تجربتي للالتيما 2010 من 0 الى 250 الف كيلو

30 4

لايمكنك التصويت حتى الحصول على 20 نقطة على الأقل
إضغط هنا للإخفاء

nissane 139
قبل 7 سنه و 11 شهر

السلام عليكم 
اطرح لكم تجربتي للالتيما 2010 4 سلندر 2.5 قير عادي
بدايتا كنت ابي سيارة تخدمني توديني من البيت الى الجامعة المسافة 75 كيلو رايح ومثلها جاي 
طبعا ابي السيارة عزمها حلو وقطعها رخيصة وتخدمني
كنت ابي 2009 قير عادي v6 ومن كلام الى كلام وفي الاخير قالولي مافية 
واخر شي حولت على الاكورد وابي v6 وكانت غالية حول 115
وانا ميزانيتي حول 100 
بعدها حولت على الاكورد 4 سلندر قير عادي سبشل
ويوم استلام البطاقة الجمركية النفس ماتبيها 
وكنسلت الموضوع ورجعت ابي التيما قير عادي واخذتها ولله الحمد
وماحصلت غير السياحي ومواصفاتها لابأس بها 
طبعا الي حولي يقولي ليه اخذتها ليتك اخذت اوريون كامري
وانا مالي نفس فيهم 
المهم اول يوم استلمتها مشى عليها اخوي 220 وقلبي بيوقف دوبها ماشية 75 كيلو
اول صيانة الي هي 1000 وديتها ومن بعدها سيفون
مشت الى 40 الف ويوم جات السيول كنت فيها وغرقت 
وماطفيتها واضرب في صبة مدري ايش لاكن شي قوي 
المهم وصلتها البيت وبعدها اشيك على الزيت الى الامور سليمة
مع الوقت بديت احس في السيارة هزه من تحت 
ووديها اماكن وكل واحد يفتيلي السيارة وصلت حوالي 60
وانا استخدمها مع الوقت الاهتزاز يزيد وينسم القزوز من اثر الهزة
المهم وصلت حول 80 الف ويومها انتهيت اختبارات واوديها الوكالة
وادفع غرامة 1800 ريال عشان تدخل الضمان 
وطلعتها بلا فائدة لان الضربة واضحة تحت وقالولي الضمان مايشملها سوء استخدام
طنشت الموضوع واوديها مغسلة السيارات ولما رجعت واشغل السيارة 
مو راضية تعشق واطفي السيارها واعشقها في الثاني 
و اوصلها البيت 
اليوم الثاني من الظهر جيت بوديها مركز محترم 
اشغل واعشق الى وهي تعشق عادي 
ادعس فيها ولا كنه جاها شي 
المهم اوصل المركز الصيانة قالولي مافيها شي
الهزة لازالت موجوده 
قالولي ارجع العصر في مهندس ان شاء يعرف السبب
سحبت عليه حوالي الاسبوعين ورجعت لهم
ركب الفني ودعس بنزين قالي الحذاف
قلت له مستحيل 
شرحت له سالفة غرق السيارة 
ويطلعها على الرافعة ويلقى صوفة الجربكس من الدقه تاثرت
ودخل شوي مويا في القير وعدملي رمان الحذاف
المهم طلب اني اجيب له حذاف من التشليح 
واجيب له واحد ب 500 واغير صحن ودسك وفحمة قلت مره وحده
واجرب السيارة الى امورها يارب لك الحمد 
واركب لها هدرز m2 
وبعدها بفتره اركب لها كمبيوتر سنترا 2010 ser 
ومستتواها كان ابداع 
اول صيانة سويتها لها على 170 او 180 الف
واغير مقصات ومساعدات وجلد توازن 
وماشي فيها الى اليوم ويارب لك الحمد ماشية معاية 
ومكملة تقريبا معي 6 سنوات ونص وماشية حوالي 250 الف
والحمدلله كلام الناس عن الالتيما وخصوصا القير العادي +2008
انها مشاكل كلام فاضي 
والسيارة خدمة جدا
كثير من اصحابي عندهم كامري سوناتا اكورد
وكثير اشياء غيروها في سيارتهم وانا يالله لك الحمد 
والله يبارك فيها 
وبخصوص عزمها اقوى سيارة في فئتها 4 سلندر 
واي استفسار انا تحت امركم 

إبلاغ

الردود