حبايبي وين احصل ارخص قزاز امامي لـ ألتيما نيسان 2010؟

تبي نصيحتي رح لمكان في مجموعة قزازين-مركبي زجاج سيارات- وسعر واهم شيء تطلب غاطين لان الزجاج المامي لازم يكون غاطين- لحماية ركاب المقاعد المامية من تطاير الزجاج وفيهمحلات مشهورة في الصناعية القديمة بعد نزولك من كوبري الخرج متجه شمال وفيه غيرهم مقابل سوق الحمام وانت في بداية طريق الحاير جنوب انا ركبت عندهم زجاج امامي ماكسيما وكالة مستعمل ب 150 فقط

الأمامي ------ الأمامية للتصحيح

الله يعطيك العافية يابو ياسر ويسعدك ويوفقك
بس وش معنى "غاطين" ما فهمتها
قصدك طبقتين؟

واذا قصدك صحيح طبقتين
كيف اعرف انه طبقتين او لا

وبالنسبة لبرمجة المفاتيح او وباب السيارة البصمة
وين افضل محل رخيص يضبطها لي

اذا القزاز الامامي لاتدور الرخيص 
دور الاصلي وركبة  التجاري ماينفع لو قدر الله 
وصار شي القزاز يدخل عليك  

لا تركب رخيص ولا تقرب له لانه بسهوله ينكسر وإذا قدر الله انه ينكسر 
راح ينتشر داخل الكبينه وهذا خطر كبير على الركاب 
اخوي هذا واحد من اهم أسباب الوفاه حفظا الله ويأكم قديما اول ايام 
صنع السيارات وتم حل المشلكه عن طريق الشركات 

نعم الزجاج الأمامي يكون غاطين اي طبقتين بينهما مادة شمعية تمنع تبدد الزجاج عند حصول حادث الله يحمنا وإخواننا المسلمين بينما الزجاج الخلفي وزجاج الابواب يكون طبقة واحدة

ركب قزاز وكاله نصيحه .. 

القزاز الرخيص لو قالوا لك ابويمن انه كويس 
تصدم لا قدر الله .. او تصدم حمامه .. ينفت مثل الطحين ويدخل بعينك وخشمك وافمك وبجلدك والله ماتسوى ال 80 ريال زود عالوكاله 

يأخوان الزجاج بجميع انواعه صار اجباري طبقة مطاطيه ويجي طبقتين وبينهم الطبقه المطاطية سواء اخذت الاصلي او التجاري الفرق بسيط احيانا يكون التموج في التجاري ملحوظ وانت خارج السياره تشوفه واحيانا ماتلاحظ وسلامتكم

اخوي ركب صيني او وطني وماعليك من الكلام الكثير مافيه فرق بينه وبين الاصلي ممكن في وضوح الرؤية فقط انا مسوي حادث والقزاز الامامي صيني صح انه تهشم لكن بقى قطعة واحدة ماتفتت ولا دخل الغمارة زي مايقولون ^^^
الاسعار اللي لقيتها اشوف انها مناسبة انا كنت مركب اقل نوع  ب٢٠٠ ريال والوكالة ب ١٢٠٠ ريال 

ركب زجاج تكنو قلاس ممتاز جدا جدا ما يفرق عن الوكاله 

انا مجربه تجربه شخصيه 

على ايدج سبورت ٢٠١٤

سوي تظليل شفاف من الداخل لمنع تطاير القزاز