أضف سؤال أو موضوع جديد          

لمبة الماكينة نيسان باثفايندر الجيل القديم 1999 - 2005

up 14 down 10
بدر الباثفايندري 989
قبل 2 سنه و 6 شهر



السلام عليكم أخواني الأعضاء,

أتمنى تكونوا بصحة جيدة و الحمد لله,

المهم يا شباب عنواني كما هو موضح استفسار عن لمبة الماكينة, اليوم والله طلعت البحرين بالسيارة و عقب ما

خلصت اشغالي راجع الديرة, أرض الوطن, وطننا الغالي الحبيب.  المهم وانا في طريقي للوطن الحبيب ماشي

بسرعة ما متأكد هل كانت 100 أم 100 وشوي؟؟ الا واحس السيارة جتها نتعة خفيفة و عداد الrpm ينزل 

مرة واحدة حسيت السيارة انطفت وهي ماشية الا والاحظ لمبة الماكينة ولعت عندي في الطبلون!!! مع العلم سبق

ولعت عندي هاللمبة بس من زمان آخر مرة في 2005 و سيارتي ذاك الوقت يمكن ما وصلت 20,000 و موتري

2003.  كان السبب بس اعادة برمجة و سواها لي المهندس في وكالة نيسان السابقة الجبر (وكيل نيسان السابق في

المنطقة الشرقية) وكيل كيا حاليا.  وكان لمة تظهر اللمبة أحس في ثقل السيارة يا دوب تمشي, لكن اليوم عقب

ما ولعت لي السيارة سحبتها عادية جدا لاحظتها وانا على طول خط جسر الملك فهد راجع الشرقية.

أكيد فيها فحص كمبيوتر بس ايش النتيجة ممكن تكون يا اخواني؟؟

أكثر شي مخوفني انها تكون علامة تخبيط الماكينة؟؟ هذا موتري الوحيد و محافظ عليه و صار جزء من حياتي

 و لا يمكن التفريط فيه و مستعد أوظب لو صار هالاحتمال الأسواء لا قدر الله.

البواجي جديدة طبعا و مغيرهم وكالة عند العيسى و ما صار لهم غير أشهر بس من نوفمبر اللي فات 2015

  متوجه غدا للعيسى (الوكيل) لحل هالمشكلة ان شاء الله.

عذرا يا شباب على الاطالة و منتظر مساعدتكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ليش الديسلايك؟

هالحين هذي جزاتي داخل طالب مساعدة أبي فزعة تيجيني نكبة ليه يا راعي الديسلايك ليه أنا حبيب وطالب مساعدة.

الله يسامحك بس ماقول الا الله يسامحك.

والله ما هقيتها منك وش غلطت معك بس؟؟

تكفون يا شباب اللي يبي يساعد حياه الله واللي ما يبي  يعني لا يعطني ديسلايك ما ابي رصيدي ينزل بالعكس ابيه يزيد

تكفون ياشباب.


up 10 down 1
بدر الباثفايندري 989
قبل 2 سنه و 6 شهر



الله حيوه اخوي بدري
رجعت و رجعت الديسلايكات تصيبك ههههه

يبن الحلال بع هالباثفندر ذكرتني وقت ما كان معي الناتيفا
اشوى اني افتكيت منه مع انه خدمني بس ما في مثل الجديد
الله يرزقك اللي تتمناه و يسهل حل مشكلة اللمبة


up 1 down 0
أبو نجوى 2446
قبل 2 سنه و 6 شهر



يا هلا والله ابو نجوى, اسعدني وجودك في موضوعي.  والله يا بو نجوى السالفة أشوفها ما تحتاج ابيع موتر خدمني أكثر من 10 سنين

ما اقدر والله ابيعه محتاج للموتر  و على قولتهم مد لحافك على قد رجليك يعني لو دورت لي نظيف كم بيطلع علي؟؟ و ما تدري يمكن

تلقى نظيف بس عقب ما تاخذه تشوف الويل و العذاب.  لا أنا اقول خلني على موتري عارفه و خابزه سنين ابرك من موتر ما ادري

وش تاريخه.  أنا طموحي ان شاء الله سيارة وكالة و هذي بدري عليها قاعد انتظر الفرج من رب العالمين.

من خلال بحثي من على النت تبين أنه المشكلة ممكن تكون احدى الحساسات بالسيارة راح يبان مع فحص الكمبيوتر.  أنا خلاص لقيت

محل في الخبر يبرمج كمبيوتر كل السيارات بما فيها نيسان.  أنا بمر الوكالة بس اتوقع الوكالة بيقولوا أتصل و حدد موعد والله اذا

فيها مواعيد ساحب على العيسى ورايح لمحل يعيد البرمجة و يطلعلي المشكلة.  أول شي فحص بعدين اقرر.

شكرا لك أخوي و عذرا على طول الرد.


up 4 down 1
بدر الباثفايندري 989
قبل 2 سنه و 6 شهر



حياك الله 
و من رأي تشوف المحلات و المراكز المتخصصة
و ابتعد عن العيسى و صيانته
ترا ما يعرف يدبر شي و حرام نيسان تصير عند وكالته
و الله ييسر عليك ان شاء الله بسيطة المشكلة و حلها سهل


up 0 down 0
أبو نجوى 2446
قبل 2 سنه و 6 شهر



والله انك صادق بالفعل العيسى حرام عليه النيسان.

تدري كنت ناوي على بطل الدروب بس بسبة العيسى ماني مطلع نيسان مكتفي بالباثفايندر اللي عندي.

الحمراني و الجبر والله كانوا احسن في وكالة نيسان يعني من وجهة نظري.


up 0 down 0
بدر الباثفايندري 989
قبل 2 سنه و 6 شهر



هل يوجد تقطيع أو تفتحه بالمدينه أثناء السير أو الوقف يعني هل تغيرت عليك السياره من بعد اضافه العلامه


up 1 down 0
حسي لسي 123
قبل 2 سنه و 6 شهر



لا والله اخوي مافي أي تقطيع بس حسّيت السيارة خفيفة  بس إجمالا سواقتها طبيعية. 


up 0 down 0
بدر الباثفايندري 989
قبل 2 سنه و 6 شهر



اخواني تم الكشف عن المشكلة 

نتيجة الفحص بينت لي الآتي: 

حساس الكام يمين و يسار 

الكام شفت 

غيرتهم و قبل  التغيير تم فحص الأسلاك  و طلعوا سليمين

غيرتهم لي و للزمن,  الترقيع يمكن ما يجيب نتيجة,  فلهداة البال قمت بشراء قطع جديدة و استبدالهم


up 2 down 0
بدر الباثفايندري 989
قبل 2 سنه و 6 شهر



الله يعطيك خيره.. هالموديل من الباثفندر ما في مثله..

قبل اربع سنين بعت رفيقي  أخضر و بني 2002  .. ومن سنتين الى اليوم أدوره 


up 0 down 0
صايل6 101
قبل 2 سنه و 6 شهر



شكرا لك أخوي صايل, اي والله فعلا ما في مثله ما شاء الله عليه.  أنا كثير مبسوط عليه.

الله يعوض عليك بالأحسن منه ان شاء الله.


up 1 down 0
بدر الباثفايندري 989
قبل 2 سنه و 6 شهر



تستاهل الليك يا بدر.. عوضنك عن المرضي النفسيين 


up 0 down 0
صايل6 101
قبل 2 سنه و 5 شهر



مشكور اخوي صايل جزاك الله كل خير.


up 0 down 0
بدر الباثفايندري 989
قبل 2 سنه و 5 شهر