مغلق تمت الافاده

المكس ماعليها خوف صدقني بس بسبب قيرها انصحك ابعد وابعد مع انهم حسنوه وطوروه لكن مع ذلك يضل قير سيئء

تصدق اني ركبت حقت خويي ومن كثر المطبات والتوقيف عند الاشارات  ارتفعت حراراتها


الcvt مايستحمل تمشي عليه اكثر من 160 ولا يستحمل تقعد تمشي علسرعة غير ثابته يعني شوي تمشي ثم توقف ووالخ

لو تتوفر بقير عادي بتكون يازينها

الي جربتها مع زميلك موديل حدييث ؟ مشاكل القير من تسخين و غيره ما احد اشتكى منها بالمكس ابببد كانت موجوده بالالتيما ٢٠٠٨-٢٠١٢ الاربعه سلندر و حسنوه ب ٢٠١٣ ولا عاد احد اشتكى من تسخين 
بصراحه اسمع كثيييير يمدحون فيه و اغلبهم مجربين و الي ما يمدحه اغلبهم ما جررب فا من هنا اتمنى المجربين يفصلون لنا الامر مشكورين 

انت اخر امالي : شلون تقوول المكس ماعليها خوف بس ابعد ؟ فسرلنياها ياطويل العمر

اللي ماله في الCVT و يتحمل صيانته الغاليه
يبعد عنه بشكل عام لكن ما عليه خوف الى ممشى 200 الف كم
اذا راعيها الاول مهتم بتغيير زيته و محافظ عليها من الدعس و المقاومات
الا بكم لقيتها او بكم حدها ؟

الماكسيما حلوه بس لله يعينك على كفرات سعرها غالي + ماتطول والسبب تحبل بسرعه  من كبر الجنط حجم 19

يعطيكم العافيه ، ب ٤٨٥٠٠ يابو نجوى 

المشكله ياخوان اغلب اللي يسبون قير cvt ما جربوه
حتى انا بغيت أشتري سياره قيرها نفسها وبحثت في قوقل
وانواع السب فيه وماهو عملي ومدري ايش

وشريتها ولها الان معي ازود من السنه
ولا واجهت مشاكل ولا شي
واستخدامه روعه يعني ما تسمع صوت المكينه ابد
الا اذا دعست لها بقوه ولا اذا استخدام عادي
تلاقي الضغط ما يتعدى 2 واذا صرت مهدي يكون 1 وربع
وزياده على هذا يعطي عزم السياره كامل
لانك اذا كتمت للسياره ما يضيع العزم في التبديل بين النمر

وبعدين هو حصلت فيه مشاكل في التيما انه يحتر
ومن 2013 تفادوا المشاكل اللي فيه

وبعدين لوه فاشل ما حطته نيسان في اغلب سياراتها
ولا حطته مستوبيشي ولا حطته هوندا
وايضا تويوتا حسب ما سمعت بتحطه في الكورلا الجديده
وما ادري اذا فيه شركات ثانيه ايضا استخدموه
يعني بتقنعوني انكم افهم منهم ياللي تسبونه ؟

اذا سعرها 48500 ريال فهو جيد
اسعار اخواتها من 50 الى 55 الف

الافضل بفئة V6 سيدان دفع امامي و اشوفها منتشرة بقوة
من الياباني تويوتا افالون
من الكوري هونداي ازيرا
و من الامريكي فورد توروس
و كلها عماية اكثر و قيورها 6 نمر  تبترونك
على الاقل يتصلح اذا طلع فيه شي لا قدر الله
الCVT ماله الا التغيير و لانت لاقي نظيف بالتشاليح و ان لقيت فهو غالي

السياره ماشالله قويه وخدومه وعمليه وسعرها مو غالي في فئتها
بس يبغالك تاخد فكره عن قطع الماكس ( شوي غاليه)

من الاخر مكانك وبدا السعر راح اتوكل واستخير واخذها

عندي 2011 سيارة ممتازه وقطع غيارها رخيصه 

والله اكثر الى يسبها ماجربها وبعدين احشم الموتر يحشمك لو انها صناعه صينيه 

والله كنت ناوي اطلع ماكسيما 2014 على وقتها جديده لن البنك عطاني عليها بعرض حلو بس ماجاء نصيب ونص فل ولونها رصاصي  بس الشكل الجديد ابدددداع لايوصف 

خذها وانت مغمض لاقطع غاليه ولا شي قبل يومين خويي شاطف واحد بالمرايه معه 
ماكس ٢٠١٤ وطارت المرايه وطلبناها من العيسى ب٦٠ ريال 
فحماتها حول ٢٤٠ وانا عندي التيما ٢٠١٠ ماشفت منها اي شيء 

عيبها الوحيد وقالها حسن كتبي انها تحمسك انك تسرع 

وانا انصحك اذا تبي ماكس  اذا انت راعي تدعيس ماانصحك  ، 
بس اذا انت رجلك هاديه حتى لو انك راعي سرعه مايضرها بس فيه ناس لما يسرع يكتم لام ام الموتر لاخر الدعسه 
هذا خطا واذا جربت الماكس راح تشوف ان السياره تعطيك تسارع مجنون والضغط ماتعدا ٣ 


والي يقول الكفرات غاليه اكيد عشان جنط ١٩ بس فيه شركات كثيره اسعار كفراتها رخيصه وجوده عاليه 


اسف ع الاطاله ومبروك سعرها حلوو 

اللي معي المكسيما موديل 2013 الدفعة الثانية شاريها من شخص محافظ وبنفس الوقت مخزن الموتر 
اللي معي بس ناقصها شاشة ملاحة ومراتب جلد والتسخين وتصير فل كامل 
الموووتر روعه بس مشكلة شي واحد فقط الجنوط ماتتحمل ع شوارعنا الجميله يعني انتبة للحفر والمطبات وعلموني العيسى عن الاربع الجنوط الوكالة والقيمة 19 الف 
وبالنسبة للقير ممتاز ممتاز اذا تبي تحافظ عليه انا شخصيا كل 60 الف اغير زيت القير والقير له مبردات 
وتبيني اريحك اكثر من خميس مشيط الين بريدة وماشي مابين 180 و 200 وفوق هذا كل اربع اشخاص اللي ساقوها وحنااا ماسكين الخط 
واقولك شي اللي يقولون المكسيما تهربد هذي كذبة والحمد الله متماسكة وماشاء الله شوارع خميس مشيط حفر ومطبات والرياض والدمام وبريدة 
ماابي اطول عليك 

سلبياتها الجنوط فقط مقاس 19 مشكلة للحفر واذا كان خوفك ع القير انه يخبط كل 60 الف غيير الزيت من الوكالة 

ومبروك مقدما