فيها 
وبصراحة احلى شي استهلاك البنزين فيها 
والتناكي على محركها يعتبر كبير 75 لتر

وحياكم الله جميعا


up 0 down 0
nissane 129
قبل 2 سنه و 4 شهر