بترومين وكيل اخر لنيسان باللمملكه

السلام عليكم
طيب لماذا اقفوا استيراد الباترول ال ٤٠٠

تحياتي

نيسان قاعدة تتخبط من وكيل لوكيل 
مالقيت من يحتضنها ويربيها لحد ماتكبر ويصير لها هيبه 

اجل بترومين وكيل سيارات؟  

بترومين مجرد بنشر مثله مثل اي بنشري شلون يمسك وكالة سيارات 
اذا وكيلين متخصيين فالسيارات ماقدرو يزبطون نيسان وفشلو فيها 

تبي بنشري يزبطها

نيسان ماهو الوكيل المشكله مشكلتهم 
بسياراتهم عندك الددسن تم تدميرها ميكانيكيآ 
عندك الالتيما والمكسيما كذالك سنه سنتين وهي منتهيه
افضل شي عندهم الفتك وعليه خطر 
لاحد يقول الوكيل 
وين ايام الوريل اللي تكرفها كرف والددسن بعد 
بيجي واحد بيقول السيارات تطورت نعم تطورت
شف تايوتا هونداي كيا هي اللي ماسكة السوق 
تطور عالي نيسان تطور نازل

بترومين وكيل معتمد في الصيانة وليس البيع زي الهونداي معتمدة بترومين وبعض الشركات الثانية وكلها في الصيانة

دايما العامل المشترك في وكلاء نيسان هو السرقه 

بترومين اولها كان شغلهم نظيف ومضرب مثل والحين كل انواع اللف والدوران والغش و شغل اي كلام 

وباين انها نيسان تغامر بالوقت ويا الله كم سنه لحتى تفهم بترومين ايش يعني تكون وكيل سيارات

بعد تنقل شركة نيسان اليابانية بين عدة شركات...... أخشى ان تكون بترومين ( المسمار الاخير في نعش جحى)...... واخشى ماخشاه سقوط الاثنين معاً .....

بترومين وكيل صيانة فقط والعيسى هو الي يبيع السيارات 
يعني عندك صيانة تروح لبترومين 
بس ابغا اعرف لو ابغا اصلح صدمة يصلحوها بترومين ؟؟ 

السلام عليكم 

هذا الشي اللي مو فاهمة ليش النيسان هي شركة السيارات الوحيدة في المملكة اللي تنقلت من وكالة لوكالة. 

سيارتي نيسان باثفايندر 2003 وأول ما طلعناه وكالة و كان وقتها الجبر في الشرقية مبيعات و صيانة والحمراني باقي المناطق .  في عام 2010 الجبر تخلى عن وكالة نيسان و مسك وكالة 

كيا و الحمراني فتح معارض و مراكز صيانة بالشرقية الى عام 2013 .  سيارتي مر عليها أكثر من وكيل الجبر و الحمراني والعيسى و هالحين بترومين. 

العيسى مجرب صيانته و خدماته بصراحة دون المستوى والله ابو جميل اللي عامة الشعب تذمه و الله من أحسن الصيانات و كذلك المجدوعي هيونداي و الكيا الجبر. 

العيسى حرام ثم حرام أخذ وكالة نيسان  ياليت لو خللوا الحمراني كان واجد أبرك .  صحيح في ناس ما كانت تحبه بس والله كنت اشوفه أحسن بكثير من العيسى هو و الجبر. 

الجبر و الحمراني أحسن في وكالة نيسان من العيسى. 

عذرا على الإطالة. 

السبب الرئسي من نيسان الام الجابان

تلقا تعاملهم مع الوكيل جاف وبمربح بسيط والبروسس والانظمه حقتهم معقده مثل المتحده

فعشان كذا كل وكيل يمسكها يجلس فتره ثم يهرب منهم لان التعامل مع الشركه الام متعب

والدليل انهم مالقو الا بترومين يتعاقدون معهم  هذا يدل على تخبط الشركه 

بترومين هو نفسه الحمراني الي كان وكيل