مشكلة تقطيع التيما 2013 وبعدها اشتغل حساس الانزلاق

والله افضل مكان له خبرة بسوالف ذي الوكالة اذا انها على الضمان رح لهم 

يوم تطلع لك العلامة 
المكينه وش وضعها ترجف والدعسه تقطع ولا طفيتها ورجعت شغلتها تختفي المشكله 
وتظهر مره ثانيه ؟ 

هذي صارت لي على افالون ٢٠٠٩ والمشكلة كانت من احد الكويلات

اول ما تطلع لك العلامة ودها فحص كمبيوتر عشان يحدد الكويل لان لو راحت العلامة الكمبيوتر ما بيحدد الكويل 

المشكلة هينه ان شاء الله 

البرمجه الاولى:
1-تفتح السلف on لمده لاتقل عن ثانيتين
2-تقفل السلف و تخليه على off لمده لاتقل عن 10 ثواني
3-تفتح السلف on لمده لاتقل عن ثانيتين
4-تقفل السلف و تخليه على off لمده لاتقل عن 10 ثواني

بعدها 10 ثواني بالضبط تبداء البرمجه الثانيه

البرمجه الثانيه
1- تفتح السلف on و اول ما تولع لمبات الطبلون على طول تقفل السلف off

تنتظر 10 ثواني بالضبط و تبداء بالمبرمجه الثالثه
راح اختصر البرمجه الثالثه بطريقه الثواني مع ساعه مؤقته اسهل بكثير و ادق
في حال انك اخطات في البرمجه الثالثه تقدر تعيد البرمجه الثالثه لوحدها بدون الرجوع للبرمجه الاولى او الثانيه.

البرمجه الثالثه:
تجهز الساعه المؤقته 00:00:00 غالبا الايفون فيه ساعه مؤقته او اي جهاز اخر او ساعه عاديه فيها ثواني.
نبداء من البدايه
1- تفتح السلف على on و بنفس اللحظه تبداء بالساعه المؤقته و نبداء نحسب
2- عند الثانيه 4 تدعس دعسه البنزين كامله و تشيل رجلك بنفس الثانيه
3-عند الثانيه 5 تدعس دعسه البنزين كامله و تشيل رجلك بنفس الثانيه
4- عند الثانيه 6 تدعس دعسه البنزين كامله و تشيل رجلك بنفس الثانيه
5- عند الثانيه 7 تدعس دعسه البنزين كامله و تشيل رجلك بنفس الثانيه
6- عند الثانيه 8 تدعس دعسه البنزين كامله و تشيل رجلك بنفس الثانيه بعدها تنتظر
7- عند الثانيه 16 تدعس دعسه البنزين كامله و تكون معلق على الدعسه لاتشيل رجلك
8 - لاحظ لمبه المكينه راح تولع و تطفى 5 مرات خلال خمس ثواني بعد ما تطفى لمبه المكينه للمره الخامسه تشيل رجلك من دعسه البنزين على طول تشغل السياره
9- تخلي السياره شغاله لمده 20 ثانيه و بعدها تعطيها دعستين او ثلاث دعسات و راح يرجع ال rpm للوضع الطبيعي
10- اطلع جرب السياره مشوار خمس دقايق سواقه عاديه.

و بكذا راح تكون برمجة الدعسه رجعت لوضعها الطبيعي.

@io502o

هذي برمجة سيارات نيسان
سوها وعسا تضبط

io502o@

طلاسم السحر اشوي منها