أسعار التأمين - الرياض

و عليكم السلام و رحمة الله وبركاته
الله يكفينا شر الغلاء و الوباء و الفتن ما ظهر منها و ما بطن

يعطيك العافيه مشكور و الله يعين سكان المدن الكبيرة
بس اللي اذكره ان التأمين يزيد على حجم المركبة مهو على نوعها او أي صناعة
واضح الزيادة على الكيف ما لها أسباب مقنعة
المرور يصرح انخفضت نسبة الحوادث و شركات التأمين زادت اﻻسعار بسبب كثر الحوادث و الخسائر
و احنا ضعنا بينهم الله يعين الحال ما تسر

للأسف أخي الكريم الأمر مزاجي بحت 
السيارات الكبيرة الجموس و الجيوب أرخص من السيدان 

التأمين في القصيم للمتحدة 1150

السبب كان ماكانت السيارة مستخدمة اكثر من فئة الشباب كان التأمين اغلى اذكر يوم أأمن سيارتي الفئات الصغيرة مثل الاكسنت هي الاغلى سعرا

يا جماعه والله الموضوع انقلب مهزله واستهزاء بالشعب السعودي 
ابفهم الي متي الشعب السعودي ساكت عن شركات التامين الحكومة 
ساكته لان الشعب ساكت والله العظيم حرام اقسم بالله كل ما ابي اشتري
سياره سعوديه أتذكر التامين اقول بلاها الدوخه والتأمين غالي خلني اقعد 
علي سيارتي الكويتيه ابرك وأحسن من السياره السعوديه وش هالنصب والاحتيال 
تشتري سياره وراعيها السابق مأمنها ومجدده ولما تجي تشتري وتنقل يقولك تعال ادفع 
تأمين ما يقل عن ١٢٠٠ ريال سلامات وش هالسرق هذا ليه راعيها يدفع تأمين وانا أدافع 
تأمين جديد والله حتي شرعا حرام جميع الدول الخليجيه ان شريت سياره مامنه ينتقل التامين 
من اسم البائع الي اسم الشاري اللهم يدفع رسوم إصدار وثيقة التامين باسم الشاري مبلغ ٥٠ ريال 
انا توي مأمن سيارتي كويتيه بالكويت ب١٩ دينار يعني ما يعادل ٢٥٠ ريال لمدة سنه التامين واذا ابغي
أبيع سيارتي الشاري يدفع قيمة نقل التامين باسمه وإصدار الوثيقة باسمه ب٥٠ ريال وما يحتاج يامن ثاني
مره والكويت تأمينها واحد ما له خص وش نوع ماركة السياره كأمري هوندا او النترا اللهم فيه اختلاف في نوع 
السياره من الصغيره الي الجيب 
يعني الصالون النترا كأمري ماكسيما صني هوندا كلها ب١٩ دينار ما يقارب ٢٥٠ ريال
الجيب سفاري لاندكروزر سوبربان ما يقارب ٢٣ دينار يعادل ٢٧٠ ريال 
يعني والله حرام التامين بالسعوديه سرق بسرق وغير نجم يجيك يقولك انت والخصم اخوياي وأنتم متعمدين الصدمه 
سلامات يا أبوي يا شارلك هولمز يا مفتش كونان .
ما نقول الا الله يعين ويعينا علي جشع التجار وشركات التامين وعساهم بالنازل والخساير

الشركات التامين كل ماكان حجم سياره كبير كل ما أقل سعر يبون الناس تشتري السيارات كبير علشان تامين أرخص
ويكون من 6 سلندر و8 سلندر تشرب بنزين

اذكر كان في تعليق مضحك على أسباب ارتفاع أسعار التأمين المزعومة وهو كالتالي :

المرور يقول : الحوادث بعد نظام ساهر انخفضت .

والتأمين يقول : رفعنا الأسعار بسبب زيادة الحوادث .

ننتظر مكافحة المخدرات وش تقول ؟؟؟؟؟؟ 

الحين ليش الاسعار ماهي ثابته بكل ديره يفرق السعر والله مثل ما قالوا الشباب الشغله على الكيف 

الرياض قد تزيد قيمة التأمين إلى 200 ريال عن باقي المدن وحجتهم أكثر الحوادث في مدينة الرياض

فيه سياره باعها صاحبها وعليها تامين المشتري امن على السياره ولما باعها بعد فتره بسيطه امن عليها الثالث يعني عليها ٣ تامينات 
وهذا الحال ماتشتري الا وانت مأمن لو كان عليها عشرين تأمين 

انا ضد ارتفاع اسعار التأمين لكن يبقى التأمين ضروري جدا يعني لاسمح الله إذا ماعندك تأمين  وصدمت واحد معاه سيارة جديدة أو غالية عندك خيارين التوقيف أو تدفع قيمة التصليح مع قطع الغيار وكالة للسيارات الجديدة
يعني بابين ياريس 2015 مع شغل اليد 5000 ريال تسعيرة قطع وشغل يد من شيخ الورش فما بالك بالسيارات الأخرى 

في الأخير التأمين يحميك بعد الله من المشاكل وخصوصا إذا كنت موظف على قد حالك 

الحمدلله قررت اتخذ قرار جوهري 

هههههه

وطلعت موتري تاجير قبل 
5 شهور محسوب التامين شامل خمس سنوات ب 8 الاف 
والفوائد 8 الاف 

وبدون دفعه اولى واحتفظت بااكاش 

افضل من هالمهزله 

حسبنا الله ونعم الوكيل...
اذا ما أمنا انكبنا
واذا أمنا شحطونا بالسعر

الله يأمنا من جميع الشرور

كم سعر التأمين للجيبوب والجموس ؟

انا كنت نظامي بس بسبب التأمين بطلت تجديد..مو معقولة يساوون بيني وبين المتهورين وانا ما اتعدى ٨. ومن زمان ماسويت حادق