أضف سؤال أو موضوع جديد          

استفسار بخصوص حادث

up 2 down 1
king.king 833
قبل 4 سنه و 11 شهر



السلام عليكم ورحمة الله ،،، نزلت موضوع قبل ثلاثة ايام بخصوص حادث صار لي والطرف الثاني ما معه تأمين والغلط عليه بنسبة 75% وسحب علي بعد ما تواعدنا نروح المرور ،، طبعا جا نجم واعطاني الكروكي للحادث وراجعت المرور لحالي وسألوني فين الطرف الثاني وقلت لهم ما يبي يجي ،، قالوا لي حاول معاه مرة ثانية وراجعنا يوم الاحد ،، الحادث كان الخميس ..
كنت بحاول أكلمه بس ما يرد على الجوال ،، واليوم سكر الجوال ،، امس راجعت المرور مرة ثانية واعطوني ورقة تقدير من الورش وشيخ المعارض ورحت سويتها ،، ورجعت لهم وحتى هم المرور كلموه من هناك امس مرتين ورفض يرد على الجوال .. واليوم رحت المرور واخذو مني اوراق التقدير وقالوا لي خلاص روح وحنا بناتبع .. والمشكلة ان الصدمة كبيرة وتصليحها يمكن ياخذ مبلغ فوق الاربعة الاف .. وأنا ما معي المبلغ ذا ..
طيب الحين المرور وش بيسوي وهل بياخذ وقت لين يتخذون اي اجراء  ؟؟؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


يتصلو عليه كذا مره اذا مارد  يوقفون خدماته 



up 3 down 0
دبلوكس 22
قبل 4 سنه و 11 شهر



بيجيبون معلومات عنه. 

مثل رقم اللوحه وكذا. 

وبيعممون عليه. ويمسكونه 

ويكلمونك. ان شاء الله ويدفع  حق التكاليف 


up 0 down 1
سبحان الرازق سبحانه 2512
قبل 4 سنه و 11 شهر



حياك
ردد ياليل وبعدين انت جاي من المرور هم وش قالو لك
يمكن مرت علا احد هنا سالفتك ننتظر


up 0 down 0
باترول 2020 2624
قبل 4 سنه و 11 شهر



المرور قالو لي روح وحنا بنتابع الموضوع بس ما اعطوني مواعيد محددة كنت عاوز اعرف اذا في احد مرت عليه نفس السالفة هل اخذت وقت ؟؟


up 0 down 1
king.king 833
قبل 4 سنه و 11 شهر



نصيحه طفشهم روح كل يوم الين ياخذوا موضوعك بجدية عندهم اموراهم واكبر من موضوعك دا فيركنوك على جنب الين يشوفوك مزعج على حقك يجيبوه لعندك 
اصلا لو يبوا من رقم الجوال يطلعوا كل شي عنه ويجيبوه  من اول لفه بس زي ما قلتلك يفكروا بمواضيع اهم من موضوعك >> اسال مجرب


up 1 down 1
عميد عبدالله أسعد 292
قبل 4 سنه و 11 شهر



يارجال كل شي موثق عند الحكومه ماعليك يجيبونه من فاتورة او رقم لوحه او اتصال
والله يفرج همك اهم شي انتبه لسيارتك لاتتشلح


up 1 down 0
ابو فيصل_حرااج 90
قبل 4 سنه و 11 شهر



شوف يا استاذ كينق ... انا انصحك وانصح نفسي بتسهيل الامور والواحد يكون سمح والسماحه من شيم الرجال والدين قبل المرجله وصانا انا نكون كالجسد الواحد ونتعاون عل البر والتقوى
وفي مثل هذي المواضيع الواحد يحاول يتسامح بالي يقدر عليه لوجه الله انا ما اقول اترك حقك لا
انا اقول الواحد يحاول يتكلم مع الطرف الثاني ماتدري عن ظروف الناس واذا كان وضعك المادي زين غيرك ماتدري وش وضعه (من ترك شي لله عوضه الله خيرا منه)

طبعا الكلام هذا مو موجه لك ياصاحب الموضوع الكلام هذا موجه للجميع من باب (ذكر فان الذكرى تنفع المؤمنين)


up 1 down 0
sel560sel 89
قبل 4 سنه و 10 شهر



كلام طيب من وجه اطيب ،، بس ترا الرجال لو تفاهم معي أنا مو عندي مشكلة بس هو للحين ساحب علي ولا يرد على المكالمات المرور حيسون له ايقاف خدمات والنوعية ذي لازم تتأدب ،، على الاقل المفروض يتفاهم معي ولو عليه اي ظرف يعلمني 


up 0 down 0
king.king 833
قبل 4 سنه و 10 شهر