الى أصحاب الأرمادا .. شوية أسئلة الله يعافيكم

نصيحة لله.  اذا بتاخذ نيسان لا تاخذ غير الددسن او الباترول 

وباقي العائلة كنسلهاا من حساباتك وذلك بسبب الانتشار

وترئ فية منافسين لها. سكويا . يوكن . تاهو. باترول.  لاندكروزر

عن تجربة اشوفه ارسى شي في فئته بمراحل 

وبالنسبة للفحص كومبيوتر وارفع الموتر وشوف بطنه سليم التهريب

وأهم شي خذ فرة وبتحكم ..

وبخصوص السعر  والبنزين يفيدوك الشباب .

لاتقربه ابعد عنه نصيحة 
اذكر واحد من الزملا معه واحد اخترب قيرة وتورط فيه
غالي اصرف نظر عنة
وباالتوفيق

مع ان الارمادا نفس مكينة و قير الباترول الجديد  فئة SE
لكن المشاكل بالارمادا اكثر
 مدري ممكن طوروا فيها شي
قبل ما تنزل على الباترول

قطع البدي اسعارها غالية 

يارجال معانا 2008 ارمادا داخل على 200 الف اذا تغير اول باول القطع الاستهلاكية اوعدك حترتاح لها وتنبسط لاخرابات قير ولا هم يحزنون استخدامك هوا اللي يحدد تعيش او لا

انا لي رأي اخر السيارة نازل شكلها من عام 2005 يعني اكثر من عشر سنوات وعملوا لها فيس لفت مره عام 2008 بتغيير بسيط في الانارات والديكور مع بقاء المحرك وغيره . بمعنى اخر السيارة لم تتطور لازالت تسير بتقنية قديمة جداً . 

مثال /
التاهو اصبح فيه ميزه ايكو درايف لاستهلاك الوقود 
الاكسبدشن اصبح يجي بمحرك تيربو لاعطاء عزم افضل 

اما الارمادا صاحب التقنية القديمة فاحد عيوبه انه ينزل بشكل كبير من الخلف حتى لو مجرد 7 ركاب بدون عفش وهذا غير آمن . 

اسوأ سيارة في فئتها 

السيارة عملية واذا اخذتها جديدة بأذن الله ما راح تحتاج قطع لخمس او ست سنوات ماعدا الفلاتر والقماشات وموجودة والاسعار عادية ... بس تنتبه لشغلة وحده وهي تغيير زيت القير كل 80 الف والزيت زيت نيسان ... السيارة عزمها ممتاز ومريحة وواسعة جدا
... استهلاكها داخل المدينة تقدر تقول مرتفع بس طريقة سواقتك تفرق في الاستهلاك .. يعني تعبي ب 55 ريال تقريبا ويمشيك حدود 450 كيلو في المتوسط ... واذا دعست يمكن 400 واذا سواقتك هادية يوصلك 500 ... اما على الخطوط السريعة انا اشوفه ممتاز ... على سرعة 120 يمشيك حدود 700 كيلو
اسعار قطعها عادية .. وبالتجربة ماهو يقولون .... اكثر الشعب معتقد في ان قطع نيسان هي الاغلى في السوق بينما الصحيح انها متوسطة وبعضها ارخص من الشركات الاخرى ... انا شريت ثلاجة مكيف ارمادا ب 1000 ريال ... وجلود عمود توازن الحبة ب 20 ريال وقماشات 350 امامي وفلتر مكينة ب 90 ريال هذي الاشياء هي الاشياء الوحيدة اللي احتجت اني اغيرها وموديل سيارتي 2009 يعني السيارة لها 7 سنوات من فضل الله ... قارن اسعار هالقطع بشركات ثانية وايضا عدد المشاكل وبساطتها بالنظر لعدد سنوات الخدمة .... السيارة اعتبرها الافضل في الخدمة في فئتها والله اعلم

بالنسبة للفحص ... افحص المكينة والقير وعضلات السيارة بالذات في الامام ... مساعدات وجلود واذرعة ومقصات وتأكد ايضاً من سلامة علبة الدركسون ... بالنسبة لفحص المكينة والقير لازم بكمبيوتر وانا افضل انه يكون في الوكالة