أضف سؤال أو موضوع جديد          

ادخل -تجربه -خواطر -مشوره

up 17 down 3
مالك رجا 605
قبل 4 سنه و 8 شهر



بسم الله الرحمن الرحيم الحمد لله رب العالمين والصلاة والسلام على سيدنا وحبيبنا محمد وعلى آله وصحبه وسلم تسليما كثيرا إلى يوم الدين 
السلام عليكم ورحمة الله وبعد
انا يا اخواني مريت بتجارب صعبه ومريره بالسيارات وعانيت معاناه شديده بسبب عدم وجود سياره بحكم اني من عائله قليلة الدخل 
صحيح الفقر ماهو عيب لكن طعمه مر وسيدنا علي رضي الله عنه قال والله لوكان الفقر رجلا لقتلته 
انا كان حلمي امتلك سياره لو ب 2000 ريال بس اهم شي اقضى لزومي واداوم وافتك من التكاسي  اللي اكلت نص راتبي او ثلثينه 
والحمدلله من الله علي بسياره اقصاد بهذلتني كل يوم بورشه لكن دايم احمد الله واقول انا احسن من غيري فعلا 
وبعتها وتبذلت مره ثانيه ومره ثانيه من الله علي بسياره احسن منها والفضل لله ثم لادارة هذا الموقع اللي سهلت لي شرائها من احد الاخوان اللي من جد راعاني فيها 
وهي رخيصه ويمكن البعض ما يشوفها سياره ولا حتى سيكل لكن انا بالعكس كنت شايف نفسي فيها وكنت افتخر اني شريتها من تعبي وكدي وكنت اخاف عليها واداريها وكأنها واحد من اعز احبابي 
ومرت الايام وهي صابره وكاده واخوكم مستلنس ومستور الحال ومرتاح وكانت سيارتي تسوى بعيني بنتلي والا جيب لكزس وطبعا لا يخلو من بعض الاعطال البسيطه لو ترجع لمواضيعي السابقه بتعرفها 
ومشينا .
وفي يوم من الايام خرب الكمبروسر التكييف ف جا فبالي قلت بطلع اقصاد سياره جديده
》ابن ادم فساق 《 قدمت اوراقي وكل شي وسمع احد اقاربي وهذا شهاده حق مني لهذا الرجل النبيل وكان يومها قبل عيد الاضحى اللي فات وانا اوراقي جاهزه  لكن باقي اروح اعطي لهم الدفعه واكتب العقد  انا اجهل بعض اجراءات التقسيط 
المهم تاجل الموضوع لبعد العيد بحكم انه اليوم 9 ذو الحجه وخلاص وقفت الدوامات والناس راحت تحج . قبل العيد بيوم  تفاجات بسياره وقفت قدام الباب مع بوري طلعت وكانت المفاجاه سيارتي اللي كنت بطلعها اقصاد واقفه قدامي ويسوقها وسيط للمعرض وقالي تفضل هذي سيارتك وهذي اللوحات 
انا مدري ابكي افرح بصراحه اختلطت مشاعري يومتها رحت له وقلت ليه كذا سويت قال لا تكلمني خلاص انا اخذتها وانت قسطني سعرها وانا كنت عارف انه ماراح ياخذ مني شي 
وبعدها بكم يوم قال انا ما اخذتها لك واباخذ حقها منك 
ورجعت لسيارتي القديمه وفكيت الكمبروسر وصلحتها وصار عندي سيارتين 
وانا اللي كنت اتمنى سياره لو ب 2000 ريال معي سياره 2016 وسيارتي الاولى 
والحمدلله وهذي قصتي وخذ العبره ان شاء الله ماطولت عليكم ..
نجي للاخير المشوره يا اخواني 
انا معي زميل من الجنسيه الفلسطينيه وراتبه 4000 وجاب زوجته جديد المهم الرجال الشركه تاخذ منه 1000 والشقه المفروشه 2000 يصفا له 1000 ريال واحيان اقل يعني مرات 500 
ولا عنده سياره ولا شي وهو عنده القدره يشتغل شغله ثانيه بس يقول كاسره ظهره السياره 
وش رايكم اعطيه سيارتي القديمه .. وسلامتكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يجزاك خير ويوفقك يارب
وانا من رائي تعطية وتخليها لوجة الله 


up 1 down 1
زيت زيتون 2015 1043
قبل 4 سنه و 8 شهر



اخوي معلش بعقب على خويك تقول راتبه 4000 وشقته ب 2000 بالشهر  !! يعني بالسنة كثير جدا 24000 البيوت كثيرة ب 16 و 18 جديدة هو بطران مع احترامي له 




up 8 down 10
benz lover -83
قبل 4 سنه و 8 شهر



فعلا خويك ليه ياخذ شقة مفروشة يدور بيت ع قد حاله
وسالفة تعطيه سيارتك شي طيب بس سو له تفويض 
الدعواء فيها ساهر عشان المخالفات 
والله يسعدك يااخي
وانت نيتك طيبه


up 3 down 0
باترول 2020 2624
قبل 4 سنه و 8 شهر



فعل الخير نور في الدنيا وفي القبر اخوي ساعده واحتسبها عند الله وزي ربي فرج كربتك فرج كرب اخوك المسلم


up 3 down 1
ضجيج قلم 151
قبل 4 سنه و 8 شهر



اللي سوالي دسلايك اقنعني ان كلامي خطأ ولا تهايط 


up 2 down 2
benz lover -83
قبل 4 سنه و 8 شهر



بنز لوفر كلامك صحيح ومني لايك


up 2 down 1
maktoob110 367
قبل 4 سنه و 8 شهر



كيف(وبعدها بكم يوم قال انا ما اخذتها لك واباخذ حقها منك )


up 2 down 1
walleed711 62
قبل 4 سنه و 8 شهر



هذا افضل شي تثبت فيه شكرك لربك ع النعمه وعسا الله يرزقك احسن واحسن ورجال شهم بس اهم شي استخير قبل لا تعطيه وغيره من الامور
ما تدري المشاكل الي يمكن تنحط فيها لكن اهم شي تكون السياره باسمه عشان اي نوع من المشاكل لا قدر الله


up 0 down 0
محمد حمدان هلال 19
قبل 4 سنه و 8 شهر