أضف سؤال أو موضوع جديد          

صوت في المكسيما

up 1 down 1
عبود الجنوب 99
قبل 5 سنه و 9 شهر



السلام عليكم ورحمة الله وبركاته ...
عندي المكسيما اذا شغلتها وهي بارده مره يعني واقفه اسبوع او 3 ايام 

يطلع مع التشغيله صوت خشرفه يجلس ثانيتين ويروح اذا يوم واحد طبيعي مايجي صوت مثلا اوقفها الحين واشغلها بكره الصباح مايطلع صوت  طبعا كنت استخدم زيت شل هيليكس10.30
والحين غيرت على اسي ديلكو 5.30
قبل 8 شهور غيرت شدادات وجنازير والتكايات حقتها 
الصوت توه جاء ممكن له شهر كذا ....
وبالنسبه لزيت الي اغيره كويس او اغير نوع ثاني ..الي عليه الحين اسي ديلكو5.30 
موديل /2005

عندي مقطعين فديو للمشكله بس ماعرفت كيف انزلها الي يعرف او له خبره يعلمني 
وجزاكم الله خير ....







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


بس الصوت مضايقني ابغى احل موضوعه


up 0 down 0
عبود الجنوب 99
قبل 5 سنه و 9 شهر



كان عندي ذا الصوت في الصني اذا بس وقفتها ساعة وشغلتها
يطلع صوت خرفشة احيانا يكون الصوت قوي
جربت لزوجة 20-40 نفس الصوت قلت خلني ارجع ل 
20-50 والسيارة قديمة وتنقص نص علبة على 2000 كيلو
واستمر معي الي ان بعت السيارة


up 0 down 0
أبووووعلي 609
قبل 5 سنه و 9 شهر



الحل بسيط لاتخلي الموتر اسبوع ما تشغله كل يومين دق سلفه كانه اغلب وقته واقف اولاً انك تحرك زيوتها وتضمن مايجيك تهريب


يخوي انا سافرت عن موتري 8 ايام بس وهو 2009 وغلطتي ماخليت احد يشغله جيت صوتها كنه دباب والسبب الزيت متخثر خلاص في الكرتير ويتأخر نسبياً في الطلوع اول ماتشغل وحتى اول مامشيت تغييرت القير مهيب مثل ماهي طلعت مشوار ورجعت صارت طبيعية


ف هذا طبيعي ليش يضايقك الصوت يعني تروح تفك وتعفس في المكينة عشان خرفشه تطلع دام الموتر يمشي ماعليه الا العافية وخلاص اعرفها انت كل يومين شغلها كانك ماتداوم عاطل وصلى الله وبارك


up 1 down 1
a.ibrahem 3169
قبل 5 سنه و 9 شهر



يمكن الكارتير عندك يبغاله تنظيف الافضل تروح لمكنيكي
يشيك عليها وان شاء الله التنظيف يحل المشكلة اذا مانفع
مالك الا تغير طرمبة الزيت


up 0 down 2
أبووووعلي 609
قبل 5 سنه و 9 شهر



شيك علي طرمبه الزيت..شغل السيارة وفك غطاء الزيت راح ترجف المكينة طبيعي بسبب ضغط الهواء..لاكن لاحظ هل في تنثر زيت يعني مثل الطرطشه او انك تروح لورشه وينظفلك طرمبه الزيت بالبنزين او يفحصها


up 0 down 0
blackmatel 57
قبل 5 سنه و 9 شهر



هاذي طرمبة الزيت فيها ضعف الافضل تغيرها


up 0 down 1
saif2257 121
قبل 5 سنه و 9 شهر



الزيوت الخفيفه مثل 10.30 او 5.30 اول ماتغير الزيت يكون ممتاز لكن بعد فترة بسيطة يحترق وتطلع هذي الاصوات خصوصا في الصباح لان الزيت خفيف وفقد جزء من لزوجتة . لكن اذا الصوت مايتعدى 3 ثواني ان شاء الله مافية أي مشكلة على المحرك


up 0 down 0
المكس 6
قبل 5 سنه و 8 شهر