ايهما افضل واقل تكلفة مسح الراس او تغيير مكينة

هذي المشكله اذا طحت بواحد نصاب ما يخاف الله 
راس المكينة شي والمكينة شي ثاني وش دخل مسح الراس بكون المكينة المنيوم !!!
ممكن يكون الخلل من الراس يا تمسحه يا تغيره 
وممكن يكون الخلل من بلوك المكينه وقتها لو تجيب راس جديد ما بتفرق معاك
فقول للحمار هذا يعلمكم وين مكان المشكله اذا انه فاهم من الراس ولا من  المكينة
مو يقعد يجرب على ظهر خويك على عماها يا تصيب يا تخيب  

انا اشوف انك تمسح الراس انا قبل ممكن سته شهور..
عندي مكسيما 2005 سخنت بسبب البلف الي تحت الثلاجه خرب 
رحت لمكانيكي اعرفه من زمان سوداني في صناعه ابها متخصص في النيسان...قال بشتغلها لك 
لكن تجيب القطع وكاله ....
جبت له طقم وجيه وبواجي وطرمبة مويه ورديتر وكاله وزيت خفيف وسيفون وفلتر هواء وغراء موتسبيشي وجنازير وتكايت له  طبعا فكيت كل البلوف 
مسحت الراس في مخارط ال مدهش ...
شغل يد 1500
مخرطه 800
قطع 2200 من الحمراني حق ابها 
بعد ماطلعت السياره مشيتها 50 الف ولا واجهني اي مشكله كل المشي خطوط سفر 
امشي على الزيت 10الاف شل 5 30 ولا تنقص شي الحمد لله ومويه الديتر حقت مرسيدس ولا نقصت الين الحين لا القربه ولا الرديتر السياره ماشيه الحين 255الف 
اهم شي انك تروح عند واحد امين وتجييب القطع وكاله 
اذا انت في ابها بعطيك رقمه ...
وسلامتك 

وبرضه رحت لفحص امان في ابها افحصها نسبه المكينه 96 وسالت العامل قلت المكينه انفكت قال لا وكاله 
شغل الرجال هذا شغل واحد امين ويشتغل وهوه مروق جلست اسبوعين 

حتى الفحص مايكشف انفكت المكينه او لا لني من يوم جيتها له قلت مابي يبين انها انفكت قال اسويها ورح الوكاله يشوفون اذا انفكت او لا 

دام أنها طفت من الحرارة عليها العوض غير مكينه لانه الشنبر يمسك مع الحرارة

انا راح علي راس المكينة كامري 2005..بسبب ترسبات بالاديتر...المهم غيرته فقط مع اظن بلوف او شي زي كذا..ب 3000 مع شغل اليد والمخرطه وكل شي....والان 3 سنوات ..ماشاء الله الامور تمام..وامس اخطوط اسبوعيا

حسب حالة المكينة , اذا تأثرت باقي أجزاء المكينة فمايصلح مسح الراس . و بعض المكاين مشهورة انه اذا راح الراس الأفضل تغيرها, و بعضها تستحمل و تغير الراس او تمسحه. و الميكانيكي ما بيعرف الا اذا فك الراس و شيك الجزء السفلي من المكينة. 

وانا مع الاخوان لازم تفك المكينه تشوف الضرر الراس لحاله
ولا وصلت المكينه
وبعدها تقرر الراس امره بسيط جدا 

اخوي عبود الجنوب 
وين موقع السوداني ؟ واسم المحل او الوصف ؟
واذا عندك رقمه يكون ممتاز ؟

والله يوفقك

 اسمه عمر ..ابو معاذ رجال كبيرر في السن 

صناعيه ابها ..صناعيه الحويزي الجديده 
الي يشتغل في الورشه هوه وباكستناني معه اسمه عصمت 
0508481038

لاهنت اخي عبود الجنوب وجمل الله حالك 
والله يوفقك

ابغى اعطيك لايك يطلع لي
لايمكن تكرار تقييم عضو معين !!

السلام عليكم ياخوان عندي التيما 2008 سته سلندر الحراره ترتفع وتنزل واكثر شي مع الدعس وغيرت اجهزت التبريد كله رديتر بلوف حراره وطرمبه غطا رديتر كل شي وقالو لي الراس ضارب مع العلم المكينه مافيها خلط وعزمه قوي جدا ابي اعرف كم يكلف شغل راس المكينه كامل من قطع وشغل يد الا اخرره وشكرا

السلام عليكم ياخواني اسف على الازعاج 
كم سعر راس المكينه دتسن 2005 م بخاخ 
افيدوني الله يجزاكم خير والله لايحرمكم الأجر