صيانة الباترول ال400 وقطع غياره وصرفيته

حياك الله 
البلاتنيوم نشيط ما شاء الله وحق كرف ويطربك 
ولافيه عيب مصنعي مثلا او شيئ من هالقبيل وإذا حافظت على الصيانة الدورية ترتاح بإذن الله 
وترى اشوف اسعاره نازلة كثير عن السابق الآن ممكن تحصل بـ 215000
بالنسبة للبانزين الـ 95 يتفلل بـ 126 و الـ 91 بـ 110 تقريبا
وطبعا الافضل واللي تنصح به الشركة الـ 95
والصرفية حسب الممشى يعني بالديرة ممكن 650 كيلو وبعض الشباب يعطيهم فوق 1000 و1100 كيلو حسب قراءة الكمبيوتر لدعستك
والخطوط طبعا تزيد النسبة
وفيه قروب على التليقرام فيه اكثر من 1500 شخص انا مشترك فيه لكن للملاك ..
والله يوفقك ..

تصحيح ..
 السعر المذكور للـبلاتنيوم 320

نظام 50% حسب ما سمعت عند بعض معارض النسيم واتفاقك يكون مع ممثل البنك اللي في المعرض 

بتشتري موتر ٨ سلندر لا تسال عن الصرفية ابدا عزمة ماشاء الله ينسيك البنزين وصرفيته وموتر عليه الكلام

ال 400 وعموم قطع الغيار رخيص وارخص من الفتك , وقطع غيار النيسان نازل 
لكن يبغى تعرف من وين تشتري القطع 
يعني كمثال مساعدات ال 320 محل يبيعه ب 240 ومحل ب 190 ريال 
مساعد ال 400 الهدروليك محل يبيعة ب 600 ريال ومحل ب 1100 ريال 
نجي لصرفية البنزين 
بنزين 95 , لما يعطيك العداد باقي 110 كيلو وهنا لمبة البنزين مولعه , تفلله من 85 الى 90 ريال , وداخل المدينة يمشيك من 530 الى 580 كيلو , يعني 110+530=640 كيلو وهنا يعتمد على الدعس 
لذا التانكي يشيل 140 لتر ,لكن  لما يكون انبير العداد على الخط الاخير لن تستطيع تعبية با اكثر من 100 لتر , وهنا الشركة واضعه احتياط 40 لتر 
الشي الاخر نصيحة وفر على نفسك وشوف موديل 2010 الى 2012 مستعمل ونظيف واقلبة 2016 ب 10000 ريال من والى ولا تضغط نفسك بديون , او شوف 320 تراه حول ال 400 با النشاط

الله يبيض وجيهكم ماقصرتوا