أضف سؤال أو موضوع جديد          

إستفسـار ياشباب الله يسعدكم ....

up 4 down 6
l-kaled-l 14
قبل 5 سنه و 7 شهر



السـلام عليكم روحمةالله وبركاته< 
اخوكم بالله طلع له ددسن 2015 اصفار 
وعندي سؤال بسيط 
هل يتغير الزيت ع 1000 كيلو مع الفلتراول مره .. وش افضل زيت لددسن دورتها با الكتيب ماحصلتها 
وقريبا ان شاء الله نفيدكم بتقرير عن السياره وشكرا لكم ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام 
مبروك السيارة والله يعطيك خيرها ويكفيك شرها 
تغير الزيت كل 5 الاف يفضل مع الفلتر اما نوع الزيت عندك كاسترول وعندك بترومين بس شوف في الكتيب اللزوجة الزيت 
وانا معي هايلكس اغير بترومين 30w10 لون العلبة ابيض سعره 17 كويس اللزوجة اخذتها عن طريق الكتيب السيارة 
بتوفيق ان شاء الله


up 2 down 1
عبدالله 1020 461
قبل 5 سنه و 7 شهر



اقصد اول مره وشكرلك على معلوماتك بارك الله فيك..


up 1 down 0
l-kaled-l 14
قبل 5 سنه و 7 شهر



حبيبي افضل شيء اللي مكتوب بنفس العيار حق الزيت

لا جيت تفتح الغطاء راح تشوف مكتوب فيه الرقم الموصى فيه من الوكاله

واعتقد انه 20 في 5 او 30 في 5

لكن ما يضر لو تحط له 10 في 30 وهي الشائع بالمملكه وينفع لكل السيارات لانها متوسط

دخله في مراكز بترومين , سارت فروعها منتشره , ويفضل كل يوم سبت عشان يكون الفلتر مجانا

طبعا راح يكلفك 106 ريال مع الفلتر مجاني , وغالبا الفلتر المجاني يكون السبت

ويسون لك ملف عندهم ويحطون لك لزقه بالممشى الحالي ومتى موعد التغير وشغلهم تحسه نظيف وسعرهم معقول






up 2 down 1
ابوخالد1397 2892
قبل 5 سنه و 7 شهر



ابوخالد ١٣٩٧ ترى سيفون بترومين تجاري 

وشف بقولك اياها انا معامل بترومين سنتين عشان ضمان السوناتا يوم اطلعها من صالة امريكية 

والله العظيم لو تشوف لك بنشري شغله نظيف وتعرفه انه احسن وآمن منهم بعد لايهمونك ذولي يدورون الدراهم وعشان مكانهم بلاط وغرفة راحة يحسون العالم انهم داخلين وكالة وانهم خايفين على موترك والله مايدرون وين الله حاطهم 

انا بغوا يلعبون في السوناتا حقتي والسبه سيفونهم المضروب وما ربطه زين نقص علبه موتري وتغير صوته ، واخرتها رحت وتسلبتهم وغير لي زيت جديد مع سيفون ، غير السوالف الثانية اللي صارت 

عموماً ياصاحب الددسن انت منتاب مسوي صيانات في الوكالة ؟؟ ابد 


up 2 down 0
a.ibrahem 3169
قبل 5 سنه و 7 شهر



انا اكثر انسان عانا من الددسن والزيوت 


ما للددسن الا زيت نيسان 20w50 الددسن موتر شيل وحط .. وموتر نفود 
5w30 للمكاين المرتاحه سيارات صغيره او سيارات مايجيها جور .. 
او الجوور عللى زيت 5w30 حرام بالله ماتكمل معك 3 شهور الا تدخن ابيض


up 1 down 0
سبحان الله العظيمم1 52
قبل 5 سنه و 7 شهر



اخوي اعتقد ان صيانة الـ1000 كيلو بجميع الوكالات مجانية 
فالافضل تمرهم اول وبعدين تابع مع اي مركز ترتاح له

موفق ان شاء الله


up 0 down 0
محتاار 27
قبل 5 سنه و 7 شهر



موتركرافت 10/30 او بترومين 10 /30 اقل من هاللزوجه ما انصحك


up 0 down 0
بريق الرياض 258
قبل 5 سنه و 7 شهر



انا معي ددسن وافضل زيت والموصى من الوكاله ولو تركز 
في الدفتر عندك مكتوب (( يفضل لزوجة 5w30 )) وفي الجدول
5w30 ثم 10w30 

وابتعد عن الزيوت المكرر واللي تصنيفها قديم SL 
مثل بترومين 10w30 وكاسترول وغيرها ....
(( نصيحه من اخ صادق ابتعد من الزيوت الثقيله 20w50
وانحش منها )) 
وشف عندك الزيوت التخليقيه بالكامل والزيوت النصف تخليقيه 
واللي تصنيفها اخر تصنيف SN وخذها من قطع الغيار او محلات
بيع الزيوت بالجمله بتطلع عليك ارخص واوفر والسيفون لاتاخذه 
الا من الوكاله او محل معتمد فقط 

وللاستفاده اكثر اضغط على اسمي وبتلقى موضوع 
شامل عن الزيوت وبالارقام وبتعرف ان الزيوت الثقيله ماتساوي 
الزيوت الخفيفه في التحمل والانتشار وغيرها ...

والله يعطيكم خير الموتر ويكفيك شره 
والله يوفقكم ويسعدكم 


up 2 down 0
عبدالله 711 791
قبل 5 سنه و 7 شهر