أضف سؤال أو موضوع جديد          

نيسان اكستيرا

up 8 down 4
حسي لسي 124
قبل 5 سنه و 6 شهر



السلام عليكم .يجعل والديكم بالجنه من يخبرلي ورشه ممتازه بالرياض يشتغل با الاكستيرا جيب نيسان كهرباء الموتر واقف ولا يتحرك نهائيا لا يدفع سلف ولا نور ولا بوري ولا يقفل الأبواب ميت بالكهرباء  فجأه طفاء  الموتر مافيه حياه كهرب علما غيرت البطاريه ولا حياه لمن تنادي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


أخوى حصل معى قبل على سيارتى نفس الشىء
وطلعت المشكله من الظفر تبع كابل البطاريه 
بس نظفته من الملح و كبسته بالزراديه ومشى الحال..
جرب قبل لا تتورط مع نصابين الصناعيه
وبإذن الله يفيدونك الشباب


up 0 down 0
abu-salma 305
قبل 5 سنه و 6 شهر



جعل والديك بالجنه ع ردك


up 2 down 0
حسي لسي 124
قبل 5 سنه و 6 شهر



قد صارت معي في سيارتين سابق

وكان المشكلة غبيه جدا 
اسلاك البطارية تابعها 
لقيت واحد منقطع بعد تقريبا ٣٠ سم من البطارية 

ما قهرني الا الجيب اللي جالس اسحبه من نص النفود ومشواير وتعطيل 
واخر شي السلك 
لدرجة انه ما فيه احد ما شافه ولا طلع السلك 
واول ما وديته الكهربائي 
قالي ٢٠ ريال حسابك 
من الفرحة عطيته زياده


up 1 down 0
ابو فرح مازدا 538
قبل 5 سنه و 6 شهر



شوف اصبع البطاريه الموجب يجي فيه فيوز بسيارات نيسان الجديده

يمكن تعطل


up 3 down 0
abdullah.ags 395
قبل 5 سنه و 6 شهر



^الي فوقي 
انا انبسطت معاك ياشيخ ههههههههههههههه
بس شيك مثل ما قالو لك الاعضاء بلاش تروح مشوار ويطلع سبب بسيط 


up 1 down 0
abdulaziz lq 27
قبل 5 سنه و 6 شهر



صارت معاي نفس قصتك بالتريوس و الحل برغي اللي يشد كبل البطارية كان مرتخي نظفته و شديته كويس و انحلت المشكلة ...


up 1 down 0
احمد 206 441
قبل 5 سنه و 6 شهر



جزاكم الله خير ويرحم والديكم ع الردود أن دل يدل ع سمو أخلاقهم. كلام عبدلله صحيح صار من فيوز اصبع البطاريه فكرتها الصبح وشريتهاا بالوكاله 120 وركبتها انا بنفسي وحسبي ع الفنيين يقولون كمبيوتر .الحمد السياره تمام


up 2 down 0
حسي لسي 124
قبل 5 سنه و 6 شهر



القهوه قولو تم ولا العشا


up 1 down 1
حسي لسي 124
قبل 5 سنه و 6 شهر



الحمد لله وشي مفرح بصراحه يوم نتعاون بالمنتدى على الخير وناخذ خبرات بعض 


والله يوفق الجميع. 


up 1 down 0
abdullah.ags 395
قبل 5 سنه و 6 شهر