نيسان GTR او كورفيت مستعملة؟

انتظر العضو توماهوك يجيبك 
لانه مجرب هالسيارات وقد امتلكها مستعمله  وله خبرته فيها 

السيارات الي مثل هذي تتحمل الكرف طبعا من ناحية المكينة والقير لانهم يكونو رياضيين 
بس خذ في بالك قطعها حتكون ناااار 
الجي تي ار شوي قديمة لو تشوف موديل احدث 
الكورفيت في فئات كثيرة 
والله يوفقك 

اعرف واحد كان عندهم gtr يقول صيانتها غاليه تقريبا تكلف 13-15 الف ريال . الكورفيت عن تجربة عملي وشكله جديد ومايطلب كثير اذكر فحمات امامي حدود 1800 او خذ موستنج لان الفورد معروف قطع غياره رخيصه وعملي اكثر منهم كلهم والاهم من هذا كله انتبه وانا اخوك من السرعة كم واحد راح والسبب يبي يشوف موتره كم يجيب وربنا يوفقك 

يامرحبا
مشكلت الشباب يشتري سيارة مستعملة ويكشخ فيها
عند خوياه بس تتعطل يبتلش فيها اخر شي تحصله 
باالصناعية تجلس باالشهور ماهو قادر يصلحها
ابتعد عن هاالسيارات 
دور علا سيارة شبابيه قطعها متوفرة 
وباالتوفيق

اللي نصحك نصيحتة في محلها لكن احيانا حب السيارات يخليك تشتريها,, 

سيارة زي هذي صعبة تصدق انها من وكالتها ما تقاوم او فحط فيها او غيرة وصعبة عليك انت تشتري سيارة ما تقدر على صيانتها,, 

الافضل زي ما قالوا لك الاخوان تشتري زد 370 او كومارو او موستنق وكالة ع الاقل تضمن ع يدك و تعيش معك 

ولاتنسى مد رجلك ع قد اللحاف و حاول بفلوسك تاخذ افضل الموجود 

انا معي حاليا شلبي ٢٠١٣

سياره استعمال يومي وقطعها رخيصه واعطيك امثله 

زيت كل ٥ الاف مع الفلتر في الوكاله ٧٠٠ وبرا ٣٣٥ ريال

اقمشه بريمبو وكاله ١٤٠٠ واذا تجيبها من امريكا ٨٠٠

بواجي ٦٨٠ ريال خارج الوكاله


عيوبها الكراسي الخلفيه ضيقه ومفي هيد اب دسبلاي

انصحك بالموستنج موتر صراحه وخاصه 8 سلندر 5.0 لتر 

الكورفيت الجديد افضل
ودور واتعب تلقى ممشى ممتاز وسعر بطل 

شوف يالغالي
الجي تي أر سيارات تبع ويكند يعني تدمرها لو تخرج فيها كل يوم دوام ومشاوير ظهر وليل وكذا 
بالنسبة للكورفيت اعتمادي اكثر لكن مع الحفر والمطبات يتدمر بسبب انه للكورفيت واطي بينه وبين الارض شبر 
والكورفيت اذا ما تاخذه نظيف راح يكرهك شي اسمه سيارات اسبورت خاصة الكهرباء حق الكورفيت معقدة جدا وفيها 4 اجهزة كمبيوتر لتشغيل السيارة لو خرب واحد فيها الله يعينك 
الزد حلو لكن راح تطفش منه بسبب انه ضيق 
عندي لك سوبرا معدلة من الألف للياء متعوب عليها تبع اخوي عارضها للبيع 
سوبرا 96 امريكيه 6 سبيد للبيع معدله بالكامل
الهد بورت بوليش
 كامات براين كراور 280 
سست براين كراور
 بلوف فيريرا تكايات كستم 
بكرات تايتن
مسامير هيد تايتن 
ثلاجه جريدي كوبي 
ثروتل انفنتي
بخاخات سيمنس 2300cc
فيول ريل تايتن 
ميثانول كت aem مع ابرتين
البلوك بساتم سي بي 86.5
 اذرعة كاريلو اتش بيم
 طرمبة زيت تايتن 
الكرنك عليه بلنس 
مسامير arp الكرنك 
سبايك ثابته ومتحركه acl
كلتش rps كاربون كاربون تريبل 
بلوفالف برسشن اكبر مقاس 
تيربو جاريت gt42
وزقيت جريدي مع اقزوز منافولت
انتر كولر جريدي 4 انش
داون بايب 5 انش 
اقزوز كستم ميد 4 انش ستانلس ستيل مع كنداسه
كمبيوتر aemانفنتي كامل مع الضفيره والسنسرات 
عدادات ديفي مع الكنترولر بوست واويل برشر وفيول برشر 
جنوط ويلد مع سيمي سلك 
مقاعد برايد كاربون 
شمعات واصطبات 98 
السياره اغلب القطع الي عليها جديده المكينه موضبه ولسا مادقت سلف 
الضفيره بحاجه للتعديل لتشغيل السياره 
المبلغ المطلوب 160 الف 
للتواصل 00966566613174 سلطان

خذ لك فره على مجموعة srt سواء من كليرسر او دودج

من اكبر الاخطاء تاخذ مثل هالسيارات مستعمله لان اغلب الي بايعينها طلعو الي براسهم ولعنو سابع خيرها وعرضوها لك
طبعا الاشياء الي سووها وضرو فيها الموتر راح تعاني منها بعدين انصحك بالوكاله خذلك تشالنجر srtولا موستنق اطنخ فيها
جديده على يدك وقطعها ارخص من الكورفت واكيد الجي تي ار ومتوفره ع الاقل وموفق واهم شي الاستخاره

يعتمد عالشخص الي بتشتري منه, هل هوا محافظ او معدل.
فيه شباب يحبون عالسيارات بتعديلات جدا خفيفة, فدور الشخص الصح المحافظ على سيارته.