أضف سؤال أو موضوع جديد          

حل لمشكلة قرة قير الددسن وثقل التعشيق

up 10 down 2
ابوعمر9900 281
قبل 4 سنه و 7 شهر



سلام ععليكم 

كيف الحال ياخوان ؟؟ 

المهم قبل كم اسبوع شكيت ف الموقع ان عندي مشكله بالقير

الي هي القرة وبالقوه عشان ابدل من نمره الى نمره 

ومن مبدأ حديث الرسول صلى الله عليه وسلم"لايؤمن احدكم حتى يحب لأخيه مايحب لنفسه"

هذي مشاركه لي ارجو ان يستفاد منها 

قبل اسبوعين يمكن كنت طالع لنسسيم بختبر القياس واجي عند المديور 

ابرجع نمره عيا القير دقر نهائيا مايبدل 

كانك مانت ظاغط كلتش 

يولد عدل بدل عيييييا المهم واطفي واجرب القير الا والله يعشق !! 

واحطه ب الثاني عشان انتعها واطلع من الخط لان موقفي الشارع 

واطلع من الخط الحمد لله واحاول فيها واحاول وتعشق ! 

ورجع الكلتش مثل ماكان ! 

والله وامشي فيه حدود ٢٠٠ متر تقريبا الا يوم ثقل الكلتش ثقل غير طبيعي 

ثم بعد عيا يبدل نهائيا 

ووقف على جنب واطفي واخلي السياره واكلم واحد من العيال ساكن حول النسيم والله ويجي 

واخذ سيارته واروح اختبر وارجع لها 

واشغل وحاول اعشق عيا مايعشق وارجع ورا واطفي واعشق ب الثاني 

وانتعها عشان اطلعها لصناعيه 

اول ماجيت رح يم واحد اعرفه طبعا واضحه دسك وصحن 

والله وانقز واخذ 

الدسك ب170 والصحن 170 والفحمه ب60 

وكلف شغل يده 200 

ويخلصها لي وانا اخذها قلت له عن مشكلة القير قال شيك على الزيت من البنشري وشفه 

والله واطلع يم بنشري ويفك صامولة القير يوم مانزل ولا قطره !!  

يولد عدل بدل قال ناقص ببتزيده ولاتغيره 

وافكر وافكر قلت بزيده واشوف ويجيب 

ذاك حق الظغط حق الزيت وقال كل ظغطه ب ٣ ريال 

قلت طيب مايخالف مايخالف 

والله ويظغط ويظغط 6 مرات 

قال النقص الي عندك حدود العلبه 

واخلص وحسابه واطلع 

والحمد لله الحين القير تعشيقاته سلسه ولاقره ولا يحزنون (ماشاء الله) 

وفي امان لله :) 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


على طول الموضوع ما فهمت شي الان مشكله القير عندك (الدسك والصحن والفحمه ) او نقص زيت

+1 لايك للجميع


up 3 down 0
Abu-Nawaf 338
قبل 4 سنه و 7 شهر



كلها غلطتي ماشيكت على الزيت على طول 


up 1 down 0
ابوعمر9900 281
قبل 4 سنه و 7 شهر



نصيحتي لك اقرب قطع غيار واشتر زيت تيتان 90 واقرب بنشري وغيرة زيت البناشر مضروب 


up 2 down 0
بريق الرياض 259
قبل 4 سنه و 7 شهر



قبل اسبوع صات لواحد من الشباب وكان يلك القير وفحص الزيت وطلع ناقص وغيرة كامل والحين ممتاز 


up 2 down 0
بريق الرياض 259
قبل 4 سنه و 7 شهر



كلام اخوي بريق الرياض هو كلام مصنع موترك 
غير الزيت الموصى وشف كيف القير يضبط معك 


up 0 down 0
عبدالله 711 791
قبل 4 سنه و 7 شهر



سيارتي ددسن ٢٠٠٨ ، كنت اذا شديت ع الثالث و عشقت رابع يطلع عندي صوت ( كخخ ) ، قررت اغير الزيت و رحت تويوتا و شريت GL_4 90 w 75 ، يوم غيرته طلعت لي قره لا عشقت الثاني و السياره بارده ، و اذا احترت السياره تبقى موجوده بس تخف واجد ، 
ارجو كل الرجاء ان تفيدوني ، وش الحل ؟؟


up 0 down 0
newpath 3
قبل 4 سنه



علما ان المشكله من الثالث الى الرابع اختفت و لله الحمد


up 0 down 0
newpath 3
قبل 4 سنه



انا عندي ددسن 2013 القير تعشيقاته كويسه  لكن فيه صوت نمره ٣ و ٤ صوت حنه 


up 0 down 0
a7med bin saad
قبل 2 سنه و 8 شهر