أضف سؤال أو موضوع جديد          

الى أصحاب الأرمادا .. شوية أسئلة الله يعافيكم

up 2 down 6
ربيع الأول 368
قبل 5 سنه و 8 شهر



السلام عليكم
وبارك الله في كل من دخل موضوعي
عندي شوية اسئلة عن الأرمادا لأني ناوي اشتري وحده مستعمله موديل 2013
ماشية 100 الف كيلو

والاسئلة كالتالي :

1/ ايش اهم النقاط اللى افحصها في السيارة قبل ماشتريها
2/ هل السيارة خدومة وتتحمل مشاوير داخل المدينة
3/ كم لتر تانكي البنزين تبعها وهل تقبل بنزين 91 ؟
4/ هل تواجه مشاكل في الكهربا والكمبيوتر والحساسات ؟
5/ كم تثمنوا سعرها اذا كانت نظيفة وموديلها 2013 ؟
6/ هل بالفعل قطع غيارها تثقل الكاهل ؟

انتظر اجابتكم يا اخواني في الله
ولا مانع من اللى ماعنده ارمادا يشاركنا الرأي
بارك الله فيكم جميعا .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نصيحة لله.  اذا بتاخذ نيسان لا تاخذ غير الددسن او الباترول 

وباقي العائلة كنسلهاا من حساباتك وذلك بسبب الانتشار

وترئ فية منافسين لها. سكويا . يوكن . تاهو. باترول.  لاندكروزر


up 4 down 3
ابوحاتم6 469
قبل 5 سنه و 8 شهر



عن تجربة اشوفه ارسى شي في فئته بمراحل 

وبالنسبة للفحص كومبيوتر وارفع الموتر وشوف بطنه سليم التهريب

وأهم شي خذ فرة وبتحكم ..

وبخصوص السعر  والبنزين يفيدوك الشباب .


up 2 down 1
صوت الأرض 94
قبل 5 سنه و 8 شهر



لاتقربه ابعد عنه نصيحة 
اذكر واحد من الزملا معه واحد اخترب قيرة وتورط فيه
غالي اصرف نظر عنة
وباالتوفيق


up 3 down 3
باترول 2020 2624
قبل 5 سنه و 8 شهر



مع ان الارمادا نفس مكينة و قير الباترول الجديد  فئة SE
لكن المشاكل بالارمادا اكثر
 مدري ممكن طوروا فيها شي
قبل ما تنزل على الباترول


up 1 down 2
مثقف سيارات 1143
قبل 5 سنه و 8 شهر



قطع البدي اسعارها غالية 


up 1 down 0
business to consumer 1163
قبل 5 سنه و 8 شهر



يارجال معانا 2008 ارمادا داخل على 200 الف اذا تغير اول باول القطع الاستهلاكية اوعدك حترتاح لها وتنبسط لاخرابات قير ولا هم يحزنون استخدامك هوا اللي يحدد تعيش او لا


up 2 down 1
ahmed-5 42
قبل 5 سنه و 8 شهر



انا لي رأي اخر السيارة نازل شكلها من عام 2005 يعني اكثر من عشر سنوات وعملوا لها فيس لفت مره عام 2008 بتغيير بسيط في الانارات والديكور مع بقاء المحرك وغيره . بمعنى اخر السيارة لم تتطور لازالت تسير بتقنية قديمة جداً . 

مثال /
التاهو اصبح فيه ميزه ايكو درايف لاستهلاك الوقود 
الاكسبدشن اصبح يجي بمحرك تيربو لاعطاء عزم افضل 

اما الارمادا صاحب التقنية القديمة فاحد عيوبه انه ينزل بشكل كبير من الخلف حتى لو مجرد 7 ركاب بدون عفش وهذا غير آمن . 




up 2 down 0
abofarah 1080
قبل 5 سنه و 8 شهر



اسوأ سيارة في فئتها 


up 2 down 0
mfh2009 372
قبل 5 سنه و 8 شهر



السيارة عملية واذا اخذتها جديدة بأذن الله ما راح تحتاج قطع لخمس او ست سنوات ماعدا الفلاتر والقماشات وموجودة والاسعار عادية ... بس تنتبه لشغلة وحده وهي تغيير زيت القير كل 80 الف والزيت زيت نيسان ... السيارة عزمها ممتاز ومريحة وواسعة جدا
... استهلاكها داخل المدينة تقدر تقول مرتفع بس طريقة سواقتك تفرق في الاستهلاك .. يعني تعبي ب 55 ريال تقريبا ويمشيك حدود 450 كيلو في المتوسط ... واذا دعست يمكن 400 واذا سواقتك هادية يوصلك 500 ... اما على الخطوط السريعة انا اشوفه ممتاز ... على سرعة 120 يمشيك حدود 700 كيلو
اسعار قطعها عادية .. وبالتجربة ماهو يقولون .... اكثر الشعب معتقد في ان قطع نيسان هي الاغلى في السوق بينما الصحيح انها متوسطة وبعضها ارخص من الشركات الاخرى ... انا شريت ثلاجة مكيف ارمادا ب 1000 ريال ... وجلود عمود توازن الحبة ب 20 ريال وقماشات 350 امامي وفلتر مكينة ب 90 ريال هذي الاشياء هي الاشياء الوحيدة اللي احتجت اني اغيرها وموديل سيارتي 2009 يعني السيارة لها 7 سنوات من فضل الله ... قارن اسعار هالقطع بشركات ثانية وايضا عدد المشاكل وبساطتها بالنظر لعدد سنوات الخدمة .... السيارة اعتبرها الافضل في الخدمة في فئتها والله اعلم



up 0 down 0
turkiq 178
قبل 5 سنه و 7 شهر



بالنسبة للفحص ... افحص المكينة والقير وعضلات السيارة بالذات في الامام ... مساعدات وجلود واذرعة ومقصات وتأكد ايضاً من سلامة علبة الدركسون ... بالنسبة لفحص المكينة والقير لازم بكمبيوتر وانا افضل انه يكون في الوكالة


up 0 down 0
turkiq 178
قبل 5 سنه و 7 شهر