أضف سؤال أو موضوع جديد          

زيت الدفرنس .. بين مؤيد وبين رافض .. وتجربتي بالصناعيه

up 19 down 11
سبحان الله العظيمم1 58
قبل 3 سنه و 2 شهر



نزلت موضوع عن نوع الزيت .. وكلن قال نوع .. اخر شي يوم زاد الصوت وفكيته المكينه طلع الخراب من عمود الكرنك ماله دخل بدرجة اللزوجه 

بعده غسلت يدي من بعض الردود واعتمدت اعتماد كامل على الله ثم نفسي ثم الصناعيه 

ف بحثت بالموقع عن تغيير زيت الدفرنس .. لقيت الناس خايفه وتقول كلام مايخش العقل .. 

ف بصفتي بحايل وكل نهاية اسبوع بالنفود .. 

بعد ماارجع من النفود المس الدفرنس .. حاااااااااار 

ف بعد تصليح المكينه وسوست .. ورحت افحص زيت الدفرنس 

طلع ماهو ناقص ... لكن لكن لكن .. العامل عيا يقتنع .. يقول فيه ماء مع الزيت يقول خفيف .. قلت لا انا موتري اعرفه وكاله مايلمسه عامل الا انا واقف ع راسه 
قال اجل زيت موترك به بلا .. 

المهم .. وافتح الكاتالوج .. القى للشرق الاوسط درجة 140 .. 

واروح لقطع الغيار .. كلهم يقولون مخلص !!! 

بينما اليمنيه بالبناشر كلهم يقول انا اغيره .. ف ما غيرته 


لان الزيت حق الدفرنس واتكلم عن موتري . من الحرااره تروح اللزوجه .. 

ولاحظوا اللي معه ربع او شاص او هايلكس تويوتا .. فيه مكان صره للتعبئه وتحت للتغيير .. 

وتغيير زيت الدفرنس خصوصا للي يطلع للبر او يجور عالموتر .. كل 80 الف كيلو 

وسبب فرط الكارونه لاكثر اللي غيروا .. هو تغييره من عن اليمنيه بالبناشر .. 


لا التغيير يكون تفتح الكاتالوج .. وتلقى الدرجه مكتوبه ..
بالكاتالوج ما اسمه دفرنس ..
 اسمه * مجموعة التروس التفاضليه الخلفيه * 
 
وشي ثاني .. ابويمن يغير لك الزيت فقط 
بينما قطع الغيار .. 
يعطيك 3 علب زيت والرابع معالج .. 

المعالج يعوض البراده اللي تطلع عند تغيير الزيت .. 

المعالج سعره 70 ريال والعلبه حقت الزيت الوحده ب 80 ريال 

يعني تغير عند بنشي وينفرط عليك .. تستاااهل .. بعض الشي ماينلعب به .. 

البنشري يكلفك 240 ريال فقط 

والقطع الغيار الزيت الاصلي مع المعالج 310 ريال فقط وشغل اليد يمكن 10 ريال 

الفرق 80 ريال فقط .. بالله عليك ال 80 ريال ماتسوى انك تضمن دفرنس موترك !؟ 


اتمنى مايكتب رد الا واحد فاهم ودارس الموضوع ..
والشي الثاني اللي له تجربه بالتغيير يحدد بنشري بنقالي او يمني .. او من قطع غيار اصليه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مشكور واول مرة اعرف عن المعالج
لك لايك 


up 4 down 0
زيت زيتون 2015 1044
قبل 3 سنه و 2 شهر



جزاك الله خير.موضوع يستاهل مليون لايك 


up 1 down 1
fowad 131
قبل 3 سنه و 2 شهر



غيرة وكالة هم في الغالب أدرى الصراحة ولا سار شي عندك فواتير و تقدر تشتكيهم عند الشركة الأم
سواء نيسان تويوتا شفر جمس دودج


up 1 down 1
m-baz 336
قبل 3 سنه و 2 شهر



كلام جميل 
لو معي نقاط قيمت موضوعك وتستاهل


up 2 down 2
الامير 0 1
قبل 3 سنه و 2 شهر



الصيانة السريعة يغيرونها وسعر ارخص من الوكالة 
مثلا فورد صيانتهم السريعة كويك لاين 


up 0 down 2
aburakan9479 154
قبل 3 سنه و 2 شهر



اخبر زمان كان عندي كابرس صابونة مكتوب ف دليل المالك ان زيت الدفرنس لا يتغير ابدا

لكن تشيك عليه كل 150 الف اذا ناقص زده

يعني ف الاخير مالك الا دليل المالك اما كلام البنشري او الردود اللي مالها داعي اتركك منها مثل اللي يقول حط قشر موز ههههههههههههههه


up 1 down 0
واآحد 244
قبل 3 سنه و 2 شهر



اشكرك على مواضيعك الحلوه اولا 
بالنسبه لزيت الدفرنس شريت سيارتين مستعمله وكلها غيرت زيت دفرنساتها وقيورها سيارتي كلها دداسن موتري الاخير 
غيرت زيت دفرنسه 3 مرات بعد البحث في المنتديات المهندس اصيل حجازي والمهندس بدوي جنوبي اتحفونا بمعلومات فكتنا من السباكين حقين الصناعية 
شريت زيت تيتان 90 و140 ال 90 غيرت زيت القير وال 140 في الدفرنس وبعد 5 الف كم 
شفت الزيت لقيت الدفرنس زيته مسود والقير نصف نظيف غيرتهن بباقي العلبه للمرة الثانيه 
وبعد 5 الاف او 7 الاف كم عايرت الاثنين القير نظيف والدفرنس مسود بس اقل من اول 
بحثت عن زيت اصلي لنيسان ماحصلت فتوجهت للامريكي 
حصت زيت اي سي دلكو مع معالج من وكاله بالبيد غيرت زيت الدفرنس للمره الثالثه مع المعالج وعايرته بعد 10 الاف كم 
ولله الحمد نظيف ولزوجته ممتازه طبعا له فترة الان 
فيه زيت GMاذا حصلته غير او تويوتا تبع دفرنسات اذا حصلت اي منهم غير وناس تمدح المتروكرافت زيت دفرنس مع معالج اكيد 


up 0 down 0
بريق الرياض 263
قبل 3 سنه و 2 شهر



لزوجه الزيت اال اي سي دلكو 90 طبعا  بس 140 استعملته لان الزيت السابق كان محروق وخفت ضرب الدفرنس توصيه الوكاله معروف كل 100 الف كم يغير زيت الدفرنس 
اللي احصله في قطع النيسان بالبيد 140 زيت لونه اخضر بس ما اعرف عنه شي بس يقولون هذا الاصلي تبع الدداسن والله العلم  هذا بالنسبه لتجربتي 


up 0 down 0
بريق الرياض 263
قبل 3 سنه و 2 شهر